InfoHub Logo

Bizge ótken tarıhty bilý, bolashaqqa bastaıtyn bir jol. Adamzat ómirinde tárbıesiz alǵan bilim eshqashan paıda ákelmeıtini belgili. Qazirgi ýaqytta bilim kózin izdeý úshin jastarymyz shet elderge aǵylyp jatyr. Qansha jas óz ultyna paıdasyn tıgizý úshin alǵa umtylýda! Alaıda ózimizdiń «ULTTYQ QUNDYLYǴYMYZ» alystap bara jatqany ókinishti. Biz jastar óz elimizdiń patrıoty retinde tarıhı oryndarymyzdy bilýimiz qajet. Ulttyq qundylyq degenimiz ulttyń bir ortada, bir múddede jumys jasaýy. 

Ulttyq tárbıesiniń maqsaty — jastardy aýyzbirshilikke shaqyrý, qazaq tili men tarıhyn, ulttyq rýh pen patrıotızmdi ulyqtaý. 

Ulttyq tárbıeniń mindeti — ulttyq sana-sezimi qalyptasqan,ultjandy urpaq tárbıeleý. Sonyń ishinde Ońtústik shaharynyń tarıhı, ańyzbolǵan oryndaryna toqtalýdy jón kórdim. 
 
 
Ótken tarıhty bilý — bolashaqqa bastar jol. 
 
Tasqa qashap, tarıhym tańbalanǵan, 
Syr sherteıin Ońtústik sar(y)dalamnan 
Qoınaýyńda saqtaýly túrli tarıh 
Aınalaıyn taý men tas, saf aýańnan 
Ótkenimiz bizderge mura bolar, 
Úlgi alaıyq ejelgi sahabańnan. 
Bilsin jastar, óleńimmen órnekteıin, 
Qalamyma arqaý bolǵan maqalamnan 
 
Halyqpyz dana sózdi saralaıtyn, 
Zıarat qyp, kıeli jer aralaıtyn. 
Dil,din, dástúr jáne de tilimizdi 
Tárbıeniń basy dep baǵalaıtyn. 
Túrkistandy "ER TÚRİKTİŃ BESİGİ" dep 
Qoja Ahmet Iassaýıdy daralaıtyn 
Kesenesi qalaǵa kórik berip, 
Áýlıege bas ıip, jaǵalaıtyn 
 
Tárbıe men bilimine sap quryp, 
Tárbıesiz bilim alý jat qylyq, 
Iassaýıdyń móri bolǵan mura bar 
Hıkmeti "DIÝANI LUǴAT AT TÚRİK" 
Sopylyqpen saırap jatqan izi bar, 
Aqsaq Temir qurmettegen haq bilip, 
Túrkistanǵa aıaq basyp kelseńiz 
İs saparda bolsyn sizge sáttilik 
 
Iassaýıǵa ustaz bolǵan aty ańyz 
Otyrarda kesenesin atańyz 
Amanatyn arqalaǵan qansha jyl 
Bizge úlgi ARYSTAN BAB atamyz 
 
Arystanbab tektilerdiń urpaǵy eken 
Bolmaıdy myna bizge eshbir bóten 
Ańyzdardan zerdelep qarap otsam 
Keshegi Muhammedtiń (s.a.ý) suńqary eken 
 
Sahaba ǵoı ómirlik jaqut tókken 
Qudyǵynda qansha jandy baqytty etken 
Paıǵambardy qorǵaýshy Ýkasha ata 
Qansha ǵasyr ańyzy bizge jetken 
Qylysh kesip,oq ótpes qasıeti 
Igi ispen órilgen ómir netken 
Balbyraıdy sájde etse ǵıbadatta 
Dushpany basyn alyp,shaýyp ketken 
 
Basyna aıaq bitip, úńgirge umtylady 
Ony izdep óltirgen sum turady 
Sol tyǵylǵan jerinen sý tasqyndap, 
Aramdardyń jospary qurtylady. 
Qansha jan bata etip barǵan kezde 
Dál qazir de shıpaly sý shyǵady. 
Nıeti aram,oılary taıaz bolsa, 
Sý shyqpaı isi ári qaraı ýshyǵady. 
 
Qazyǵurttyń basynda keme qalǵan 
Áýlıesi bolmasa nege qalǵan? 
Nuh paıǵambar turaqtaǵan sol orynda 
Demeńiz bul ańyzdyń bári jalǵan 
İzderi sol mańaıda tabylǵan soń 
Shyndyqqa ulasady árbir jaıdan 
Jan-janýardy aman saqtap sol kemede 
Ótkizgen jolaı júrip, qansha maıdan 
Úńgirinde ǵıbadaty úzilmegen 
Ushyrmasyn jas býyn osyny oıdan 
  
Teriskeıde ásemdelgen kósh keledi 
Tasqa aınalǵan kelinshek ásem edi 
Bir baıdyń bolǵan eken jalǵyz qyzy 
Jasaýyn erekshelep kesteledi 
Qyryq túıe altynǵa toly bolyp, 
Qyz biraq ıtaıaqty eskeredi. 
Aǵash emes altynnan jasalsyn dep, 
Boıjetken ózinshe bósken edi. 
Ákesiniń qarǵysyna ushyraǵan, 
Sol mezette tas bolyp ózgeredi. 
 
Qart Qarataý baýraıy ańyzǵa toly eken, 
Taǵysyn taǵy aıtyp sholyp ótem. 
Erteli-kesh sábı surap otyratyn, 
Ata-anaǵa mes qaryn bergen eken. 
Qyryq kúndi kútýge qıynsynyp, 
İshin jaryp, aqyry kórgen eken. 
İshinen bala shyǵyp, jetkizbesten, 
Ata-anasy zar jylap qalǵan eken. 
«Jylaǵan ata» atanyp sol bir oryn, 
Dertke shıpa bolatyn sý tolǵan eken. 
Aq nıetpen bala surap kelgen jandar, 
«Jylaǵan ata» ańyzyna sengen eken. 
 
Jyrymmen údeteıin jáılap, qatty, 
Kók aspanda týymyz baıraq tapty. 
Úsh júzdiń basyn qosqan han Abylaı 
Jınalatyn orynyn saılap,baqty. 
Zań jınaǵyn tekserip sol ortada 
Ordabasy taýynda oılap tapty. 
Qarıasyn syılaıtyn qudaıyndaı 
Danalardyń jolymen boılap baqty 
 
Qazaǵym «Hannyń taǵyn» umytpaıdy, 
Bizdeı jas,barshasyna ulyqtaıdy. 
Hantaǵy degen kezde kóp adamdar 
Ne ózi degen oımen dym uqpaıdy. 
Ertede han bolypty sol mańaıda 
Tús kórip, tas qamalyn qulyptaıdy. 
Ólimiń qara qurttan bolady dep, 
Balgerler óz sózimen ýyttaıdy. 
Sol taýdy basynda otyramyn dep 
Qorqynyshpen eshkimdi jýytpaıdy 
Bir kúnderi qara qurt shaǵyp alyp 
Búkil el ańyz qypty bilip jaıdy 
Sol jartas «Hantaǵy» dep atalady 
Ańyzdy bul aqyn qyz suryptaıdy 
 
Ótken tarıh bizderge muragersiń 
Daryndardy baıqaıtyn qyraǵy elsiń 
Ózge ulttar súısingen jerimizge 
Babamyzdy qasterlep, synaı kelsin 
Ár tarıhtyń jańasha syrlary bar 
Árqaısysy men úshin qulagersiń 
Kók baıraǵym jelbirep aspanymda 
Táýelsizdik úni de tura bersin 
 
Bilemiz sýly otyn janbaıtynyn, 
Bilemiz qusta qanat talmaıtynyn 
Ór rýhty jalyndaǵan jastarymyz 
Ata baba dástúrin jalǵaıtuǵyn 
Oqyǵan barshańyzǵa úlgi bolar 
Óleńim oqsha borap samǵaıtuǵyn 
Biz tas qamal bolsaq eger árkezde de 
Bileıik eshbir jaýdyń almaıtynyn 
 
Qadiri ketpesin dep qolda bardyń 
Qazaqtyń ańyzdaryn paıdalandym 
Tárbıege kónbeıtin keı jastarǵa 
Yzalanyp, qapa bolyp doldanamyn 
Bizge mura bolatyn ósıetti 
Qalaımyn qazaǵymnyń qorǵaǵanyn 
Elim tynysh, jurtymyz aman bolsa 
Dál osylaı bolmaqshy salǵan ánim 
Tereń tarıh-ultymnyń qundylyǵy 
Qundylyqty kórsek qoı qoldaǵanyn 
Bir nátıje shyǵady dep oılap turmyn 
Júrekterge jetse eken joldaǵanym.

---