Mynaý kim jatqan, áleýmet,
Jas qabirdi jamylyp?
Munsha ardaqty kim edi?
Tursyńdar báriń jabyǵyp?
Jalǵyzy ma edi bul eldiń,
Qurmetteıtin jabylyp?
Bek pen bıdiń biri me edi,
Jylardaı jurty saǵynyp?
Hanzada ıakı seıit pe?
Qarashy shýlar qamyǵyp?
Joq, áleýmet,
Bul jatqan:
Jalǵyz da emes,
Baı da emes,
Bı de emes,
Bek te emes,
Seıit te emes,
Han de emes.
Býsanyp jatqan jas qabir...
Iesin munyń aıtaıyn:
Maqsaty ulttyń jolyna
Týyn ustap qolyna,
Jas ǵumyryn pıda etken,
Jar-joldasyn kúızeltken,
Alashtyń adal balasy,
Armansyz ólgen danasy,
Júrekten jalǵyz oq tıgen.
Jaza baspaı dóp tıgen,
Alashtyń bul qurbany -
Aıaýly joldas Qazı jas,
Qosh, baýyrym, joldasym!
Armansyz seniń óz basyń.
Qabyl bolyp qurbanyń -
Alashty qudaı ońdasyn...

---