InfoHub Logo

Mýzyka yrǵaǵymen oqýshylar ortaǵa shyǵady. Ustaz týraly shyǵarǵan óleń joldary oqylady.

1 - júrgizýshi:
Bilimniń káýsár bulaǵyn,
Júresiń quıyp sanama,
Biz úshin sensiń - muǵalim,
Ustaz da, ǵylym dana da.
ÁN: Ustazym

2 - júrgizýshi:
Qyr syryn zerttep zamannyń,
Ulylyǵyn aıtyp babamnyń
Ónerge óris beretin,
Barometri sensiń adamnyń
Ortaǵa myń buralǵan bıshiler shyǵyp «Qamajaı» bıin bıleıdi.

1 - júrgizýshi:
Saǵynysh sazy tolqytqan,
Arnamaq sózdiń máıegin.
Shákirtterin oqytqan,
Kelip tur joldap sálemin
Quttyqtaý sóz búldirshinderge beriledi, ásem án oryndalady.

2 - júrgizýshi:
Kózge ystyq kóriner,
Oqýlyǵy, partasy
Oqý qyzyq bolǵany,
Muǵalimniń arqasy.

1 - júrgizýshi:
Aqyl, bilim kóp berdiń,
Anamdaısyń mektebim
Sende ósip kóktedim,
Sensiń ómir kóktemim.
Ekeýi hormen: Alǵystarym kóp meniń
Asyl anam – mektebim!
ÁN oryndalady

1 - júrgizýshi: Qurmetti ustazdar, biz sizder oqytyp júrgen barlyq pánderdi ardaqtaımyz, sózderińdi yqylaspen tyńdap, pán ataýlaryna zer salyp oqyp úırenip júrmiz. Jan - jaqty bilim bergeni úshin ustazdarymyzǵa aıtar alǵysymyzdyń shegi joq.
( Ortaǵa jeti oqýshy shyǵady qoldarynda sharlary bar)
M - meıirimdi
U - ulaǵatty
Ǵ - ǵazız
A - aqyldy
L - laıyqty
İ - isker
M - maman

2 - júrgizýshi:
Muǵalim, ǵazız muǵalim,
Sarqylmas máńgi bulaǵym
Ulanyń búgin toıyńda,
Arnaıdy saǵan bul ánin.
Ásem án oryndalady

1 - júrgizýshi:
Birge ósip, en jaılaǵan ul menen qyz,
Asyǵa sálem joldap júrekten biz.
Tátti kúı, asqaq án men ásem bıdi,
Sizderge tartý etip usynamyz.
Bı oryndalady.

2 - júrgizýshi:
Oqytyńdar, ul - qyzym, dep,
Kúlimdegen ustazdar.
Án arnadyq arnaıy
Taǵzym ete, ustazdar.

1 - júrgizýshi:
Qara sózdiń daýyly,
Qurmet etken aýyly
Ekeýi hormen:
Syıymyzǵa rıza bol,
Muǵalimder qaýymy!

2 - júrgizýshi:
Muǵalim men ustazda bar aıyrma,
Ustaz degen - jaqsy ándegi qaıyrma.
Muǵalim, ol - bar bolǵany ma mamandyq,
Jetkeninshe jeti ónerli shaıyrǵa.

1 - júrgizýshi:
Ustaz degen - ulaǵattyń shaıyry,
Qadiriniń tıetuǵyn qaıyry.
Ustaz degen - shýaǵy mol shapaǵat,
Sharshamaıtyn, shaldyqpaıtyn, táıiri.

2 - júrgizýshi:
Ustaz degen - ustaz bolyp týǵandar,
Ulylyqty ulyqtaǵan ımandar.
Urpaǵynyń erteńine jol ashyp,
Ómiriniń ár shaqtaryn qıǵandar.

1 - júrgizýshi:
Qımaǵandar — ustaz emes, muǵalim,
Muǵalim bop, ustaz bolmaý kúná, myń.
Qara taqta, aq bor ǵana qoldanyp,
Ustatty ustaz dúnıeniń qulaǵyn.....

2 - júrgizýshi:
Jaqsy ustazdyń shyn máńgilik paıdasy,
Ózine obal arzan dáris, aılasy.
Ustaz bolý baqyt, ári abyroı
Ustaz degen – shákirtterdiń aınasy.

Qorytyndy bólim.