InfoHub Logo

16 — qazanda Bank Hoým Kredıttiń jańa tóraǵasy Karel Gorakty resmı túrde tanystyrý maqsatynda jabyq túrdegi tańǵy as berildi. Oǵan elimizdegi belgili buqaraly aqparat quraldarynyń jetekshileri men pikir kóshbasshylary qatysty.

Shara basynda Karel Gorak ózin tanystyra otyryp, ómirinen qysqasha syr shertti. Karel Gorak Home Credit Group komandasyna 2015 jyly mamyr aıynan bastap qosylǵan. Ol kezde Indonezıadaǵy satý boıynsha dırektor qyzmetin atqarǵan. 2018 jyly tamyz aıynan bastap, Bank Hoým Kredıttiń tóraǵa qyzmetine saılandy.

Tóraǵa myrza Home Credit Group-taǵy qyzmetine deıin, Eýropadaǵy birqatar memleketterde Sales&Marketing, Finance, Business Devolopment, Excellence jáne Coca cola Hellenic-ta ár túrli qyzmetter atqaryp, 12 jyldyq tájirıbege ıe. Al eń alǵashqy mansap jolyn 23 jasynda spırt óndirisindegi jergilikti kompanıada bastaǵan. Karel Gorak Pragadaǵy Ekonomıkalyq ýnıversıtetti bitirgen. Menedjment jáne ekonomıka salasy boıynsha magıstr dárejesine ıe. Cheh, aǵylshyn, nemis jáne ındonezıa tilderin biledi.

Shara barysynda tóraǵa myrza banktyń alǵa qoıǵan josparlarymen bólisip, qarjylyq kórsetkishteriniń damýyn atap ótti. Aldymen, qarjylyq kórsetkishterge toqtalsaq. Banktyń nesıe portfeliniń qarqyndy ósýi shamamen 21%, bul 2018 jylǵy 1-qyrkúıektegi  jaǵdaı boıynsha 246,1 mlrd teńge. 2018 jyly 1-qańtar men 2018 jyly 1-qyrkúıek aralyǵynda Banktyń aktıvteri 21,8% - ǵa ósip, 292,9 mlrd teńgeni quraǵan. Osy jerde Banktyń taza kirisine toqtalsaq, bıylǵy jyldyń 1-qyrkúıeginde 15 mlrd teńgeden astam paıda tapqan.
Sondaı-aq jańa tóraǵa klıentterge arnap ázirlegen birqatar jańa ónimderin de tilge tıek etti. Olar: bólip tóleý men nesıe fýnksıasyn qatar atqaratyn «DOS»  nesıe kartasy. Jylyna 15%-dyq ólshemmen eń joǵary syıaqy alýǵa arnalǵan depozıt sertıfıkaty jáne "Aıalaý" qarjylyq qorǵaýy.

Qazirgi ýaqytta «Home Credit» banki klıentteri úshin sıfrlyq sheshimderdi ázirlep, ony engizýge basa nazar aýdarýda. Solardyń biri — mobıldi bankıng. Onyń kómegimen klıent óziniń aqshasyn únemi baqylaýda ustaı alady.

Karel Gorak banktyń alǵa qoıǵan josparlaryn aıta kele qyzmet kórsetý sapasyn jaqsartýǵa basa nazar aýdaratyndyǵyn, klıentter úshin  nesıege ótinish berý men jeke usynystardyń qarapaıym prosesin engizýdi qarastyratyndyǵyn jáne 2019 jyly banktyń tabystylyǵyn arttyrýdy josparlap otyrǵandyǵyn aıtty. Shara sońynda jýrnalıser ózderin tolǵandyrǵan suraqtaryn qoıyp, jaýap aldy.

---