Endi qazaqstandyqtar MÁMS-ke kóbirek tólem aýdarýy múmkin
Densaýlyq saqtaý mınıstri Aqmaral Álnazarova mindetti áleýmettik medısınalyq saqtandyrý (MÁMS) júıesin qarjylyq turaqtandyrý úshin jańa ózgerister engiziletinin málimdedi.
Mınıstrdiń aıtýynsha, zań jobasy memlekettiń, jumys berýshilerdiń jáne azamattardyń ortaq jaýapkershiligin arttyrýǵa baǵyttalǵan eki negizgi bastamany qamtıdy:
- Qyzmetkerlerdiń jarnalaryn esepteý bazasynyń joǵarǵy shegin arttyrý
- Memlekettiń MÁMS júıesine jarna tóleý mólsherlemesin ulǵaıtý
Jańa ózgerister kimderge áser etedi?
2026 jyldyń 1 qańtarynan bastap MÁMS jarnalaryn esepteý úshin eń joǵarǵy shek qazirgi 10 eń tómengi jalaqydan (ETJ) 50 ETJ-ǵa deıin kóbeıedi.
Bul ózgerister 508 myń adamǵa, ıaǵnı barlyq jaldamaly jumysshylar men olardyń jumys berýshileriniń shamamen 9%-yna yqpal etedi.
Mınıstrdiń aıtýynsha, qazirgi júıede tabysy joǵary azamattar óz tabysyna saı jarna tólemeıdi, bul ádiletsizdikke alyp keledi. Sondyqtan jańa ózgerister engizý qajet.
Mınıstrlik bul bastama MÁMS júıesiniń qarjylyq turaqtylyǵyn qamtamasyz etedi jáne azamattarǵa kórsetiletin medısınalyq qyzmetterdiń sapasyn jaqsartady dep esepteıdi.
You Might Also Like
-
Serbıada kóterilis: 100 myńnan astam adam Výchıchtiń otstavkasyn talap etti
-
Ýkraına prezıdenti Vladımır Zelenskıı Kýrsk oblysynda Ýkraına Qarýly Kúshteri (ÝQK) operasıa júrgizip jatqanyn jáne ýkraın áskeri qorshaýda qalmaǵanyn málimdedi.
