InfoHub Logo

Búgingi tańda smartfon qoldanýshylary úshin «WhatsApp», «Viber» uǵymdary tańsyq emes. Uıaly telefonda ózara qarym-qatynas ornatýǵa arnalǵan «vatsap» baǵdarlamasy dúnıe júzi boıynsha mıllıondaǵan adamdardyń súıispenshiligi men qurmetine ıe bolyp otyr. Alaıda, az ýaqyt ishinde tez tanylyp ketken WhatsApp qosymshasynyń arqytshylyqtaryn kópshilik jaqsy bile bermeıdi. Eger siz solardyń qatarynda bolsańyz, bul materıaldyń sizge paıdasy tıip qalar.

WhatsApp-tyń  qandaı múmkinshilikteri bar?

 

1.     Derekterdiń qupıalylyǵy

Jeke derekterińizdi (profaıl sýreti, statýs, sońǵy kirgen ýaqyt) syrt kózden tasa qaldyrǵyńyz kelse, mázir panelindegi «baptaýlarǵa» baryp, «esep jazbasyndaǵy» (ýchetnaıa zapıs) akkaýntty «prıvat» dep ózgertińiz. Al eger, ózińizge qatysty barlyq aqparatty tolyqtaı jasyryn qaldyrǵyńyz kelse, akkaýntty «eshkim» dep ózgertińiz.

2.     Qoldanýshyǵa buǵat qoıý

Eger «vatsapta» áldebir adam mazańyzdy ala berse, ony buǵattaýǵa qoıýǵa bolady. Ol úshin «baptaýlar» - «akkaýnt» - «qupıalylyq» - «prıvat» - «buǵattalǵandar» amalyn oryndaý kerek. Ashylǵan terezeden «jańasyn qosý» degen túımeni bassańyz, uıaly telefonyńyzdaǵy barlyq baılanys nomerleri shyǵady, sol jerden buǵattaýǵa qoıylatyn nómirdi tańdaısyz.

3.     Medıa faıldardy avtomatty túrde júkteýdi alyp tastaý

Saıahatqa jıi shyǵatyndar, roýmıng kezinde medıa faıldardy júkteýdiń qymbat ekenin jaqsy biledi. Faıldardy avtomatty júkteý opsıasyn alyp tastaý úshin: «baptaýlar» - «hattar men qońyraýlar» - «medıa faıldy avtomatty júkteý» amaldaryn oryndaý kerek. Ashylǵan terezede «sýret», «aýdıo», «beıne» degen úsh baǵan bar, árqaısysyna kirip, «eshqashan» degen túımeni basyp shyǵyńyz.

4.     Dybystyq habarlandyrýlardy basqarý

Dybystyq habarlandyrýlardy alyp tastaý úshin «baptaýlar» - «habarlandyrýlar» - «habarlandyrý jasaý» - «joq» degen amaldardy oryndańyz.

5.     Uıaly telefonyńyzdaǵy jańa nómirge aýysý

SIM kartańyzdy aýystyrǵanmen «vatsapta» jańa akkaýnt qurýdyń qajeti joq. Bar bolǵany «baptaýlar» - «eseptik jazba» (nemese akkaýnt) – «nómirdi ózgertý» amalyn júzege asyryp, eskiniń ornyna jańa nómirdi terý jetkilikti.  

6.     Hattardy kóshirý

Bul óte paıdaly qyzmet, óıtkeni sol arqyly qajetti qujattardy joǵaltyp almaı, der kezinde tabýǵa múmkindik beredi. Ol úshin «baptaýlar» - «chattyń baptaýlary» - «chatty rezervti kóshirý» amalyn oryndasańyz boldy!

7.     Óshirilgen hattardy qaıta qalpyna keltirý

Baıqaýsyzda álde júıedegi aqaýlardyń nátıjesinde «vatsaptaǵy» hattar joıylyp ketse, ýaıymdamańyz, olardy qaıta qalpyna keltirýge bolady. «WhatsApp» únemi olardyń rezervti kóshirmesin uıaly telefonnyń MicroSD kartasynda saqtap júredi. Ol úshin sizge vatsapty óshirip, ony qaıta ornatý qajet. Sol kezde messendjerden «hattardyń tarıhyn qalpyna keltirý» degen usynys keledi.

8.     Qupıasóz ornatý

«WhatsApp» hattaryn bógde bireýler oqymasyn deseńiz messendjer-qupıasóz ornatyńyz. Ony ChatLock qosymsha baǵdarlamasynyń kómegimen júzege asyrýǵa bolady.

9.     Kez kelgen úlgidegi faıldardy jiberý

«WhatsApp» baǵdarlamasynda faıl jiberý boıynsha shekteýler bar: faıldyń kólemi 15 Mb-dan aspaý kerek, tek belgili bir tıptegi faıldardy jiberýge bolady degen sıaqty. Osylardy alyp tastaý úshin CloudSend qosymsha baǵdarlamasyn júkteńiz.

10.  Qajet emes faıldardy joıý

Messendjerdi jıi paıdalanýshylardyń smartfondary qajet, qajet emes faıldarmen tolyp turady. Qajetsizderinen qutylý úshin WCleaner for WA baǵdarlamasyn qoldanyńyz.

Tehnıkalyq damý jaryq jyldamdyǵyndaı tez ilgerilep keledi. Olardy tıimdi paıdalaný arqyly, biz kúndelikti sharýalarymyzdy áldeqaıda jeńildete alamyz. Eger sizdiń tanystaryńyz da «WhatsApp» baǵdarlamasyn qoldanyp júrse, olarmen osy maqalamen bólisińiz. Qaıdan bilesiz, bálkim paıdasy tıip qalar. 

 

Málimettiń derekkózi el.kz saıty

---