InfoHub Logo

Synyptan tys sharanyń taqyryby: Úzdik abaıtanýshy
Maqsaty: Uly Abaıdyń ómiri men shyǵarmashylyǵy týraly qysqasha málimetter berý, oqyǵan shyǵarmalaryn eske túsirý arqyly bilimderin tereńdetý, óleńniń maǵynasyn jan - jaqty túsindirý.
Kútiletin nátıje: Poezıa paıǵambary Abaıdyń ómiri, shyǵarmashylyǵy týraly jan - jaqty biledi. Óleńderin taldap, mazmuny men taqyryptyq aıasyn meńgeredi. Óz betimen jumys isteýge, ózin - ózi retteýge daǵdylanady.
- Qymbatty ustazdar, oqýshylar! «Úzdik abaıtanýshy» atty zıatkerlik oıynǵa qosh kelipsizder!
Júregin shyraq etip jandyrǵan kim?
Jyrymen jan sýsynyn qandyrǵan kim?
Ózine - ózi ornatyp eskertkishti,
Mura ǵyp keıingige qaldyrǵan kim?
Soqtyqpaly, soqpaqsyz jerde ósken kim?
Úninen ádildiktiń lebi esken kim?
Armanyn attandyryp keleshekke,
Bizbenen osy kúnge tildesken kim?
Ol - qazaq halqynyń uly aqyny, poezıa paıǵambary Abaı Qunanbaev. Endeshe, búgingi synyptan tys sharamyz Abaı Qunanbaıulynyń ómiri men shyǵarmashylyǵyna arnalmaq. Qarsy alyńyzdar, ortaǵa dana da dara Abaı atalarynyń izbasarlaryn shaqyramyz.

Saıyskerlerimizdiń bilim - bilikterin sarapqa salatyn qazylar alqasymen tanystyryp keteıin.
-----------------------------------------------------------------------------

Uıymdastyrý. Qane, balalar, eń aldymen, ózderińdi jaqynyraq tanystyrsańdar.

İ aınalym. «Myqty bolsań, taýyp kór» (sýretter syr shertedi)

İİ aınalym. «Ushqyr oıdan utymdy jaýap» (ár oıynshyǵa suraq qoıylady, jyldam jaýap berý).
6 - synyp
1. Abaı qaı jyly dúnıege keldi?
2. Ájesiniń aty?
3. Abaı qaı medresede oqydy?
4. 13 jasar Abaıdyń aýlyna kelgen aqyn qonaqtar?
5. Abaıdyń qansha qara sózi bar?
6. «Ustazdyq etken jalyqpas, Úıretýden balaǵa» qaı óleńinen alynǵan?
7. Abaıdyń anasy?
8. «Shoqpardaı kekili bar qamys qulaq» óleńindegi kórkemdik tásil?
9. «It jegenshe... kim jesin, Qur jiber myna anturǵan kári shaldy» kóp núkteniń ornyna tıesili sózdi tap?
10. Bes asyl is pen bes dushpandy ata?

7 - synyp
1. Abaıdyń týǵan jeri?
2. Jeńgeleri Abaıdy kim dep ataǵan?
3. Abaıdyń eń alǵash jazǵan óleńi?
4. Óleńderin kimniń atynan jarıalap otyrǵan?
5. Abaıdyń tabıǵat lırıkasyna arnaǵan óleńderi?
6. Ǵylym tappaı maqtanba... ary qaraı jalǵastyr?
7. Abaıdyń qandaı ánderi bar?
8. Orys ádebıetinen kimderdi aýdardy?
9. Abaıdyń shyn esimi?
10. Qandy kóz qaıqań qaǵyp shyqsa aspanǵa... Qaı óleńinen alynǵan úzindi?

8 - synyp
1. Abaı qaı rýdan?
2. Kókshe óńirinen Abaı men Áıgerimniń aýlyna kelgen aqyn?
3. Abaıdyń aqyn inisi?
4. Súıikti balasyna arnaǵan óleńi?
5. «Qys» óleńinde qoldanatyn kórkemdik tásil?
6. «İshi altyn, syrty kúmis sóz jaqsysyn,
Qazaqtyń kelistirer qaı balasy» Qaı óleńinen alynǵan úzindi? (Óleń sózdiń patshasy)
7. «Tákappar, jalǵan onda joq, Aınymas júrek, kúlkiń - bal». Kórkemdik tásildiń qaı túri?
8. «Qarańǵy túnde taý qalǵyp». Kimnen aýdarǵan óleńi?
9. Abaıdyń birinshi áıeli?
10. Abaı oryssha qansha oqydy?

9 - synyp
1. Ne úshin ákesi balasyn oqýdan shyǵaryp aldy?
2. Qunanbaı kim bolǵan?
3. Abaıdyń alǵashqy mahabbaty?
4. «Talaptyń minip tulparyn». Kimge arnaǵan óleńi?
5. «Qulaqtan kirip boıdy alar...». Jalǵastyr.
6. Abaı kimniń mysaldaryn aýdardy?
7. «Dem alysy - úskirik, aıaz ben qar, Kári qudań - qys kelip álek saldy». Kórkemdik tásildiń qaı túri?