InfoHub Logo

Ońtústik koreıalyq ınjener Tım Cho úrlep jaǵýǵa bolatyn qolsham qurastyryp shyqty. Bul qolshamnyń arnaıy tesigine úrleseńiz, svetodıodtar iske qosylyp qolsham janady.

Tım Cho bul ysqyrǵysh-qolshamymen "Catch The Wind" dep atalatyn 3D prınter shyǵarýshy MarketBot kompanıasy uıymdastyrǵan báıgede birinshi oryndy ıelendi.

Bul qolshamnyń konstrýksıasy óte qarapaıym. Ony jasaý úshin kez-kelgen 3D prınter jaraı beredi.

Jobanyń avtory bul konsrýksıany Autodesk Inventor programmasymen jobalaǵan. Qolsham 15 bólek tetikten turady. Ár tetikti prınterden shyǵarý shamamen jarty saǵattaı ýaqytty alǵan ján ár qaısysynyń qalyńdyǵy 0,2 mm shamasynda. 7-8 saǵattaı aýqytyn qurtyp, ınjener barlyq tetikterdi biriktirgen jáne arnaıy elektrondy komponentterin qosqan: katýshka, magnıt, dıod, svetodıod jáne t.b symdary.

Eger arnaıy tesikke qatty úrleıtin bolsańyz, ishindegi arnaıy mını-týrbına magnıttik generatormen birge aınala bastaıdy. Sosyn generatordyń katýshkalary aınymaly toq shyǵara bastaıdy (AC). Dıod aınymaly toqty turaqty toqqa aınaldyrady (DC). Úrlep jatqan adamnyń ókpesiniń kólemine baılanysty turaqty toq tizbeginde 0,5-1 Vólt arasynda kerneý bolady. Svetodıodtyń jaryq shyǵarýy úshin keminde 3 Vólt kerek. Sondyqtan ınjener kerneý kúsheıtkish qoldanǵan.

---