InfoHub Logo

Eger siz montaj jasaýdy úırenýdi bastasańyz nemese úırengen bilmińizdi tájirıbe júzinde baıqap kórý úshin jaqsy vıdeoredaktor izdep júrgen bolsańyz, onda tómendegi baǵdarlamalarǵa nazar aýdaryp kórińiz.

1. Lightworks

Platformalar: Windows, macOS, Linux.

Baǵasy: tegin nemese aıyna 8370 teńge shamasynda.

Lightworks-ty jasap shyǵarýshylar bul baǵdarlamany bárine qoljetimdi, kásibı beıneredaktor dep sanaıdy. Siz bul baǵdarlamany tegin paıdalana alasyz, biraq, beınejazbańyzdy saqtaýǵa arnalǵan pishimder men ruqsattardyń sany shekteýli bolady. Tolyq nusqasyn jazý úshin abonenttik tólem - aıyna 25 dollardy quraıdy.

Lightworks-tyń negizgi erekshelikteriniń biri - júzden asa ártúrli effektiler, beıne jáne aýdıony kesýge arnalǵan yńǵaıly quraldar, ólshemi kishirek jáne qarapaıym ıntýıtıvti ınterfeıstiń bolýy. Eger siz aǵylshyn tilin bilseńiz, óńdeýdi ıgerý úshin jobanyń resmı saıtynan paıdalanýshylar forýmy men rolıkterdi úıretetin negizgi bazany qoldanýyńyzǵa bolady.

www.lwks.com

2. Shotcut

Platformalar: Windows, macOS, Linux.

Baǵasy: tegin.

Bastapqy ashyq kody bar, tegin tolyqqandy beıneredaktor. Shotcut áýesqoı montajdaýshylar úshin qajet bolýy múmkin kóptegen negizgi quraldar men effektilerdi usynady. Odan bólek, atalǵan baǵdarlama kóptegen formattar túrin kótere alady.

Shotcut ınterfeısin qarapaıym dep sanaýǵa bolmaıdy. Esesine, siz ony óz qalaýyńyz boıynsha, jumys terezesinde qajetti quraldardy qaldyrý arqyly baptaı alasyz.

Álsiz mashınalardyń ózinde redaktor jyldam jumys isteıdi. Sonymen qatar, Shotcut-ta baǵdarlamany ornatpaı-aq paıdalanýǵa bolatyn portatıvti nusqasy bar.

www.shotcut.org

3. Corel VideoStudio Pro X10

Platforma: Windows.

Baǵasy: 36540 teńge shamasynda, tegin synaq nusqasy bar.

VideoStudio Pro X10 — kásibı beınemontajdaýǵa arnalǵan teńdessiz redaktor. Bul baǵdarlamanyń ishinde 1500-den astam ártúrli effektiler men fıltrler, birneshe kameralardan vıdeolardy biriktirýge arnalǵan arnaıy rejım, kadrlyq anımasıalardy jáne qozǵalysty qadaǵalaýǵa arnalǵan quraldar, sondaı-aq, tegin dybys kitaphanasy bar.

Kórnekti ınterfeıs, shablondar, qarapaıym redaktorlyq prınsıpterdiń arqasynda VideoStudio Pro X10 baǵdarlamasyn jańadan bastaýshylardyń ózi sátti qoldana alady. Atalǵan baǵdarlamada 30 kúndik synaq nusqasy bar jáne ony tegin qoldanyp kórýge bolady. 

www.videostudiopro.com

4. CyberLink PowerDirector 16 Ultra

Platforma: Windows.

Baǵasy: 33115 teńge shamasynda, tegin synaq nusqasy bar.

Bul redaktordyń qaýqary VideoStudio múmkindiginen tómen emes. Óziniń básekelesi sıaqty PowerDirector te kásibı mamandarǵa da, montajdaýdy jańadan úırenýshilerge de jaramdy. Sonymen qatar, baǵdarlama barlyq tanymal redaktorlardyń formattaryn, effektilerdiń eń baı arsenalyn, qural-saımandar men óńdeý rejımderin qoldaıdy. Mysaly, PowerDirector baǵdarlamasynda beıneniń ıntellektýaldy túsin túzetý rejımi men 360 gradýsqa arnalǵan rolıkterdi montaj jasaýǵa arnalǵan fýnksıalary bar.

Aıtýly baǵdarlamanyń kómegimen siz ártúrli klıpterdi berilgen úlgige sáıkes biriktirip, nemese vıdeo qatarlaryn ekinshi bireýine biriktirýge bolatyn beınekollajdardy jasaı alasyz. Al, arnaıy Storyboard Mode rejımi jaqyndaryńyz ben dostaryńyzǵa arnalǵan qarapaıym, qysqa fılmderdi tez jasap shyǵarýǵa kómektesedi. CyberLink PowerDirector 16 Ultra baǵdarlamasyn bir aı tegin paıdalanýǵa bolady.  

www.cyberlink.com

5. VEGAS Movie Studio

Platforma: Windows.

Baǵasy: 16725 teńge shamasynda, tegin synaq nusqasy bar.

VEGAS Movie Studio — bul da myqty vıdeoredaktorlardyń biri, aldyn Sony Vegas degen atpen tanymal bolǵan. Movie Studio - áýesqoı jáne kásibı tapsyrmalardyń basym bóligin oryndaýǵa qaýqary jetedi. Paıdalanýshynyń quzyryna stıldi effektiler, keń taralǵan formattarǵa qoldaý kórsetý, dybyspen jumys isteýdegi kúshti quraldar jáne basqa da kóptegen múmkindikter usynylady.

Aıta ketken jón, bul baǵdarlama PowerDirector jáne Corel VideoStudio syndy básekelesterinen fýnksıalardyń sanymen artta qalady. Ol paıdalanýshylardyń qyzyǵýshylyǵyn týdyratyn 360 gradýstyq rolıkterdi óńdeý jáne qozǵalysyty qadaǵalaý sıaqty qyzmetteri jetispeıdi. Biraq, VEGAS Movie Studio arzanyraq. Qyzyǵýshylyq tanytýshylar baǵdarlamany bir aı tegin synap kóre alady.

www.vegascreativesoftware.com

6. Adobe Premiere Elements

Platformalar: Windows, macOS.

Baǵasy: 26100 teńge shamasynda, tegin synaq nusqasy bar.

Bul qıyn kásibı tapsyrmalardy oryndaýda eń tıimsiz baǵdarlama bolýy múmkin. Biraq, qurastyrýshylar Premiere Elements baǵdarlamasyn qoldaný arqyly jańadan bastaǵandar úshin qysqa merzim ishinde montaj jasaýdan usta bolýǵa múmkindik syılady. Óıtkeni bul baǵdarlamada paıdalanýshyǵa beınematerıaldarmen jumys isteý negizderin egjeı-tegjeıli túsindiretin qadamdyq ınteraktıvti nusqaýlyqtary bar.

Premiere Elements-te rolık jasaýǵa arnalǵan úsh rejım bar. Birinshisi, eń jeńildetilgen túri: siz bastapqy beınefaıldardy tańdaısyz da, ármen qaraı nusqaýlarǵa ere otyryp, qarapaıym áreketterdi oryndaısyz. Siz úshin qajetti kóp nárseni baǵdarlamanyń ózi jasaıtyn bolady. Ekinshi túri - qosymsha múmkindikterdi qamtamasyz etedi jáne kúrdeli tapsyrmalar úshin nusqaýlyqtardy kórsetedi. Úshinshi rejım — eshqandaı kómeksiz áreket etetin bolasyz, ıaǵnı, redaktor quraldarymen ózińiz jumys isteısiz.

Qosymsha bilimdi Adobe-tyń bilim bazasynan nemese joba forýmynda jınaqtaýǵa bolady. Oqýǵa asa yntaly bolmasańyz da, Premiere Elements sizge sapasy kásibı vıdeorolıkterge jaqyn týyndyny jasaýǵa múmkindik beredi. Baǵdarlamada 30 kúnik synaq nusqasy bar.

Myqty qoldanýshylar úshin Adobe montaj jasaýǵa qosymsha quraldary bar Premiere Pro kásibı vıdeoredaktoryn usynady.

www.adobe.com

---