InfoHub Logo

الماتى قالاسى №151 ءجببم-تىڭ
قازاق ءتىلى ءپانى ءمۇعالىمى ايتمۇقان اينۋر ەرمۋحامبەت قىزى

ءبىز كىمبىز؟! ءبىز – بىرلىگى جاراسقان ەلمىز. كوگىمىزدە كوك تۋىمىز جەلبىرەگەن ەلمىز. ۇشقان قۇستىڭ قاناتى، جورتقان اڭنىڭ تۇياعى توزاتىن،  قاراساڭ كوزىڭ تالاتىن ۇشى-قيىرى جوق  ۇلان-عايىر جەرى بار باقىتتى ەلمىز. تاسقا قاشالىپ جازىلعان تاريحى بار ەلمىز. توسىندە 130-دان استام ۇلت وكىلدەرى ءتاتۋ-تاتتى، باياشاتتى عۇمىر كەشىپ جاتقان ەلمىز. ءبىز – باقىتتى ەلدىڭ باقىتتى ۇرپاقتارىمىز.

تالاي عاسىردان بەرى وسىناۋ قازاق جەرىن قانشاما ۇلت وكىلدەرى مەكەندەپ كەلە جاتىر. قايماعى بۇزىلماعان ءتاتۋ-تاتتى بەرەكەسىمەن ءبىر شاڭىراق استىندا ىنتىماقتاسا كۇن كەشىپ جاتىر. سولاردىڭ ءبىر دالەلى رەتىندە №151 جالپى ءبىلىم بەرەتىن مەكتەپتى ايتۋعا بولادى. قازىرگى تاڭدا ءبىلىم وشاعىندا 1872 وقۋشى ءبىلىم الۋدا. سولاردىڭ ىشىندە قازاق، دۇنگەن، ۇيعىر، ورىس، كارىس، وزبەك، قىرعىز سىندى 16 ۇلت پەن ۇلىستاردىڭ  بالالارى ءبىلىم نارىمەن سۋسىنداۋدا. مەكتەپ ۇجىمىندا دا ءارتۇرلى ۇلت وكىلدەرى مىزعىماس تاتۋلىقپەن بىرگە قىزمەت ىستەۋدە. ايتا كەتەرلىگى، ءبارى ءبىر جاعادان باس، ءبىر جەڭنەن قول شىعارىپ «ءبارىمىز – ءبىرىمىز ءۇشىن، ءبىرىمىز – ءبارىمىز ءۇشىن» دەپ بىلەك سىبانا جۇمىس اتقارۋدا. بۇل دا بولسا، بىرلىگىمىزدىڭ بەلگىسى.

ءقازىر وقۋشىلارىمىز ەلىمىزدە بولىپ جاتقان توتەنشە جاعدايعا بايلانىستى قاشىقتىقتان وقىپ جاتىر. بۇل ارينە وقۋشىلارىمىزدىڭ باعدارلامانى يگەرۋىنە ەش كەدەرگى كەلتىرىپ جاتقان جوق. ءبىلىمدى دە، بىلىكتى ۇستازدارىمىز بالالاردى قاشىقتىقتان وقىتۋدا. «1-مامىر – قازاقستان حالىقتارىنىڭ بىرلىگى كۇنى» اياسىندا ونلاين تۇردە «بىرلىك ءتۇبى تىرلىك» سۋرەت بايقاۋى، «بىرلىگىمىز جاراسقان!» ءان بايقاۋى، «ءبىز بىرگەمىز!»سىندى ولەڭ بايقاۋى ءوتتى.

وتكەن جىلى عانا مەكتەبىمىزدە بالالار اسسامبلەياسىنىڭ اشىلۋى بولىپ، سونىڭ اياسىندا «ءبىر شاڭىراق استىندا» اتتى ءىس-شارا وتكەن بولاتىن. وسى ءىس-شارا نەگىزىندە قاتىسۋشىلار قازاقستان ەلىندە تۇراتىن حالىقتارعا دەگەن ىستىق ىقىلاسى مەن شەكسىز ماحابباتىن كورسەتە ءبىلدى. مەكتەپ ديرەكتورى گۇلشات جاقسىلىقوۆنا ءوز سوزىندە: «2019 جىلى ءساۋىر ايىنىڭ 26-سى قازاقستان حالىقتارىنىڭ بالالار اسسامبلەياسى قۇرىلدى.  بۇل ااسامبلەيانىڭ نەگىزگى ماقساتى: بالالاردىڭ پاتريوتتىق سەزىمىن وياتۋ، ۇلتتاردىڭ جان-جاقتى مادەني دامۋىن، سونىمەن قاتار باسقا ۇلتتاردىڭ قازاقستان مادەنيەتتانۋى مەن ءار ۇلت وكىلدەرىنىڭ بىرلىگى» ەكەنىن باسا ايتتى. ءىس-شارانى قولداۋ ماقساتىندا كوپتەگەن ۇلتتىق مادەني ورتالىق ءتوراعالارى كەلدى. اتاپ وتەر بولساق، «قالالىق ادىستەمەلىك كابينەتى» لابوراتورياسىنىڭ ادىسكەرى – س.ر. كاپالبەكوۆا، «اۋعان ورتالىعى «اريانانىڭ» ءتوراعاسى ۆ.احمادۋللا، «دۇنگەن مادەني ورتالىعى «ششينسىن»ءتوراعانىڭ ورىنباسارى ر.ز.سۋلتانوۆا، «قىرىم تاتارلارىنىڭ مادەني ورتالىعىنىڭ» ارداگەرلەر كەنەسىنىڭ ءتوراعاسى ي.ا.لوحمانوۆ، «دۇنگەن مادەني ورتالىعىنىڭ انالار كەنەسىنىڭ ءتوراعاسى ف.م.ابدۋللينا  جانە دە تاعى دا باسقا  قوناقتار كەلدى. ءىس-شارا جوعارى دەڭگەيدە ءوتتى.

«بەرەكە باستاۋى بىرلىك،ەل ءىشى تاتۋ تىرلىك» قاعيداسىن ۇستانعان ەل ءۇشىن،ءبىز ءۇشىن بۇل مەيرامنىڭ ورنى بولەك. ەلىمىزدەگى ەڭ جارقىن جانە مەرەيلى مەيرامداردىڭ ءبىرى. بىرلىگىمىز جاراسىپ، ەلىمىز  تىنىش بولىپ،ۇلت دەمەي،تەك قانا تاتۋلىقتا،بەيبىت زاماندا كۇن كەشەيىك.                        

---