InfoHub Logo

V halyqaralyq Farabı oqýlary aıasynda “Turaqty damý maqsatyndaǵy halyqaralyq jýrnalısıkany oqytý modelderi (MTIJ)” atty úshinshi halyqaralyq ǵylymı-tájirıbelik konferensıa ótti. 

Ǵylymı konferensıa «Mamandyqqa oqytýdyń jańa algorıtmderi», «2018 jyldyń medıa-trendteri», «İİİ konferensıa (MTIJ): keńes berý jáne dıalog formattary» baǵyttaryn qamtyp, «Onlaın-bilim berý úderisteri», «Álemdik qaýip-qaterler júıesindegi jýrnalısıka» «Turaqty damý klasterindegi medıasfera», «Medıany robotızasıalaý», «Postshyndyq kezeńi jáne kontentti tekserý», «Crowdlearning: aýdıtorıany zertteýdiń jańa deńgeıi», «Kıber soǵystar jáne jeke qaýipsizdik táýekelder» taqyryptarynda órbidi.
Konferensıany jýrnalısıka fakúltetiniń dekany Saǵatbek Medeýbekuly ashyp, bıyl úshinshi márte ótkizilip otyrǵan jıyn jumysyna sáttilik tiledi. Jýrnalıser daıarlaýdaǵy ózekti máseleni keń ári ashyq talqylaý bilim berý jáne medıa salasyndaǵy sarapshylardyń ózara tájirıbe almasyp, máseleni birigip sheshýine yqpal eteri daýsyz degen senim bildirdi.
Konferensıa moderatory IýNESKO, halyqaralyq jýrnalısıka jáne qoǵamdyq medıa kafedrasynyń meńgerýshisi Nazgúl Shyńǵysova aqparattyq kontentti saýatty qalyptastyryp, tildik jáne quqyqtyq turǵydan biliktilik tanytatyn mamandar daıarlaýdaǵy ózekti máselelerdi oıtalqyǵa salatyn ǵylymı jıynnyń mańyzdylyǵyn atap ótti. «Halyqaralyq jýrnalısıka» mamandyǵynyń ózekti máselelerin tilge tıek etti. Qatysýshylardy aldyńǵy ótkizilgen eki konferensıanyń qorytyndylarymen tanystyrdy. 
Odan keıin sóz alǵan Almaty q. IýNESKO Klasterlik búrosynyń komýnıkasıa jáne aqparat bóliminiń mamany Sergeı Karpov BAQ damýyndaǵy jahandyq tendensıalarǵa baılanysty baıandamasynda BAQ erkindigi, plúralızm, jýrnalıserdiń táýelsizdigi jáne qaýipsizdigi salasyndaǵy jańa tendensıalarǵa synı taldaý jasady. 
BUU-nyń Qazaqstandaǵy qoǵamdyq aqparat departamentiniń dırektory Vlastımıl Samek BAQ damýyndaǵy Qazaqstannyń eleýli áleýetin atap ótti: «Biz, árıne, jýrnalısıkany oqytý boıynsha tehnologıalyq, halyqaralyq standartqa negizdelgen baǵdarlamalardyń engizilýi men qoldanylýyndaǵy úderisterdi qoldaımyz. Álemdik standart boıynsha jumys atqaratyn qazaqstandyq jýrnalıser jahandyq aqparattyq keńistikte sheteldik áriptestermen básekege qabiletti bolady». 
Qazaqstan jýrnalısıka Akademıasynyń prezıdenti Saǵymbaı Qozybaev jýrnalıser daıarlaýdaǵy bilim berý úderisiniń sapasy men deńgeıin qatań baqylaý qajettiligine toqtaldy.
Jıynda baıandama jasap, ózekti oılaryn ortaǵa salǵan profesor Láılá Ahmetova, «Ádil sóz» sóz bostandyǵyn qorǵaý halyqaralyq qorynyń sarapshysy Ǵalıa Ájenova, «Internews» Ortalyq Azıadaǵy ókildiginiń basshysy Marat Bıgalıev, osy uıymnyń jańa medıa-keńesshisi Anna Sýkacheva, zańgeri Olga Dıdenko,  «Túrkitildes jýrnalıser qory» QQ prezıdenti Názıa Joıamergenqyzy, «Minber» jýrnalıserdi qoldaý ortalyǵynyń prezıdenti Esengúl Kápqyzy,  Factcheck.kz redaktory Dýman Smaqov t.b. jýrnalıser daıarlaý isin únemi jetildirip, álemdik standartqa saı sapaly daıarlaý qajet degen ortaq pikirge toqtaldy.

 

Ál-Farabı atyndaǵy QazUÝ,

Stýdenttik baspasóz Ortalyǵy             

---