InfoHub Logo

Golandıanyń bir kezderi ásire ońshyl Azattyq Partıasynyń (PVV) depýtaty ári ekinshi adamy Ioram van Klaveren (Joram van Klaveren) ıslamǵa qarsy kitap jazamyn dep, musylman boldy. Golandıanyń baspasóz betterinde jaryq kórgen habarlarda Golandıanyń burynǵy saıasatkeri 39 jastaǵy Ioram van Klaverenniń ıslam dinine qarsy kitap jazý barysynda Islamdy zerttep júrip, dinge degen kózqarasy túbegeıli ózgergen. Osylaısha ol tilin kálımaǵa keltirip musylman boldy. Islamǵa qarsy jańsaq pikirlerin joıatyn kitap jazyp shyǵardy.

Golandıalyq saıasatker Ioram van Klaveren musylmandyqty qabyldamas buryn «Islam degen jalǵan din, al Quran kárim — ý» dep málimdeme jasaǵan bolatyn, biraq ıslam dininiń aqıqat din ekenine kóp uzamaı kózi jetken.

«Kitap jazý barysynda meniń ıslamǵa qarsy kózqarasymnyń qate ekenin dáleldeıtin kóptegen derekterdi kórdim. Osydan birer jyl buryn ıslam dinin ıttiń etinen jek kóretinmin. Eger bir sátte siz ózińizdiń birneshe jyl boıy qatelesip júrgenińizdi bilseńiz qandaı kúıde bolasyz? Salyńyz sýǵa ketpeıdi me?! Meni de túsiniksiz, jaman sezimde boldym. Biraq ıslamǵa qarsy bolsam da únemi Qudaıdy izdeıtinmin, ishtegi mazasyzdyqty sezinetinmin. Al ıslamdy qabyldaǵan kezden bastap túsiniksiz, men úshin beımálim sezimnen túbegeıli aryldym. Araǵa kóp ýaqyt salyp óz úıine oralǵan adam sekildimin», deıdi Ioram van Klaveren.

---