InfoHub Logo

Sabaqtyń taqyryby: Informatıka, keshe, búgin, erteń
Sabaqtyń maqsaty: Saıys ótkizý arqyly oqýshylardyń ınformatıka pánine degen qyzyǵýshylyǵyn arttyrý;
Ana tili men orys tilinde, shet tilinde birdeı sóıleý sheberligin arttyrý, ınformatıka ǵylymyna boılatý;
Óz bilimderin, qarsylasyn baǵalaı bilýge, ınformatıka tarıhyn bilýge tárbıeleý;
Sabaqtyń túri: Synyptan tys júrgizilgen saıys sabaq
Kórnekilikter: Interaktıvti taqta, slaıd, kompúterler, taratpa materıal.
Qatysýshylar: 3 - 4 synyp oqýshylary.
Ádilqazylar músheleri: Bastaýysh synyp muǵalimderinen quralǵan múshe.
Júrgizýshi: Sálem berdik, qurmetti ustazdar, ádil – qazylar, oqýshylar! Sizdermen birlese otyryp «Informatıka keshe, búgin, erteń» atty oıynymyzdy bastaýǵa ruqsat etińizder. Oıynǵa 6 oqýshy qatysady.

Jospar:
I. Kompúter qurylǵysyn bilemiz be
II. Adasqan áripter
III. Fızkýltmınýtka
IV. Jumbaq sheshý
V. Qıyqtar jınaý
VI. Sıqyrly tizbek

Muǵalim:
Jan dostarym, muny jaqsy uǵaıyq
Informatıka, qurmetteýge laıyq
Tartysaıyq saıysta, kúsh jigermen
Tartysaıyq qımas biz, dos kóńilmen - dep 1 – kezeń. «Kompúter qurylǵylaryn bilemiz be?» (suraqtar qoıylady)
1. Kompúterdiń negizgi qurylǵylaryn ata?(júıelik blok, monıtor, pernetaqta, tyshqan)
2. Shyǵarý qurylǵylaryn atańyz?(prınter - basyp shyǵarǵysh)
3. Tyshqannyń túrleri qandaı?(eki batyrmaly, úsh batyrmaly)
4. Kompúterdiń mıy dep neni aıtady?(júıelik blok)
5. Alǵashqy esepteý qurylǵysy? (saýsaqtar)
6. Dybys shyǵarý qurylǵysy? (kolonka)
7. Paint baǵdarlamasyn qalaı iske qosamyz? (pýsk - vse programmy - standartnye - paint)
8. DK neshe bólikten turady? (7 bólikten)

Muǵalim:
Eń qıynyn jarystyń
Jeńip alda jaryssyń - dep 2 – kezeń. «Adasqan áripter»
Monıtor --------- Tornımo
Kompúter -------- Púterkom
Tyshqan ------------ Qantysh
Kolonka ---------- Kakolon
Internet --------- Tenınter
Sýret --------- Terýs
Boıaý -------- Ýıaob
Naýshnık --------- Nıknaýsh

Muǵalim:
Mynaý ushqyr zamanda,
Jańalyq endi ǵalamǵa.
Kompúter tilin meńgerý,
Qajeti týdy adamǵa - dep 3 - kezeń. «Fız mınýtka»

Sender sharshaǵan shyǵarsyńdar. Endi azdap dem alyp, kim túsinikterdi oıynda tyńǵylyqty saqtaı alatynyn teksereıik. Bul oıyn «3, 13, 33» dep atalady. 3 degende qoldy sozamyz, 13 dese qoldy eki jaqqa, al 33 dese qoldy joǵary kóterýimiz kerek. Muny durys oryndamaǵan nemese aýystyryp sozǵandar oıynnan shyǵady.
Muǵalim:
Kóńildi oıyn jasaıyq
Jumbaq sherýin shashaıyq
Munda qyzyq tabylar
Qıyn jumbaq bári bar
Búgingi keshte biz bastaıyq,
Saıysta kóńilmen qol soǵaıyq – dep 4 - kezeń. «Jumbaq sheshý»

Janýarǵa uqsas atym bar,
Baǵdar kórseter zatym bar.
Kilemshe ústinde turamyn,
Eń qajetti quralmyn... (tyshqan)

Jurtty ózine qaratqan
Aqparatty saqtap, taratqan...(kompúter)

Málimetti suraǵan,
Ekranǵa shyǵarǵan....(monıtor)

Eger bilseń, aıta qoıshy
Bul qandaı qurylǵy
Aqparatty qaǵazdaǵy
Kompúterge engizedi....(skaner)

Bir saraıda turady eken,
Bes atanyń balalary.
Qydyrmashy bireýi,
Bir kún bar da, bir kún joq.
Sony esepke alsaq.
Uzyn sany júz jeti...(pernetaqta)

Butaq ornynda myń bir ınesi
Kompúter jany mekeni...(kaktýs)
Muǵalim:
Ádil halqym berersiń ádil baǵa
Óneri men órenin salystyryp - dep 5 - kezeń: «Qıyqtar jınaý»
Aldaryndaǵy qıyqtardy jınap qurastyrý kerek jáne ony boıaý kerek. Tez jyldam oryndaǵan oqýshyǵa 5 upaı beriledi.
Muǵalim:
Tez jaýap ber oılanyp turyp qalma
Márege taıap qaldy bul jarysta - dep 6 - kezeń: «Sıqyrly tizbek»
Aqparattyń ólshem birligin ósý retimen ornalastyr.
Bıt, Baıt, Kılobaıt, Megabaıt, Gıgabaıt, Terabaıt;

Qorytyndy: Ádilqazylar jeńimpaz bolǵan oqýshylardy I, II, III orynmen marapattaý.
Muǵalim:
Kóńil bólip bul keshke,
Kelgenderge kóp rahmet!
Shyn sezingen kórermenderge,
Myń rahmet, myń rahmet!