InfoHub Logo

Ustaz atyna oda nemese ózim týraly syr...

Ustazbyn men, usta minez, ustamdylyq negizi,
Sabyrlymyn, salmaqtylyq abyroıdyń egizi.
Tárbıemin, ónegemin, tatýlyǵy tamyrlas
Adaldyqtyń arashasy, bilimniń kók teńizi.
Zeıindimin, aqyl - oıdyń ardaqtysy, adammyn,

Meıirimmin, aıyrmasy jaqsy menen jamannyń.
Eńbekshilmin, erinbeımin bilimimdi shyńdaýǵa
Keleshektiń baǵdarshamy, attaǵan ár qadamyń.
Taǵylymmyn, júrekterdiń, tilekterdiń tóresi,
Eń asyl at – muǵalimmin, keńistikteı óresi.
Parasatpyn, túsinikpin, adal júrek ıesi

Jaqsylyqpyn, maǵan qurmet, men shyǵatyn tór osy.
Úıip - tógip, quıatuǵyn bar bilimin sanaǵa,
Raqymshylyq, razylyqpen aınalatyn danaǵa.
Erinbeıtin, elim deıtin myń jasasyn ustazdar
Gúliń órken,
İziń kórkem qurmet ustaz anaǵa!!!