InfoHub Logo

Inkarbaeva Janar Erjanqyzy

10 synyp
Sabaqtyń taqyryby: Injener mamandyǵy – zaman talaby
Sabaqtyń maqsaty: Bilimdilik: Oqýshylarǵa ınjener mamandyǵynyń erekshelikterin sıpattaý.
Damytýshylyq: Qyzyǵýshylyǵyn arttyrý, oılaý qabiletin damytý, oı pikirlerin jetkize bilýge baǵyttaý.
Tárbıelik: Ártúrli mamandyq ıelerine degen qurmet sezimderin oıata otyryp, ultjandylyq pen Otansúıgishtik rýhta tárbıeleý.

Kórnekiligi: sýretter, qıma qaǵazdar, kıno úzindileri.
Ádis - tásil: STO tehnologıalarynyń strategıalary
Sabaqtyń tıpi: jańa sabaqty meńgertý
Sabaqtyń túri: aralas sabaq

Sabaqtyń barysy:
Uıymdastyrý kezeńi: Amandasý, týǵan kúnderi boıynsha topqa bólý,
İ topqa – jeltoqsan, qańtar, aqpan, qyrkúıekte týǵandar
İİ topqa – naýryz, sáýir, mamyr, qazanda týǵandar
İİİ topqa – maýsym, shilde, tamyz, qarashada týǵandar

I. Qyzyǵýshylyǵyn oıatý
«Bul kim, taýyp kórshi» oıynyn oınatý. Jumbaq sheshkizý arqyly oılaı qabiletterin arttyrý.
1) Kúmis qanat, suńqary,
Kókke erkin súńgıdi.
Bulttan da tym ári,
Ketken jandy kim deıdi? (Ushqysh)
2) Órnektep, sándep,
Tigisterin búgetin.
Solpysyn jóndep,
Kim kóılek tigetin? (Tiginshi)
3) Qalpaǵy aq qarasań,
Dáriger emes, biraq ol.
Dám mázirin qalasań,
Alǵa usynyp turady ol. (Aspaz)
4) Ósken shashty jaratpaıtyn,
Qaıshysy bar jalaqtaıtyn. (Shashtaraz)
5) Onyń tikken buıymy,
Aıaǵyńdy qaptaıdy.
Shyǵa qalsa julymy,
Ádemilep baptaıdy. (Etikshi)
6) Bilimniń dánin teredi,
Balaǵa tálim beredi (Ustaz)
7) Bilimniń jol basshysy,
Shákirttiń qolbasshysy. (Muǵalim)
8) Adamnyń júzin,
Basy men kózin
Aınytpaı salatyn
Salatyn kim sýretin? (Sýretshi)
Jumbaqtardy sheship bolǵan soń, búgin qaı mamandyq týraly ótetinimizdi tabý úshin slaıdtan sýretter kórsetip, mynadaı sóılemderdi aıtamyn.
1. bul mamandyq óndiriste jáne transportta;
2. ǵylym men tehnıkada;
3. qurylys pen ekonomıkada, t. b. salalarda qajet mamandyq.
Jaýaby: ınjener mamandyǵy

Oılanaıyq, pikirleseıik
1. Siz qandaı maman bolýdy armandaısyz? Nelikten?
2. Adam ózin belgili mamandyqqa qashan qalaı daıyndaýy kerek dep oılaısyz?
3. Adam birneshe mamandyqty meńgerse, onyń ómiri qandaı bolady dep oılaısyzdar?
4. Qaı ýaqytta adam óz eńbeginiń jemisin kóre alady?

II. Maǵynany ajyratý.
1. «Úsh qadamdy suhbat» strategıasy.
Maqsaty: Oqýshylardyń jan - jaqty bilimderin tekserý.
Ár top buryn ótilgen taqyryptar boıynsha bir - birine 3 suraqtan qoıady.
2. JIKSO - 1 strategıasy boıynsha oqýlyqtaǵy «Injener mamandyǵy» mátinimen jumys
Injener eńbegi eń áýeli materıaldyq óndiriste paıda boldy, ónerkásipte, transport pen baılanys, qurylys salasynda qoldanys taýyp, qanat jaıdy. Búgingi zamanda ǵylym men tehnıkanyń sharyqtap damýy barysynda ınjenerlik eńbek ekonomıkanyń barlyq salasynan bastap, aqparattyq álem, bilim, mádenıet, óner, turmys, t. b. qysqasy, ómirdiń búkil óńirin tutas qamtydy deýge bolady. Iaǵnı, búgingi qoǵamdy ınjenerlik eńbekten tysqary qarastyrýy múmkin emes. Qazirdiń ózinde kóp elderde myqty ınjenerlerdiń jetispeýshiligi baıqalady. Eldiń óndiris pen tehnıka salasynda damýynda bul mamandardyń orny erekshe.
1 - top. Mátindi mánerlep oqyp, «Qazirdiń ózinde kóp elderde myqty ınjenerlerdiń jetispeýshiligi baıqalady.» sóılemine sıntaksıstik taldaý jasaıdy.
2 - top. Mátindi aýdaryp, «Injenerlik», «Mamandardyń» sózderine morfologıalyq taldaý jasaıdy.
3 - top. Mátin boıynsha suraqtar qurastyryp, «Injener» sózin septep, jikteıdi,
Sergitý sáti: «Pantomımo» ádisi arqyly ár top qarsylastaryna 3 túrli mamandyq ıelerin jasyrý.

III. Oı tolǵanys.
1. «Toptastyrý» strategıasy boıynsha ár top birlese otyryp, «Injener mamandyǵy» sózine toptastyrý qurady
Maqsaty: Mamandyq týraly oılaryn jınaqtaý.
2. Ár top «Injener mamandyǵy – zaman talaby» ekenin mysaldarmen dáleldeý
Maqsaty: Ótilgen sabaqtyń nátıjesin anyqtaý.
3. «Hat jazý» strategıasy.
Maqsaty: Hat jazý úlgisin úırete otyryp, sabaqta ne istegenin aıta bilýge daǵdylandyrý.
«Búgin sabaqtan alǵan áserim» taqyrybynda bir - birine hat jazady.

Úıge tapsyrma: Berilgen tujyrymdardy dáleldep kelý
1 - top: Mamandyq tańdaýda psıhologtyń kómegi qajet.
2 - top: Mamandyq tańdaý - kún kóris qamy.
3 - top: Aqsha bolsa, mamandyq qajet emes.
Baǵalaý. Ár top óz qarsylastaryn «Eki juldyz, bir tilek» ádisi boıynsha baǵalaıdy.