x.com/ZelenskyyUa
Zelenskıı Ýkraına men Reseı arasyndaǵy kelissózderde pozısıasyn ózgertýi múmkin ekenin málimdedi
Ýkraına prezıdenti Vladımır Zelenskıı Reseımen beıbit kelissózderdegi ustanymdardy qaıta qarastyrý múmkindigi týraly aıtty. Bul týraly ol NATO bas hatshysy Mark Rúttemen kezdesýinen keıin málimdedi.
Memleket basshysynyń aıtýynsha, olar dıplomatıalyq jumystyń barlyq negizgi aspektilerin talqylaǵan. Kezdesýde kóptegen baǵyttar boıynsha ustanymdarynyń uqsastyǵyna rızashylyǵyn bildirgen.
«AQSH pen Reseıdiń qatysýymen ótetin kelesi úshjaqty formatqa daıyndyq týraly, sondaı-aq taraptardyń pozısıalaryndaǵy yqtımal ózgerister týraly bilgenderimdi habarladym», - dedi Zelenskıı, biraq egjeı-tegjeıin ashpady.
Prezıdent sondaı-aq energetıka salasyndaǵy jaǵdaıdy jáne AQSH pen onyń odaqtastarynyń Kıevke amerıkandyq qorlardan qarý-jaraq jetkizý úshin ázirlegen PURL bastamasy aıasynda jumysty jalǵastyrý qajettigin talqylaǵanyn atap ótti.
«PURL arqyly bizdiń qorǵanysymyzǵa ınvestısıa salǵan árbir eýropalyq elge alǵys aıtamyn», - dedi Ýkraına basshysy.
Aıta keteıik, 18 aqpanda Jenevada Ýkraına, Reseı jáne AQSH arasynda kelissózderdiń úshinshi raýndy ótti. Sol kezdesýde atysty toqtatý rejımin saqtaýdy baqylaý AQSH-tyń qatysýymen júzege asyrylatyny týraly kelisimge qol jetkizilgen bolatyn.
-
Almaty aýdanynyń burynǵy ákimi Baǵdat Manzorov Konaev qalasynda 18 mıllıard teńgege gólf-klýb qurylysyn bastady. Buǵan deıin ol para aldy degen kúdikpen tergelgen bolatyn.
-
Ukrainian President Volodymyr Zelensky has indicated a potential willingness to reconsider Ukraine's negotiating position with Russia, following a meeting with NATO Secretary General.
