InfoHub Logo

Mańǵystaý oblysy, Túpqaraǵan aýdany,
Baýtın aýyly, «Aqbota» balabaqshasynyń horeografy
Jaǵalbaeva Nursýlý Samatqyzy

Júrgizýshi: Ulylyqtyń uıytqysynan jaralǵan,
Ónegeńnen barlyq shákirt nár alǵan.
Shapaǵatty shýaq sepken ustazdar,
Ónerińnen bastaý alar bar adam.
Urpaqpenen ómir joly jalǵanady,
Kóńildi kúnder týsyn aldan áli.
Án - shashý, ásem áýen, túrli óner,
Búgingi kún sizderge arnalady.

Ustaz.... Qandaı qasıetti sóz. Ár adamnyń júregine erekshe beınesimen ózektes uǵym. Adam balasynyń júregindegi qadir tutyp, qurmetteıtin eki uǵym bolsa, onyń biri – Ustaz. Olaı bolsa qadirli ustazdar, sizderdi tól merekelerińizben shyn júrekten quttyqtaımyz. Búgingi «Ustaz – eldiń júregi» atty merekelik sharamyzdy ashý úshin balabaqsha dırektory Berdibaeva Sanıa Rethanqyzyna sóz beremiz.

Júrgizýshi: Muǵalim, ǵazız muǵalim,
Sarqylmas máńgi bulaǵym.
Ulanyń búgin toıyńda,
Arnaıdy saǵan bul ánin.

Án: «Bala tilegi» Dúıseǵalı Amına

Ustaz – ulaǵatty esim. Shákirtterin bilim nárimen sýsyndatyp, tálim - tárbıe berip, jaqsy qasıetterdi boıyna darytyp, adamgershilik rýhta baǵyt berýde eńbegi zor.
Saǵynysh sazy tolqytqan,
Arnamaq sózdiń máıegin.
Shákirtteriń oqytqan
Kelip tur joldap sálemin. – dep balalarymyzdy ortaǵa shaqyramyz.

Mereılim: Muǵalim ǵazız muǵalim,
Tógilgen araı shýaǵym.
Armanym qonsa qolyma,
Arqań dep seniń uǵamyn.

Meıirjan: Óleńdi de úıretken,
Bıdi de ásem bıletken.
Meıirimdi ustazym,
Bas ıemin qurmetpen.

Jaras: Án salǵyzyp, bıletken,
Ylǵı bizben júredi.
Taqpaqty da úıretip,
Oınatady, kúledi.