Photo: Luis del Río (https://www.pexels.com/@luisdelrio) / Pexels
"Zardabyn búkil álem kórip otyr": Erdoǵan AQSH pen Izraıl basshylaryna shuǵyl úndeý jasady
Túrkıa prezıdenti Rejep Taııp Erdoǵan Taıaý Shyǵystaǵy shıelenistiń álemdik deńgeıdegi saldaryna alańdaýshylyq bildirip, AQSH pen Izraıl basshylaryn dereý kelissóz bastaýǵa shaqyrdy. Onyń aıtýynsha, qazirgi jaǵdaıdy Izraıl men onyń premer-mınıstri Bınámın Netanáhýdyń áreketteri ýshyqtyryp otyr.
Bul týraly ol úkimet otyrysynan keıin halyqqa jasaǵan úndeýinde málimdedi. Erdoǵannyń sózinshe, bul tek aımaqtyq qaqtyǵys emes, onyń saldarynan búkil álem zardap shegýde.
«Bul – Izraıl men Netanáhýdyń soǵysy, biraq onyń zardabyn búkil álem tartyp otyr», – dedi Túrkıa basshysy.
Ol qazirgi daǵdarystyń Izraıl basshylyǵynyń saıası múddelerimen tyǵyz baılanysty ekenin atap ótip, halyqaralyq qaýymdastyqty bul máselege belsendirek aralasýǵa shaqyrdy. Erdoǵannyń pikirinshe, jahandyq turaqtylyqty qalaıtyn elder jaǵdaıdy ýshyqtyratyn qadamdardan aýlaq bolyp, dıplomatıalyq sheshimderge basymdyq berýi tıis.
Túrkıa prezıdenti taraptardy shuǵyl túrde dıalogqa kelip, kelissózder júrgizýdiń mańyzdylyǵyn erekshe atap ótti.
-
Abaı oblysynda joǵalyp ketken malshy 5 kún boıy dalada jatyp, qar jep aman qaldy. Ol oqys jaǵdaıdyń qalaı bolǵanyn baıandady.
-
Turkish President Erdogan calls for urgent dialogue between the US and Israel, warning that the ongoing conflict's repercussions are being felt worldwide.
