InfoHub Logo

Taqyryby: «Zerde» tanymdyq saıysy.
Maqsaty: Álippe, ana tilinen alǵan bilimderin pysyqtaý, oılaý qabiletterin, sóıleý tilderin damytý, uıymshyldyqqa, shapshańdyqqa tárbıeleý.
Kirispe: «Bilimdige dúnıe jaryq,
Bilimsizdiń kúni kárip» demekshi, búgingi 1 - klastar arasynda ótetin «Zerde» tanymdyq saıysyna qosh keldińizder! Oıyn bes kezeńnen turady.
1. Bilgenge marjan 30 sekýnd
2. Joǵalǵan býyndy tap 30 sekýnd
3. Álippe (áripten sóz quraý)
4. Dybys syrlary (1 mınýt ishinde)
5. Syımaı qalsa tastama,
Kelesi jolǵa tasymalda (sózdi tasymaldaý)
Osy saıysqa qatysýshylardyń jaýaptaryn tyńdap, tórelik etetin bastaýysh klastar kafedrasynyń jetekshisi Tleýlıeva Gýlaıym Shıngızovnaǵa qoshemet kórseteıik.
Barysy: Qatysýshylarymyzǵa sáttilik tilep, saıysymyzdy bastaımyz. Ár top óz komandalaryn tanystyryp ótsin.

1 - kezeń. Bilgenge marjan.
10 uıashyq beriledi. Ár top uıashyq tańdap sondaǵy suraqtarǵa 30 sekýnd ishinde jaýap berýi tıis. (bilmese, basqa toptan suralady).
1 - uıashyq. «Balalar, kitapty taza ustańdar!» Osy sóılemde neshe sóz bar?
2 - uıashyq. «Otbasy» degen sózde neshe býyn bar?
3 - uıashyq. Jýan daýysty dybystardy ata.
4 - uıashyq. Jińishke daýysty dybystardy ata.
5 - uıashyq. Dybystar neshege bólinedi? Atap ber.
6 - uıashyq. Syzba boıynsha sóılem qura.
7 - uıashyq. Býynǵa bólinbeıtin sózderdi ata.
8 - uıashyq. «Otan súıer ulan bolyńdar! Óz Otanyńa laıyqty azamat bolyp ósińder!» kimniń sózi?
9- uıashyq. Qazaq tilinde qansha árip bar?
10 - uıashyq. Jumbaqty shesh.
Qýalaısyń, qoımaısyń,
Asyr salyp oınaısyń. (dop)
Ár durys jaýapqa bir upaıdan beriledi.

2 - kezeń. «Joǵalǵan býyndy tap»
Ár top bir - bir sózden alyp joǵalǵan býyndy tabady.(30 sekýnd)
Sha -(ńy)- raq, ja -(ńa)- lyq, ba -(ýyr)- mal, ja -(ýyn)- ger, el -(tań)- ba. (1 upaı)

3 - kezeń. «Álippe»
Barlyq topqa ortaq bir árip berip, 1 mınýt ishinde sol áripten bastalatyn sózder jazdyrý. ( birdeı sózder eseptelmeıdi, adamnyń, qala - jer - sý ataýlary eseptelmeıdi.)

4 - kezeń. «Dybys syrlary»
30 sekýnd ishinde berilgen dybystardyń daýysty, daýyssyz ekenin jańylmaı aıtý. ( ár topqa jeke - jeke beriledi.)

5 - kezeń. «Syımaı qalsa tastama,
Kelesi jolǵa tasymalda»
«Oqýshylar» sóziniń tasymaldaný túrlerin kórsetý.
Qorytyndy: Tóreshige sóz berip, jeńimpazdardy anyqtaý.