InfoHub Logo

Pavlodar oblysynda 2,4 maýsym kúnderi ótken UBT-nyń nátıjesinde 275 túlek shekti bal jınaı almady. Olardyń 42-si «ekilik» degen baǵa alǵan.  

Bul týraly Pavlodar oblysynyń bilim salasyndaǵy baqylaý departamenti bilim sapasyn syrttaı baǵalaý bóliminiń basshysy Alevtına Vedel málim etti, dep habarlaıdy pavlodarnews.kz.

- Bıyl 2 564 pavlodarlyq túlek UBT-ǵa qatysty. Testileýdegi ortasha kórsetkish 88,2 baldy qurady. Bul byltyrǵy jylmen salystyrǵanda 8 upaıǵa joǵary. Aımaq boıynsha eń joǵary bal (100,14) oblystyq mamandandyrylǵan mektep túlekteriniń enshisinde. Al aýdandar arasynda baıanaýyldyq túlekter testileýden 94,83 upaımen kósh bastady. Ekinshi oryndy Ertis aýdanynyń mektep bitirýshileri (94,65), úshinshi oryndy Lebáji aýdanynyń túlekteri (90,02) ıelendi, - deıdi Alevtına Vedel.

  Bólim basshysynyń aıtýynsha, «Altyn belgige» úmitker 115 talapkerdiń 78-i óz bilimin rastady. Testileý barysynda ár pýnktte tártip saqshylary men medısına salasynyń mamandary jumys istep, túlekterdiń quqyǵyn buzý faktileri tirkelmegen. Testileýdiń aldynda 1133 jáne aýdıtorıada 1511 tyıym salynǵan zat alynǵan. 

---