InfoHub Logo

Taqyryby: Ult bolashaǵy bilimdiniń qolynda (prezentasıasymen)
Sabaqtyń maqsaty: Ult bolashaǵy bilimdiniń qolynda (caıys sabaq)
Bilimdiligi: synyp oqýshylarynyń pánder boıynsha alǵan bilimderin saralaý, oı ushqyrlyqtaryn baıqaý, toppen birlese otyryp jumys isteı bilýge jáne óz bilimin kórsete bilýge úıretý.
Damytýshylyǵy: oqýshylardyń sózdik qorlaryn molaıtý, dúnıetanymdaryn keńeıtý, til baılyǵyn, shyǵarmashylyq qıalyn, logıkalyq oılaý qabiletterin damytý, óz oıyn erkin jetkize bilýge jáne shyǵarmashylyqpen eńbek ete bilýge daǵdylandyrý.
Tárbıeligi: bolashaqqa óz úlesin qosa biletin, izdenimpaz urpaq etip tárbıeleý, týǵan tilimizdi súıýge, týǵan elin, jerin qurmetteýge, jan - jaqty bilimdilikke baýlý. Uıymshyldyqqa, eńbekqorlyqqa tárbıeleý.
Kórnektiligi: top attary jazylǵan qaǵazdar, qıma qaǵazdar, ınteraktıvti taqta.
Ádisi: suraq - jaýap, oı qozǵaý. boljaý.
Tıpi: bilimdi bekitý.
Túri: saıys sabaq.
Pánaralyq baılanys: ana tili qazaq tili, dúnıetaný, matematıka.

Sabaqtyń barysy: İ. Uıymdastyrý kezeńi.
Oqýshylardyń zeıinin sabaqqa aýdarý. Psıhologıalyq daıyndyq.
Árbir sabaq – Úırený, uǵý, ulaǵat
Árbir isiń – tirlik, tirek, adamdyq
Árbir sóziń – shyndyq, birlik, adamdyq.
- Jaqsy balalar, osyndaı jaqsy sózdermen sabaǵymyzdy bastaıyq.
- Balalar, ózderiń baıqap otyrsyńdar, biz úsh topqa bólinip otyrmyz.
Qazir men aldaryńa qaǵazdar beremin, ol qaǵazdarda oryndary aýystyrylyp berilgen sózder bar, sender sol sózderdiń retin taýyp durys qoısańdar, óte maǵynaly bir sóılemdi oqı alady ekensińder. Káne, daıynbyz ba? Tabý rettilikterińe qaraı toptaryńa at beriledi.

Qolynda
Ult
bilimdiniń
bolashaǵy

Aldaryna qaǵazdar berý.
- Káne, qaı top birinshi bolyp tapty eken?
İ top birinshi bop tapty. Endeshe bul topqa «Tapqyrlar» aty beriledi.
İİ top ekinshi tapty. Bul top «Alǵyrlar» dep atalady.
İİİ topty «Zerekter» dep ataımyz.

- Káne oqıyqshy, qandaı sóılem shyqty?
- «Ult bolashaǵy bilimdiniń qolynda». Endeshe bizdiń búgingi saıys sabaǵymyzdyń da taqyryby osylaı atalady eken. Búgin úsh top bolyp saıysyp, bilimderimizdi ortaǵa salamyz.
[1 - slaıd]
Saıysymyz tórt kezeńnen turady.
«Qyzyqty tórttik»
[3 - slaıd]
- Bunda ózderińe tanys tórt pán boıynsha birneshe suraqtar berilgen. Pándi tańdaı otyryp sol suraqtarǵa jaýap beremiz. Tolyq jaýap bersek 5 upaı alamyz.
Al daıynbyz ba? Kezek birinshi topta.
Matematıka suraqtary
1. Uzyndyq ólshem birlikterin atańdar. (mm, sm, dm, m, km)
2. Tik tórtburyshtyń perımetrin qalaı tabamyz? (uzyndyǵy men enin qosamyz)
3. 9 ben 4 kóbeıtindisi neshege teń? (36)
4. Eki áke, eki bala teatrǵa bılet alady. Teatrǵa neshe adam bılet aldy? (3)
5. Sharshy degenimiz ne? (barlyq qabyrǵasy teń tórtburysh)
6. Ózderiń biletin geometrıalyq fıgýralardy atap berińder. (sharshy, tórtburysh...)
7. Eń kishi tórt tańbaly san? (1000)
8. Bir múshel 12 jas desek, 3 múshelde neshe jas bar? (37)
9. Bólý amalynyń ataýlary. (bólingish, bólgish, bólindiniń máni) [4 - slaıd]

Qazaq tili
1. Mátindi túrlerin atańdar. (áńgimeleý, sıpattaý, paıymdaý)
2. "Hat" sóıleýdiń qaı túrine jatady? (jazbasha)
3. Negizi sóılem múshesin ata.(bastaýysh)
4. Qazaq alfavıtinde neshe árip bar? (42)
5. Ne istedi? Qaıtti? Ne qyldy? Qaı sóılem múshesiniń suraqtary? (baıandaýysh)
6. Aıtylý maqsatyna qaraı sóılem neshege bólinedi? (úshke, habarly, suraýly, lepti)
7. Qos búıirin taıanyp
Turatuǵyn qaı árip? (F)
8."Batyr" sózine mándes sózderdi tap.(erjúrek, batyl, qaısar...)
9. Zat esim degenimiz qandaı sóz taby? Mysal keltir. (zattyń atyn bildiretin sózder) [5 - slaıd]

Dúnıetaný
1. Qazaqstan Respýblıkasy óz táýelsizdigin qashan aldy? (1991 j. 16 jeltoqsan)
2. Ár adamnyń shaǵyn otany. (Otbasy)
3. Memlekettik rámizderdi ata? (Tý, Ánuran, Eltańba)
4. Ánurannyń avtorlary kimder? (Sh. Qaldaıaqov. J. Nájimedenov. N. Nazarbaev)
5. Adam denesiniń tiregi ne? (qańqa)
6. Sezim múshelerin atap ber. (Kóz, muryn, qulaq, til, teri)
7. Jer betiniń qaǵazǵa kishireıtilgen beınesi ne? (karta)
8. Kókjıektiń neshe tusy bar? (4 tusy bar)
9. Qazaqstan Respýblıkasynyń Eltańbasynyń avtorlaryn ata. (Sh. Ýalıhanov. J. Málibekov) [6 - slaıd]

Ana tili
1. Abylaıdyń azan shaqyryp qoıǵan aty. (Ábilmansur)
2. "Abaı joly" roman - epopeıasynyń avtory. (M. Áýezov)
3. Abylaı hanǵa Tóle bıdiń qoıǵan aty. (Sabalaq)
4. "Dala juldyzy" dep kimdi aıtady? (Y. Altynsarın)
5. "Áke armany" mátininiń negizgi keıipkerleri kimder? (Abaı men Ábish)
6. "Bilimdiden shyqqan sóz" kimniń óleńi? (A. Qunanbaev)
7. Ómirde bolǵan adam qatysty qurylǵan halyq shyǵarmasy? (Ańyz)
8. Úsh bıdi atańyz. (Qazybek bı, Tóle bı, Áıteke bı)
9. Qabanbaıdyń shyn aty. ( Erasyl)
[7 - slaıd]
- Óte jaqsy, balalar, endeshe kelesi kezeńge ótelik.

İİ kezeń. «Ushqyr oı». [8 - slaıd]
- Bunda bir eki mınýt ishinde qazir aldaryńa berilgen bir sózden birneshe sóz tabýlaryń kerek. Ol sózdi qazir aldaryńa beremin jáne qosymsha aq qaǵaz beriledi, soǵan shýlamaı otyryp tez jazyp shyǵýlaryń kerek.
Bul kezeń bes balmen baǵalanady.
Atameken
Bolashaq
Jańaqorǵan
- Óte jaqsy, balalar, bizdiń ár saıysymyzdy ádil qazylar baǵalap otyr, nátıjesin sońynda aıtady.
Kelesi kezeńge ótelik.

İİİ. «Til óneri». [9 - slaıd]
- Memlekettik tilmen qosa, balalar, sender bıyldan bastan orys tilinde oqyp úırenip jatyrsyńdar, endeshe bul tildi de qosa meńgerip alǵandaryń jón eken. Orys tili – ult aralyq til, úırengenniń artyqtyǵy joq.
- Sondyqtan qazir ár topqa úsh jumbaqtan oqımyn, sender sol jumbaqtardyń sheshýin taýyp, ony orysshaǵa aýdarasyńdar. Káne, daıynbyz ba? Endeshe tyńdaı qoıyńdar.

İ topqa
1. Ózi sondaı aq,
Jeseń tátti - aq. (Qant - sahar)
2. Qys boıyna jatady,
Tátti uıqyǵa batady. (Aıý - medved)
3. Jazý jazyp jalyqpaǵan
Jaza - jaza aryqtaǵan. (Bor - mel) [10 - slaıd]

İİ topqa
1. Ózi taýdyń bókterinde ósedi
Jańa jylda úı tórine kóshedi. (Shyrsha - elka)
2. Bilimnen mol sıasy
Balǵyndardyń uıasy. (Mektep - shkol)
3. Qabat - qabat qattama
Aqylyń bolsa attama. (Kitap - knıga) [11 - slaıd]

İİİ topqa
1. Mamyqtaı ulpa, qanttaı aq
Qysta jer betin basady,
Jazda saıǵa qashady. (Qar - sneg)
2. Ushyp, qonyp tynbaıdy
Jerge soqsań synbaıdy
Sýǵa salsań batpaıdy
Túsken jerge jatpaıdy. (Dop - mách)
3. Budan kir qorqady
Sýdan bul qorqady. (Sabyn - mylo) [12 - slaıd]
- Tamasha, balalar, sender orys tilin de jaqsy meńgeripsińder, barlyq jumbaqtyń sheshýin durys taptyńdar.

İV Kezeń."Syn saǵaty". [13 - slaıd]
Munda ár toptyń top basshylary shyǵady. Men olarǵa suraqtar qoıamyn. Olar sol suraqtarǵa oılanyp jaýap beredi. Óz sheshimderin túsindirip aıtyp beredi.
1 - suraq. Búgingi sabaqta "2" alyp qaldyń. Oǵan ustazyń da, mamańda qatty renjidi. Sen sol renishti Qalaı óter ediń?
2.- suraq. Mektepke jańa dop alyp keldiń. Oınap júrip dosyń dobyńdy jaryp qoıdy, ne isteısiń? Úıińdegilerge ne aıtasyń?
3 - suraq. Dos bolyp júrgen qurby qyzy matematıkadan kúnde 2, 3 - tik sıaqty nashar baǵa alady. Apaıyń saǵan ursady, sen qurbyńa qandaı kómek berer ediń?
- Oılanýǵa 1 mınýt ýaqyt beriledi, sosyn jaýaptaryńdy tyńdaımyz. Bir ǵana sózben emes, oılanyp, naqty dáleldermen sóıleýge tyrysyńdar, jaraı ma.
Belgili bir ýaqyttan soń, jaýaptary tyńdalady.
- Óte jaqsy, otyra qoıyńdar. Mine, balalar tórt kezeńnen turatyn saıysymyz da aıaqtaldy.
Ádilqazylar sheshimin aıtady. Jeńgen topty marapattaý.
V. Qorytyndy.