InfoHub Logo

Tońazytqyshtaǵy ylǵaldy ketirý úshin ishine tuz salynǵan ydys qoıý kerek.

Bolattan jasalǵan qazandy jýǵannan keıin dereý qurǵatý kerek.

Jarylǵan qoldar jatardan buryn 10 mınýt jyly sýǵa salynady. Sosyn krem jaǵyp, qolǵap kıip jatady.

Aq kıimder, aq tósenishter qaınatatyn sýǵa birneshe jumyrtqanyń qabyǵyn salsa qardaı appaq bolady.

Ys daqtaryn ketirý úshin daqtyń ústine lımondy syǵyp, tuz seýip, ýqalap jýady.

Sýretterdiń qabyrǵaǵa iz qaldyrmaýy úshin ekeýiniń arasyna juqa mata qoıylady.

Mıkserdi tazalaý úshin ydys jartysyna deıin untaqty sýǵa toltyrylyp, 5-10 sekýnd iske qosylady. Sýyn tógip, tazalap keptiredi.

Pesh temiriniń astyna alúmındi folga salynsa, tógilgen nárseler ońaı tazalanady.

Baqyr zattardy tazalaý úshin lımon jáne tuzben ysqylanady. Kúl de bul zattardy jyltyratady.

Áınekterdi tazalaý úshin sirkeli sýmen súrtiledi. Daq qalsa sýdyń ishine biraz amıak salynady.

Pisiriletin kókónisterdiń túsin joǵaltpaý úshin aldymen muzdy sýǵa salynady.

Útiktiń astyn tazalaý úshin azdap sirke sýyna batyrylǵan maqtamen ysqylaý kerek.

Kıim útikteýdi ońaı qylý úshin jáne útikteý ýaqytyn qysqartý úshin, kıim útikteý taqtaıshasynyń qabynyń astyna alúmındi folga qoıylady.

Kilemdegi kúıik izderin ketirý úshin qurǵaqtaı egeýqum (najdak) qaǵazymen ysqylap, artynsha jýyp alýǵa bolady.

Qabyrǵaǵa shege qaǵylatyn orynǵa aıqastyryp skoch jabystyrylatyn bolsa, sylaqtyń jarylýynyń aldyn alady.

---