InfoHub Logo

Jer betiniń túpkir-túkpirinde bir-birinen erekshelenetin san-túrli ádet-ǵuryptar bar. Bul ádet-ǵuryptardyń keıbirleri kúlkili, keıbirleri qyzyq, al keıbirleri jaǵa ustatardaı oǵash bolyp keledi.

Bulardyń birshamasy tómendegideı:

● Islandıa: Astanasy Reıkávıkte 1924 jyldan ıt baǵýǵa tyıym salynǵan, 2006 jyldan bul tyıym jartylaı alynǵan.

● Morıtanıa: Bul ólkede semiz áıelder ádemi sanalady jáne qurmetteledi. Turmys qurý shaǵyna jetken boıjetkenniń salmaǵy eń az degende 60 kg, eń kóbi 100 kg bolýǵa májbúr.    

● Soltústik Koreıa: Erkekterdiń 27, al áıelderdiń 25 jastan buryn úılenýlerine tyıym salynady. Munyń sebebi otan aldyndaǵy áskerı mindetterin oryndaýǵa májbúr bolýy.

● Soltústik polús: Eskımolar qartaıǵan shaǵynda iske jaramsyz ekendikterin oılap jaqyndarynan ózin óltirýin suraıdy. Bul ózine qol jumsaýdyń bir túri bolyp tabylady. Kúni kelgende qartaıǵan otaǵasy jaqyndarynyń kómegimen tirideı jerge kómiledi.

● Brazılıa: Amazon aımaǵynda ómir súretin «SatereMawe» taıpasy ókilderiniń ul balalary úshin aýyr azapqa para-par ádet-ǵuryptary bar. Ul bala qolyna toqylǵan qolǵap kıip, ǵujynaǵan oq qumyrsqalarynyń ishine qolyn salyp 10 mınýt turýy qajet.

● Tanzanıa jáne Kenıa: Tanzanıa jáne Kenıada ómir súretin «Masaı» taıpasynyń ókilderi bir-birine túkirý arqyly sálemdesedi.

● Úndistan: Asqa kelgen qonaq tamaqtan keıin kekirmese, tamaqty unatpaǵan bolyp qabyldanady.

● Taıland: Tek qana patsha otbasyna tán adamdar biletin ózgeshe til qoldanady — «Rachasap». Munyń sebebi ózderin basqa adamdar túsinbeýi úshin eken.

---