InfoHub Logo

Informatıka páninen synyptan tys is - shara
«INFOBİLGİRLER»
5 synyp oqýshylaryna arnalǵan oıyn
Sabaqtyń taqyryby: Infobilgirler
Sabaqtyń maqsaty:
Bilimdilik: oqýshylardyń ınformatıka pánine degen qyzyǵýshylyqtaryn arttyrý, tanymdyq is - áreketi men aqparattyq mádenıetin qalyptastyrý.
Damytýshylyq: oılaý qabiletterin damytý, sóz mádenıetin jetildirý, shyǵarmashylyq izdenisterin arttyrý.
Tárbıelik: óz bilimderin damytýǵa, bir – birin qurmetteýge, ınformatıka páni týraly bilimin tolyqtyrý.
Sabaqtyń tıpi: Synyptan tys jumys
Jabdyqtalýy: Interaktıvti taqta, tapsyrmalar, vıktorınalyq suraqtar.
Kórnekiligi: Slaıd prezentasıa.
Pánaralyq baılanys: aǵylshyn tili, qazaq tili, matematıka, orys tili.

Sabaqtyń ótý barysy:
İ. Uıymdastyrý.
1. Saıys josparyn tanystyrý.
Jarys kezeńderi:
İ. “Báıge” (Ár topqa 5 suraq qoıylady. Durys jaýapqa 1 upaı beriledi).
İİ. “Til - óner” (Ár topqa jumbaqtalyp 2 jasyryn sóz oqylady. Sol sózdi taýyp qazaq, orys, aǵylshyn tilderinde aıtqan oqýshyǵa 3 upaı, al eki tilde aıtsa 2 upaı, bir tilde aıtsa 1 upaı).
İİİ. “Logıkalyq oılaý” (Logıkalyq esepter beriledi, durys jaýapqa 1 upaı).
İV. “Adasqan áripter” (Durys jaýapqa 5 upaı).
V. «Kim jyldam?» (Informatıkaǵa qatysty torkózde sózder jasyrylǵan durys jaýapqa 5 upaı)
VI. “Kókpar”(saıys túri – aıtys. Jasyl jáne qyzyl tústi kartochkalar jasyrylady, jasyl tústi tańdaǵan komanda maqtaıdy, ekinshi komanda dattaıdy ).

Júrgizýshi: Qurmetti ustazdar men oqýshylar! «Infobilgirler» atty saıysymyzǵa qosh keldińizder!
Kompúter – seniń kómekshiń
Qalamyń, ári qaǵazyń!
Kerek emes demessiń,
Azdaǵan bolsa habaryń.
Úırený kerek bárin de –
Aqparattyq zamanyń! – deı kele «Infobilgirler» atty oıynymyzǵa qatysýshylardy qoshemetteıik.
Máńgi baqı este qalar,
Qyzyqty bir jıyn bolsyn
Bilimdirek shákirt ozar,
Suraqtary qıyn bolsyn – deı otyryp, oıynymyzdyń «Báıge» dep atalatyn İ kezeńin bastaıyq. Bul bólimde oıynshylarǵa suraqtar qoıylady. Jaýap naqty, tez bolý kerek. Qaı top qolyndaǵy jalaýshany birinshi kóteredi, sol top jaýap beredi. Ár durys jaýapqa 1 upaı beriledi.

I top.
1. Aqparatty shyǵarý qurylǵysy (Prınter)
2. Qaǵazdaǵy aqparatty kompúterge tikeleı engizetin qural (Skaner)
3. Aqparatty óńdeý qurylǵysy (Prosesor)
4. Aqparattyń eń kishi ólshem birligi (bıt)
5. Kompúterge zaqym keltiretin arnaıy shaǵyn programma? (vırýs)
II top.
1. Adam kózi men monıtor arasyndaǵy ara qashyqtyq qansha bolý kerek? (60 - 70 sm)
2. Dúnıejúzilik kompúter arasyndaǵy baılanys ortasy (Internet )
3. Bıt qandaı sıfrlardan turady? (0 jáne 1)
4. Vırýstyń keri áserin joıatyn programma (Antıvırýs)
5. Bas árip rejımin iske qosatyn perne? (Caps Lock)
Júrgizýshi: Toptardyń jaýap bergenderine baılanysty upaılaryn beremiz.
Jas dostarym, muny aıtpaımyn nesine,
Informatıkany qurmetteý meniń esimde.
Qazaq, orys, aǵylshyn tilin bilseńiz,
3 upaı, shákirtim saǵan nesibe, - deı kele

“Til - óner” atty İİ kezeńimizdi bastaıyq. Bul kezeńde jumbaq beriledi. Jaýabyn taýyp, sózdi orys, aǵylshyn tilderine aýdarasyzdar. Bir tilde jaýap berse 1 upaı, eki tilde jaýap berse 2 upaı, 3 tilde jaýap berse 3 upaı qosylady.
1. Tórtburyshty áınek,
Tunyn turǵan álek. (monıtor - monıtor - monitor)
2. Uzyntura Jalqaýbek,
Turmaı ylǵı jatady.
Qozǵala qalsa artynan,
Eshbir belgi qalmaıdy. (bos oryn pernesi - probel - blank)
3. Butaq ornynda myń bir ınesi,
Kompúter jany mekeni. (tikenekgúl - kaktýs - cactus)
4. Tetigin bassań alańsyz,
Jazady qalam, qaǵazsyz. (pernetaqta - klavıatýra - keyboard)
5. Batyrmasyn basasyń,
Qajetti faıldy ashasyń. (tyshqan - myshka - mouse)
6. Joq ózinde bas ta, qas ta, moıyn da,
Uzyndyǵy jazýly tur boıynda. (syzǵysh - lıneıka - a ruler)
7. Batyrmasyn basasyń,
Qajetti faıldy ashasyń. (tyshqan - mysh - mouse)
8. Jaqtaýlar arqyly shekteledi,
Beınebette tórtburysh bolyp beıneledi. (tereze - okno - windows)

Júrgizýshi:
Qoıylǵan suraq esepke,
Oılanyp jaýap izdeıik.
Ýaqytty tekke ótkizbeı,
Qatesin anyqtap bereıik, - deı kele

“Logıkalyq oılaý” atty İİİ kezeńimizdi bastaıyq. Bul bólimde logıkalyq esepter, suraqtar beriledi durys jaýapqa 1 upaı.
Logıkalyq suraqtar:
1. Bólmedegi ár buryshta bir mysyqtan jáne oǵan qarama – qarsy úsh mysyqtan otyrsa, bólmede neshe mysyq bar? - 4
2. Ústel ústinde úsh stakan shıe tur. Marat bir stakan shıeni jep qoıdy.
neshe stakan qaldy? - 3 stakan
3. Qarańǵy bólmede maı sham men kerosın lampasy bar. Birinshi ne jaǵasyz? – shyrpy
4. Dopty laqtyrǵanda, dop sol izimen keri qaıtý úshin ony qalaı laqtyrý kerek? - joǵary
5. Úsh at jegilgen shana bir saǵatta 15 km júrip ótken. Árbir attyń jyldamdyǵy qandaı edi? (15km/saǵ)
6. Baspaldaq 15 basqyshtan turady. Baspaldaqtyń ortasynda turý úshin neshinshi basqyshta turý kerek? – 8.
Júrgizýshi:
Jarysaıyq saıysta,
Kimniń oıy myqty eken?!
Kimniń kúshi azdaý bop,
Kim ozyp alǵa shyqty eken dep,
İİİ kezeń boıynsha toptardyń upaıyn sanaımyz.

Júrgizýshi: Oıynymyzdyń IV kezeńi “Adasqan áripter” bul kezeńde ınformatıkaǵa qatysty sózder berilgen. Osy adasqan áripter arqyly durys sóz qurastyrý. Durys jaýapqa 5 upaı.
1. Nımotor ----------- Monıtor
2. Púromtek ------- Kompúter
3. Enrepatqat -------- Pernetaqta
4. Laıf ---------------- Faıl
Júrgizýshi:

V. «Kim jyldam?» atty besinshi kezeńimizdi bastaıyq. Berilgen torkózderdegi áripterden kim jyldam jáne ınformatıkaǵa qatysty ataýlaryn tabar eken?

Jýaly aýdany, Qyzylaryq aýyly
№17 Y. Altynsarın atyndaǵy orta mektebi
Daıyndaǵan: ınformatıka páni muǵalimi: Sarsenbaev E. B.
Infobilgirler saıys josparyn júkteý
Infobilgirler júkteý