InfoHub Logo

Irannyń ámirshisi Nýshıraýannyń ádildigi búkil álemge taraǵan bolatyn. Bir kúni aldyna kelgen Qytaı elshisi munshalyqty ádiletti bolýynyń sebebin suraıdy. Nýshıraýan bylaı dep aıtyp beredi:

«Bala kezimde ákem meni oqytý úshin bir muǵalim jaldaǵan. Bir kúni sol ustazymnan aty-jóni joq taıaq jedim. Bul oqıǵany eshqashan umytpadym. Taqqa otyrǵannan keıin sol bala kezimdegi ustazymdy shaqyrtyp nege sebepsiz urǵanyn suraǵanymda, ustazym:

Saraıda, ámirińde qyzmetshiler, bir qolyń maıda, bir qolyń balda, molshylyqta ósip jatqan ediń. Ne qalasań aldyńa ákelinip jatty. Ákeńnen keıin seniń ámirshi bolatynyńdy biletin edim. Zulymdyqtyń qandaı bolatynyn kórsin, ómirinde bir ret bolsa da zulymdyqtyń zardabyn basynan ótkersin sonda basqalarǵa zulym eterde zulymdyqtyń jamandyǵy esine túser dep oıladym. Óıtkeni taıaq jeýdiń aýyrtpalyǵyn bilmeıtin adam basqaǵa qol kóterýden taıynbaıdy. Esh qıynshylyq kórmeı ósken adam meıirimnen mahrum bolady, adamdarǵa qıynshylyq berýdi qalypty nárse dep sanaıdy. Kedeılik kórmegen adam sarań bolady. Saǵan bul sabaq boldy. Qazir sen adamdarǵa jomarttyq tanytyp ádiletpen mámile etýdesiń.»

---