InfoHub Logo

Vanada uzaq ýaqyt bolǵan kezińizde saýsaqtaryńyz ben barmaqtaryńyzdyń terisi nelikten jıyrylyp qalatyny jaıly oılandyńyz ba?

Ǵalymdar bastapqy kezde munyń sebebi dep teriniń betki qabatynyń isinýin ataǵan edi. Teriniń betki qabatyna sý kirgennen keıin ol aıtarlyqtaı ósedi, biraq ol teriniń keńeıetin qasıeti joq astyńǵy qabatymen baılanysyp turǵandyqtan, teriniń syrtqy qabatyna ájim túsedi, osylaısha ol óziniń sozylatyn qasıetin kórsetedi.

Alaıda 1935 jyly keıbir dárigerler júıkesine zaqym kelgen naýqastardyń saýsaqtarynyń terisi jıyrylmaıtynyn baıqapty. Sóıtip, olar saýsaq terileriniń jıyrylý sebebi dep júıke júıesiniń sýda uzaq ýaqytta bolýyna áseri dep kórsetti.

Neırologtar aǵzanyń joǵary ylǵal deńgeıinde zattarmen jáne syrtqy betimen jaqsyraq árekettesýin qamtamasyz etedi dep eseptedi. 2013 jyly ǵalymdar zertteý júrgizedi. Onda saýsaqtary ájimdelgen jáne ájim túspegen adamdardyń ylǵaldy jáne qurǵaq túrli zattardy kóterýi kerek boldy. Sóıtse, saýsaqtary jıyrylǵan naýqastar ylǵaldy zattardy 12 paıyzǵa jyldamyraq kótergen.

Saýsaqtyń ájim túsken terisi avtomobıl dóńgelekteriniń protektorlary sekildi qyzmet etedi, sol arqyly biz zattardy jaqsy ustaı bilemiz jáne jyldamyraq qozǵalamyz.

---