Ýf, alla! Bitti qanym, shaqty janym,
Shirir me bul hıbsta ǵazız tánim?
Taýsylyp kózdiń maıy, qýat kemip,
Sıqym bar jan tanymas ketti mánim.
Minekeı, jıyrma bes aı men jatqaly,
Hıbsta tutqyn bolyp dám tatqaly.
Ushyrap jetim-jesir qarǵysyna,
Erik ketip qol-aıaqty baılatqaly.
Bále bop izdep basqa tapqanymyz,
Jazasyn tartyp qazir jatqanymyz,
«Pálenshe pálen» degen atqa máz bop,
Aıaǵy nege soqty maqtanymyz.
Bıt, búrge, qandalalar qandy soryp,
Qasynyp túnde uıqy joq jandy qoryp.
Bilmeımiz eldegiler neǵylyp júr,
Qazirgi osy bop tur bizdiń joryq.
Qara nan qyjyldatyp júrek kesip,
Jatasyń jambasyńdy taqtaı tesip.
Osy eken: «urlyq túbi - qorlyq» - degen,
Iapyrmaı, qutylarmyz endi neshik?
Almaıtyn myqty neme eldiń sózin,
Tisindi qaıra da jat ózińe-óziń.
Kiltti esik, tas kerege, temirli áınek,
Shyǵa almaı qur jyltyrap eki kóziń.
Naızaly myltyq, qylysh qolyna alyp,
Kúni-túni kúzetshiler turǵan baǵyp.
Bilinse bir kádigiń, bitti saýdań,
Batyrym, qutylarsyń budan naǵyp?
Astyńa jel jetpesti minip alyp,
Kún buryn mal órisin bilip alyp,
Jabysyp at jalyna aı jaryqta
Ketetin qoldan mynaý ilip alyp.
Janýar qyssa taqym sezýshi edi,
Qaıshylap qulaqtaryn bezýshi edi.
Árenge qyzyl maı bop erýshi edi.
Ózi toq jetektegi semiz shirkin
Keptirip attyń terin tek turmadyq,
Baılardan shama kelse kópti urladyq.
Súıekke ábden sińip alǵannan soń,
«Kedeıdiń kóksholaǵy» dep turmadyq.
Joldastar kosylýshy edi álde qaıdan,
Demeýshi ek: «mynaý arǵyn, mynaý naıman»
Shyqkanda elden aýlaq, tan, bozaryp,
Ándetip ótýshi edik tereń saıdan.
Deýshi edik urlyq maldy «túnde týǵan»,
Jigitti «batyr» deýshi ek ony qýǵan.
«Qoı» degen aqyl sózdi qulaqqa ilmeı,
Kóz jasy endi mynaý betti jýǵan.
Basymnan kinám asyp munda tústim,
Aqyry ne bolǵanyn kórdim istiń.
Bosatyp bir at berse jiberetin,
Kózimnen bolys, bıler bir-bir ushtyń.
Jaza gór topyraqty elden, alla.
Tilegin miskinderdiń bergen, alla.
Qulyńa eki jaza bere kórme,
Keshe gór, qyldym táýba, táýba, táýba.

---