InfoHub Logo

قازاقستان رەسپۋبليكاسىنىڭ تۇڭعىش پەرزيدەنتى، ەلباسى نۇرسۇلتان ءابىش ۇلى نازاربايەۆتىڭ سىنىپتاسى، ءارى دوسى، قاراساي اۋداندىق ارداگەرلەر كەڭەسىنىڭ ءتوراعاسى - ەدىگە يساتايۇلىمەن الماتى قالاسى اكىمدىگىنىڭ قولداۋىمەن، پەداگوگيكالىق عىلىمدار اكادەمياسىمەن بىرگە ءال-فارابي اتىنداعى قازاق ۇلتتىق ۋنيۆەرسيتەتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ستۋدەنتتەرى، № 146 مەكتەپ-ليسەيىنىڭ 8-11 سىنىپ وقۋشىلارىمەن 30.11.2020 كۇنى، ساعات 11:00-دە ونلاين-كەزدەسۋ ءوتتى.

كەزدەسۋ بارىسىندا ەدىگە اتامىز ەلباسىمەن باستان كەشكەن ەستەلىكتەرىمەن، ونىڭ جاستايىنان قانداي ەر ازامات بولعانىمەن ءبولىستى. 
ەدىگە جۇنىسبەكوۆ، ەلباسىنىڭ سىنىپتاس، دوسى:

ەلباسىمىز ەلىمىزدىڭ تاۋەلسىزدىگىن قالىپتاستىرۋدا ەڭبەگى وتە زور. ەلىمىزدىڭ قامىن ويلايتىن ادام. ءارقاشان:" ەلىم ءۇشىن، جەرىم ءۇشىن، ەلىمىز امان، جۇرتىمىز ساۋ بولسىن" - دەپ، بولاشاقتى، جاستاردىڭ كەلەشەگىن ويلاپ جۇرەتىن ادام. 

ەدىگە اتامىز ەلباسىنىڭ جاس كەزىن: 

"بولام دەگەن بالاعا جاستايىنان بەرەدى،- دەمەكشى، نۇرسۇلتان مەكتەپ كەزىنەن باستاپ العىر جانە وزات بولدى. ول جاستايىنان ادامدارمەن ءتىل تابىسقىش، اقىلدى، تارتىمدى جىگىت بولاتىن. وتە كوپ ەڭبەكتەنىپ، كوپ وقيتىن ەدى."- دەپ ەسكە الادى.
ەدىگە اتامىز جىل سايىن سىنىپتاستار بولىپ كەزدەسىپ، شۇيىركەلەسىپ اڭگىمە-دۇكەن قۇراتىندارىن ايتتى.
كەزدەسۋ اراسىندا وقىتۋشىلار،ستۋدەنتتەر مەن وقۋشىلار وزدەرىن قىزىقتىرعان سۇراقتارىن قويىپ، قاجەت جاۋاپتارىن الىپ وتىردى. كەزدەسۋ سوڭىندا، ولار ەدىگە اتاعا كەزدەسۋگە قاتىسىپ، ىستىق لەبىزدى تىلەكتەرىن ايتتى جانە سۇراقتارىنا جاۋاپ بەرگەنى ءۇشىن العىسىن ايتىپ، باتاسىن الدى.

ءال-فارابي اتىنداعى قازاق ۇلتتىق ۋنيۆەرسيتەتىنىڭ 3-كۋرس ستۋدەنتى ماراتوۆا اليا.

---