InfoHub Logo

Uly Abaıǵa arnaý.
Sónbes sáýle sepken Alash elinde,
MáshHúr etken qazaqty jer júzine.
Janyńa jaqyn Tatánanyń hattary,
Jyrlaǵan qazaq - orys jerinde.

Qara sóziń biz úshin úlgi emes pe?
Áýenderiń qulaqqa jaqyn emes pe?
Júrekke jyly tıer án - jyrlaryń,
Qazaǵym, Uly Abaıym, sen emes pe?

Qazaq dese, Abaı túser esińe...

Sózderi sharlap qazaq pen álem arasyn,
Abaı dep tanyr qazaqtyń baıtaq dalasyn.
Óleńi bizge rýhanı azyq sekildi,
Abaıdyń bıik tulǵany qaıdan tabarsyń?

Abaı - jyrshy, uly aqyny elimniń,
Jyrǵa qosqan sulýlyǵyn jerimniń.
Abaı - synshy, jaqsymenen jamannyń,
Qaıǵy - zaryn jyrlaı bilgen dalamnyń.

Abaı - mura, urpaqtan - urpaq jalǵaǵan,
Án men jyry el nazarsyz qalmaǵan.
Bilim, eńbek, erkindikti arman ǵyp,
Jas qaýymǵa sabaq etip jyrlaǵan.

Abaı - dana, Abaı - dara qazaqta,
Oqylmaǵan uly Abaıdy qazaq pa?
Qazaq dańqyn asqaqtatqan álemge,
Abaı teńdes aqyn bolmas qazaqta.

Keshe ótken buldyr zaman jelegi,
Bolashaqqa Abaı únin tiledi.
Ólmeıtuǵyn artyna sóz qaldyrǵan,
Abaı úni bizben birge keledi!

Qyzylorla oblysy, Qazaly aýdany,
Baıqoja eldi mekeni №258 negizgi mektebiniń
qazaq tili men ádebıeti páni muǵalimi
Abdrahmanova Bıbigúl