InfoHub Logo

İs júzinde árbir zamanaýı fotoaparat beınetúsirilim jasaı alady. Degenmen, beınekameralar áli de kóp qoldanylatyn taýarlardyń biri bolyp tabylady. Sonymen qatar, olardyń aıtarlyqtaı aıryqsha nusqalary únemi shyǵarylyp turady, bul sholýda solardyń eń qyzyqty 10 túri týraly aıtamyz…

OnAir Camcorder — strımerlerge arnalǵan beınekamera

Sońǵy ýaqytta strımerler aıtarlyqtaı tanymaldylyqqa ıe bolyp barady. Ǵalamtor arqyly oqıǵa ornynan kórsetilim jasaǵan áýesqoı-operatorlar telearna qyzmetkerlerine qaraǵanda áldeqaıda jyldam ári aldyn-ala oılastyrylmaǵan túsirilimder jasaıdy.

Alaıda, mundaı baılanystar buǵan deıin sol sátte qoldaǵy tehnıkanyń, smartfonnyń nemese planshettiń kómegimen jasalsa, qazirgi ýaqytta strımerler úshin aıryqsha qurylǵylar paıda bola bastady, mysalǵa, OnAir Camcorder beınekameralary.

OnAir Camcorder kamerasy oqıǵa ornynan sapaly tikeleı kórsetilim júrgizýge arnalǵan. Ol eki kameramen (negizgi jáne tutas qamtıtyn), dınamıkpen, OLED-ekranmen, Wi-Fi symsyz baılanys modýlimen, sonymen qatar ǵalamtorǵa 3G-jelisi arqyly qosylý múmkindigimen qamtamasyz etilgen.

JVC GX-PX1 — fotokamera men beınekameranyń gıbrıdi (býdany)

Joǵaryda aıtylǵandaı, sıfrlyq fotoaparattardyń basym kópshiliginde beınetúsirilim jasaý fýnksıasy bar. Alaıda JVC kompanıasy foto jáne beınekameralardyń barlyq eń jaqsy qasıetterin biriktiretin aıryqsha qurylǵy jasap shyǵarýǵa sheshim qabyldady.

JVC GX-PX1 devaısy ózinde fotoaparat pen beınekameranyń barlyq múmkindikterin úılestiredi. Birinshisinen ol ólsheminiń kishiligin jáne ajyratymdylyǵy 12 megapıksel bolatyn matrısasy bar «pishinin» alsa, ekinshisinen — beınetúsirilim jasaýǵa arnalǵan arnaıy obektıvin alǵan.

JVC GX-PX1 sekýndyna jıiligi 60 kadr jáne ajyratylymdylyǵy 1080*1920 núkte bolatyn beınetúsirilim jasaı alady, alaıda sekýndyna sapasy tómendeý 300 kadrǵa deıin túsirýge qol jetkizýge bolady. Fotoaparat rejıminde bul mán otyzǵa deıin azaıady. JVC GX-PX1 obektıvi on eseli optıkalyq zým men kiriktirilgen beınequbylysqa qol jetkizýdi múmkin etedi.

Loofa — balany baqylaýǵa arnalǵan kamera-shyraǵdan

Qazirgi ýaqytta balany qashyqtan baqylaýǵa jáne kútim jasaýǵa arnalǵan kóptegen alýan túrli qurylǵylar bar. Alaıda olardyń eń ádemisi jáne ózgeshesi — bul Loofa dep atalatyn túngi sham, ol sonymen qosa beınekamera da bolyp tabylady.

Iá, balalar bólmesine ilip qoıýǵa bolatyn bul shyraǵdanǵa múlde baıqalmaıtyn beınekamera ornatylǵan, ol symsyz baılanystyń ınterfeısi arqyly kórinisti ata-anasynyń kompúterine nemese mobıldi telefonyna bere alady.

Loofa kamera-shyraǵdanynyń taǵy bir artyqshylyǵy onyń súıkimdi syrtqy túri men bezendirilýiniń ár túrli tústiligi, olardyń ishinen unaǵan bireýin nemese birnesheýin tańdap alýǵa bolady.

Bellami HD-1 Digital Super 8 — retro stılindegi beınekamera

Qazirgi tanymal rejıserlardyń kóbi shyǵarmashylyq jumystaryn 8-mıllımetrlik beınekameramen qysqa rolıkter jáne tipten kishigirim fılmder túsirýden bastaǵan. Nátıjesinde mundaı qurylǵylar uly adamdardyń mansabynyń bastamasynyń sımvolyna aınaldy jáne jıyrmasynshy ǵasyrdyń jetpisinshi jyldarymen tyǵyz baılanysqan atrıbýttardyń biri bolyp qaldy.

Al 2010 jyly japonıalyq Shinon kompanıasy zamanaýı elektronıkaǵa sol kezeńderdiń stılısıkasyn qaıtarýǵa sheshim qabyldap, klasıkalyq 8 mıllımetrlik beınekameranyń stıline keltirilgen Bellami HD-1 Digital Super 8 dep atalatyn qurylǵy jasap shyǵardy.

Degenmen, Bellami HD-1 Digital Super 8-diń ishine salynǵan tehnıkalyq bólshekteri tolyqtaı zamanaýı. Onyń ajyratymdylyǵy 21 megapıksel bolatyn matrısasy men 8-mıllımetrlik obektıvi bar. Qurylǵy sekýndyna jıiligi 30 kadr bolatyn 2K-beınetúsirilim jasaı alady.

Bublcam – panoramalyq beınekamera

Qazirgi naryqtaǵy qoljetimdi sansyz kóp ekshn-beınekameralardyń ishinde eń tanymal jáne kóp tutynylatyny GoPro kompanıasynyń ónimderi bolyp tabylady. Árıne, Bublcam kamerasy bul flagmanǵa aıtarlyqtaı básekeles bola almaıdy, degenmen báribir de eń kóp suranysqa ıe bolatyny sózsiz.

Bublcam – bul 360 gradýs sholý buryshymen keń aýmaqty beınetúsirilim jasaı alatyn álemdegi eń alǵashq yekshn-kamera. Onyń keń aýmaqty qamtıtyn túrli jaqtarǵa baǵyttalǵan tórt obektıvi bar. Úsheýi búıir jaqtaryna, al tórtinshisi – ústige qaratylǵan.

Bublcam kamerasynyń pishini beısbol dobynyń ólshemindeı. Ony beınetúsirilim jasaýdy qajet etetin: parashútpen sekirgen ýaqytta, velosıpedpen nemese motosıklmen jol júrgen kezde, tabıǵaty ásem jerlerge saıahattaǵanda jáne basqa da belsendi is-áreketter kezinde shlemge (bas kıimge) bekitip qoıýǵa bolady.

Canon EOS-1D C — fılm túsirýge bolatyn fotokamera

Jalpy Canon EOS-1D C - bul fotoaparat. Biraq bul qurylǵy, eń aldymen, kásibı deńgeıde beınetúsirilim jasaýǵa arnalǵan. Bul devaıs, shyn máninde, álemdegi sıpattamasy men múmkindikteri boıynsha kásibı beınekameralardan esh aıyrmashylyǵy joq alǵashqy fotokamera bolyp tabylady, biraq olardyń ólshemderinen áldeqaıda kishi jáne baǵasy aıtarlyqtaı tómen.

Canon EOS-1D C fotokamerasy 4K (2160 pıkselge 4096) ajyratymdylyqpen beınetúsirilim jasaı alady, bul kórkem fılmder, teleserıaldar men derekti habarlar túsirý úshin de tolyqtaı laıyqty. Kameranyń 18.1 megapıkseldik matrısasy men kórinisterdi (beınelerdi) óńdeýge arnalǵan Digic 5+ eki prosesory bar.

Canon kompanıasy ózderiniń ónimderi teledıdar salasynda qyzmet etetin kásibı operatorlardyń quralyna aınalady dep kútedi. Óıtkeni bul ónimder olarǵa sýretterdiń sapasyn joǵaltpaı áldeqaıda mobıldi bolýǵa múmkindik beredi.

Camsports Coach – kúnnen qorǵaıtyn kózildirikti ekshn-vıdeokamera

Camsports Coach – bul qurylǵydan tek fotoǵa túsirý men beıtúsirilim jasaý fýnksıalaryn ǵana qajet etetinderge arnalǵan «aqyldy» kózildirikter. Mundaı jumystardy bul devaıs tamasha júzege asyrady.

Camsports Coach – bul sportpen aınalysqan, ań aýlaǵan ýaqytta jáne serýen kezinde sizdiń barlyq is-qımylyńyzdy túsirip turatyn, birmezette kúnnen qorǵaıtyn kózildirik te, ekshn-kamera da bola alady. Onyń kómegimen siz qoldaryńyzdy azat etesiz, sonymen qatar qurylǵyny qosý jáne óshirý, rakýrs tańdaý jáne basqa da usaq jumystardan múlde bosatylasyz.

Tek basyńyzǵa Camsports Coach kıý jáne ony iske qosý jetkilikti – kamera birinshi tulǵa atynan beınetúsirilim jasaıdy, onda kórermender dál siz kórgen nárseniń bárin kóre alady.

Álemdegi eń jyldam

Lýnd ýnıversıtetiniń (Shvesıa) ǵalymdary álemdegi eń jyldam túsiretin kamerany jasap shyǵardy, ol sekýndyna bes trıllıon kadr jıilikpen túsirilim jasaıdy. Kamera FRAME dep atalady. Aǵylshyn tilinde bul sóz «kadr» degendi bildiredi, alaıda «Frequency Recognition Algorithm for Multiple Exposures»-diń (Kóptegen ekspozısıalar úshin jıilik tanylý algorıtmi) qysqartylǵan ataýy bolyp tabylady.

Qurastyrýshylar kameraǵa sıpattama bergende, ol kórinisti sonshalyqty qysqa 0,2 trıllıon sekýnd ishinde túsirip ala otyryp, «is júzinde jaryqtyń taralýyn toqtata» alady dep túsindiredi. Ǵalymdar kamera hımıadaǵy, fızıkadaǵy, bıologıadaǵy jáne medısınadaǵy buryndary múmkin emes bolǵan túrli qubylystardy qujatpen dáleldeýde kómektesedi dep sanaıdy.

Bul qanshalyqty kóp – sekýndyna bes trıllıon ret? Bul on eki nóli bar bestik – 5000000000000. Salystyrý úshin – eger adam ómiriniń uzaqtyǵy 80 jas dep alatyn bolsaq, onda 2,5 mıllıard sekýnd bar degen sóz. Bar joǵy eki jarym mıllıard! Shved sýperkamerasy bir sekýnd ishinde bizdiń búkil ómir súrgen ýaqytymyzdaǵy sekýndtyń mólsherinen 2000 ese kóp kadr jasaı alady.

Álemdegi eń úlken kamera

Ony qurastyrýshylar – buzylǵan El Toro Marine Corps Air Station áskerı áýe bazasynyń qalalyq saıabaqqa aınalýyn qujattandyrýshy entýzıasttar toby. Kameranyń ólshemi 14/49/24 metrdi quraıdy. Alyp fotoaparatqa arnalǵan úldirdi 80 lıtr emýlsıamen qolmen jabylatyn aýqymdy mýslın kenep matasynan ázirleıdi.

Bul kameramen jasalǵan fotosýrettiń bıiktigi 9,5 metrge, al uzyndyǵy 34 metrge jetedi. [CUT] Fotoǵa túsirý úshin daıyn «úldirdi» jaryqtan tolyqtaı oqshaýlandyrylǵan keńistikke ornalastyryp, kameranyń «ysyrmasyn» 35 mınýtqa ashady. Bir kadrdy aıqyndaý úshin haýyz ben 600 lıtr aıqyndaǵysh qajet. Bul kameramen ázirge tek bir ǵana foto túsirilgendigi tańǵalarlyq jaıt emes.

---