InfoHub Logo

Aqtóbe oblysy, Temir aýdany,
Keńqıaq orta mektebiniń
bastaýysh synyp muǵalimi
Orazova Gúlshat Bazarhanovna

Taqyryby: Urpaqtar umytpaıtyn uly Jeńis
Maqsaty: Uly Otan soǵysy týraly, elin jaýdan qorǵap qalǵan erjúrek otandastarymyz týraly túsinik berý; týǵan jerge degen súıispenshiligin arttyrý; ata - babamyzdyń erlik isterin qasterlep, úlgi - ónege tutý; eljandylyqqa, týǵan elin, jerin súıýge, qorǵaýǵa tárbıeleý;
Kórnekiligi: sýretter, naqyl sózder, aýdıojazba, slaıdtar

Barysy: I. Kirispe
- Qurmetti qonaqtar, ustazdar, oqýshylar! «Urpaqtar umytpaıtyn uly Jeńis» atty tárbıe saǵatymyzdy bastaımyz.
II. Negizgi bólim
1 - oqýshy:
Ashyldy jeńis kúnniń paraqtary,
Talaı qus sodan beri qaıta oraldy.
Soǵysta ólgender tek oralmaıdy
Urpaǵy olar jaıly aıtady ándi.
2 - oqýshy:
Jetpis jyl úzilmedi qustar áni,
Ketti endi sum soǵystyń qyspaq áni.
Jetpis jyl fashıserdiń ajal oǵy
Bizdiń eldiń ústimen ushpaǵaly.
Aýdıojazbadan «Joıylsyn jalǵyz sóz soǵys degen» ánin tyńdaý
1941jyly 22 shilde kúni tańǵy saǵat 4 - te fashısik Germanıa SSRO - ǵa qarsy tutqıyldan soǵys ashty. Sýyq habar sol kúni - aq áıgili dıktor Levıtannyń qýatty únimen elimizdiń túkpir - túkpirine tarady. Er - azamattar asyǵys maıdanǵa attandy. Soǵysqa jol tartqan jaýyngerler:
- Qosh bol, dosym, jaqynym,
Ýaqyt tyǵyz, sóz qysqa!
Ketip bara jatyrmyn
Surapyl bir soǵysqa,- dep, el - jurtymen qoshtasty.
SSRO - nyń basyna qaterli kún týdy. 1mln 870 myń qazaqstandyq jan aıamaı jaýmen shaıqasty, olardyń qanshamasy erlikpen qaza tapty. Mine, osynaý SSRO - ǵa lań salǵan apattyń jeńispen aıaqtalǵanyna jetpis jyl tolyp otyr. Eshkim de, eshnárse de umytylmaq emes, erjúrek batyrlarymyz qashan da halyq esinde!
3 - oqýshy:
Silkintip zeńbirekter jerdiń júzin,
Oq borap, snarádtar qaqqanda yzyń.
Qaptaǵan qalyń jaýdan taısalmaǵan
Men kórdim pılotkaly qazaq qyzyn.
4 - oqýshy:
Tastar kókke atyldy,
Orman shýlap, taý qulap.
Jıyrma segiz batyrdy
Jeńe almady jaý biraq.
5 - oqýshy:
Oq astynda zýlaǵan
Týǵan jermen bir bolyp.
Jaý aldynda turdy olar
Jıyrma segiz shyń bolyp. (Slaıd 28 panfılovshy - batyrlar)

6 - oqýshy:
Oq borady kún - túni,
Japty jerdi ot qaryp.
Alǵa qaraı umtyldy
Batyr qazaq Toqtarov.
7 - oqýshy:
Mánshúk atys tolasynda,
Júr ormannyń arasynda.
«Meni al, meni al»- dep alýan gúl
Qolyna onyń talasýda.
Tyǵylyp gúl omyraýǵa,
Suraǵandaı janǵa saýǵa.
Ant etkendeı turdy Mánshúk
Gúldi jaýǵa taptatpaýǵa.( «Mánshúk týraly dastan»fılminen úzindi )
8 – oqýshy:
Kókte zyrlap barady altyn juldyz,
Jerde turyp qarady Álıa qyz.
Altyn juldyz alysqa ketti aǵyp,
Ketti aǵyp, jas qyzǵa bir oı salyp.
Altyn juldyz zymyrap ketti alys,
Ketti alys myltyq ap bir jap - jas qyz...
Maıdan keshti myltyq ap Álıa qyz
Ór tósinde jarqyrap altyn juldyz!
Aýdıojazbadan «Álıa» ánin tyńdaý
- Bul jyldary áke, aǵalarymyzben birge ápkelerimiz de jan aıamaı soǵysty. Olardyń erlikteri týraly aqyn - jazýshylar nebir kórkem shyǵarmalar jazsa, talaı sýretshilerdiń qylqalamynan da tamasha kartınalar týyndady, kınorejısserler kóptegen fılmder túsirdi. Solardyń ishinde biz oqyp, tanysqan Á. Moldaǵulova, M. Mámetova, B. Momyshuly, T. Toqtarovtarmen qatar senderdiń de atalaryń bolǵan edi. Búgin olardyń erlik isteri jas urpaq úshin óshpes ónege, zor maqtanysh. Al qazir óziniń atasy týraly oqýshylardyń jazǵan júrekjardy shyǵarmalaryn tyńdap kóreıik.
(Oqýshylar shyǵarmalaryn oqıdy.)

Tolyq nusqasyn júkteý