InfoHub Logo

Birde Qabylısa, Eskeldi, Balpyq úsheýi kele jatyp, Eskeldi Qabylısadan:

— Men ólgende qaı jerge qoıylamyn? — deıdi. Qabylısa:

— Siz Úshtóbe mańyndaǵy Qyzyljarǵa qoıylasyz, — deıdi.

— Balpyq she?

— Munyń jasy senen kishi ǵoı, senen sál tómenirek batysqa taman qoıylar, — deıdi.

— Ózińiz she?

— Men İle boıyndaǵy Úsharal, Kókbastaý jerine qoıylarmyn, — deıdi. Endigi jaýapty Qabylısa almaq bolyp, Aınabulaqqa jetkende:

— Apyr-aı, myna jerdiń ý-shýy-aı! Bul qalaı? — deıdi Eskeldige burylyp. Eskeldi:

— Bul jerge jol túsip, qala ornaıdy eken. Ant kóp bolady eken. Erden áıel kóbeıip, qyrǵynǵa ushyraıdy eken, — deıdi.

Dúngenge kelgende Qabylısa Balpyqqa qarap:

— Apyr-aı, myna jerden ókirgendeı daýys shyǵady ǵoı, bul ne? — deıdi.

— Bul jerge de qala túsip, halyq kóbeıip, birtúrli óner shyǵyp, eldi aıqaıymen oıatady eken, — deıdi Balpyq.

---