1 مامىر قازاقستان حالقىنىڭ بىرلىگى كۇنىنە ارنالعان قۇتتىقتاۋ، تىلەكتەر
"بىرلىك بار جەردە — تىرلىك بار" دەيدى ءبىزدىڭ حالىق. دانا جۇرت مۇنى تەگىننەن-تەگىن ايتا سالماسا كەرەك. اۋىزبىرلىك پەن تۇسىنىستىك، قاراپايىم سىيلاستىق ۇستەمدىك قۇرعان جەرلەرگە قاشاندا ناتيجەلى ىستەردىڭ ءۇيىر بولاتىنى بەلگىلى. ءبىزدىڭ ەلىمىزدە قالىپتاسقان ۇلتتار تۇتاستىعى مەن حالىقتار دوستىعىنىڭ ارقاسىندا بۇگىندە مەملەكەتىمىز وركەندەپ، ىلگەرى باسىپ كەلەدى.
ءبىزدىڭ مەملەكەتىمىزدىڭ باستى جەتىستىگى ەلىمىزدىڭ حالىقتارىنىڭ ۇلتارالىق جانە كونفەسسياارالىق كەلىسىمى، ءوزارا تۇسىنىستىگى مەن سىيلاستىعى بولىپ تابىلادى.
قازاقستاندا، ونىڭ ەلورداسى نۇر-سۇلتاندا دوستىق پەن بىرلىكتى نىعايتۋ ءسوز جۇزىندە قالماي كۇندەلىكتى ىس-ارەكەتىمىزدە باسشىلىققا الىنعان. بۇگىنگى كۇن كوپۇلتتى مەملەكەتىمىزدى مەكەندەيتىن حالىقتار دوستىعىنىڭ، بىرلىگىنىڭ جانە بەيبىتشىلىكتىڭ سيمۆولى بولسىن.
*** *** *** ***
قازاقستاننىڭ كوپۇلتتى حالىقتارى اراسىنداعى بىرلىك پەن ىنتىماقتاستىعى نىعايا بەرسىن! قازاقستاننىڭ كوپۇلتتى حالقىنىڭ تاتۋلىعى، ىنتىماقتاستىعى، بەيبىتشىلىگى ءبىزدىڭ ەلىمىزدىڭ ەڭ باستى بايلىعى. ونى كوزدىڭ قاراشىعىنداي ساقتاۋعا تىرىسايىق. بەرەكە-بىرلىگىمىز ارتا بەرسىن، اعايىن!
*** *** *** ***
قازاق قاشاننان دا باۋىرمال حالىق قوي. ءار كەزەڭدەردە ەلىمىزدەن پانا ىزدەپ كەلگەن "جات جۇرتتاردىڭ" ءبارىن باۋىرىنا باسىپ، تورىنەن ورىن بەرىپ، قانداي قيىن كەزەڭدەردىڭ وزىندە ءبىر ءۇزىم ناندى ءبولىپ جەدى. ءسويتىپ، قايماعى بۇزىلماعان قازاق جەرى كوپۇلتتى مەملەكەت بولىپ شىعا كەلدى. بۇگىن ەلىمىزدە 136 ۇلت پەن ۇلىستىڭ وكىلدەرى ءبىر تۋدىڭ استىندا ءتاتۋ-تاتتى عۇمىر كەشىپ جاتىر. بارلىعىمىز تۋعان جەردىڭ توسىندە، قۇشاعىن جايعان بەيبىت ەلدىڭ ىشىندە ەل بىرلىگىن ساقتاۋعا اتسالىسايىق!
*** *** *** ***
1 مامىر — قازاقستان حالىقتارىنىڭ بىرلىگى مەرەكەسىمەن شىن جۇرەكتەن قۇتتىقتايمىز!
ءبىر شاڭىراقتىڭ استىنداعى حالقىمىزدىڭ دوستىعى مەن ءوزارا تۇسىنىستىگى ودان ءارى جالعاسىپ، ەلىمىزدەگى ۇلتارالىق تاتۋلىق ءاردايىم بەرىك بولىپ، قاشان دا ىنتىماق، بىرلىك ماڭگى جاساي بەرسىن!
*** *** *** ***
قازاقستان حالقىنىڭ بىرلىگى كۇنى مەرەكەسى بۇگىنگى تاڭدا بەيبىت ءومىر مەن ىنتىماققا تۇرمىس كەشىپ وتىرعان ەل تۇرعىندارى ءۇشىن ىستىق ىقىلاس پەن دوستىق نيەتتىڭ ءداستۇرى، اسىعا كۇتەر مەيرامى.
بۇل كۇن — ءاربىر قازاقستاندىق ءۇشىن وتانعا دەگەن سۇيىسپەنشىلىك پەن پاتريوتتىق سەزىمنىڭ، ازاماتتىق بورىش پەن جالپى ۇلتتىق كەلىسىمنىڭ مەرەكەسى.
حالىق بىرلىگى مەرەكەسى كۇنى ەل ازاماتتارى ۇلت پەن ۇلىستىڭ وتكەن كەزەڭدەگى تاريحى مەن ونىڭ ساباقتارىن دارىپتەپ، الەمدىك قاۋىمداستىق تاراپىنان جوعارى باعالانعان قازاقستاندىق تاتۋلىق پەن كەلىسىمدى پاش ەتەدى.
ەلىمىزدىڭ باستى قورعاۋشى كۇشى — قوعامدىق كەلىسىم مەن ەتنوسارالىق ۇيلەسىمدى — ساقتاۋ قازاق ەلىنىڭ الدىندا تۇرعان باستى مىندەت.
قوعامدىق كەلىسىم مەن ساياسي تۇراقتىلىق — ءبىزدىڭ ەڭ ماڭىزدى بايلىعىمىز! بۇل جەتىستىكتى باعالاۋ، ونى ساقتاۋ جولىندا ايانباي ەڭبەك ەتۋ ءاربىر قازاقستان ازاماتىنىڭ مىندەتى بولىپ تابىلادى.
*** *** *** ***
ەلىمىزدىڭ بارشا تۇرعىندارىن قازاقستان حالقىنىڭ دوستىعى جانە بىرلىگى كۇنىمەن شىن جۇرەكتەن قۇتتىقتايمىز! بارشالارىڭىزعا، ءار وتباسىنا، ءار قازاقستاندىققا شىنايى كوڭىلمەن باقىت-بەرەكە تىلەيمىز. ەلىمىز امان، جۇرتىمىز تىنىش بولسىن! قازاقستان حالقى وركەن جايىپ، مەملەكەتىمىز — مولشىلىققا، ال ءاربىر شاڭىراق باقىت پەن شاتتىققا كەنەلسىن!
*** *** *** ***
ءبىز — قازاقستاندىقتارمىز! ءبىز ورتاق ەڭبەگىمىزبەن، بىرلەسكەن ىزدەنىسىمىزبەن، توپتاسقان بولمىسىمىزبەن ورتاق ءۇيىمىز — قازاقستان رەسپۋبليكاسىن كۇن ساناپ تۇلەتىپ، كۇن ساناپ وركەندەتە تۇسۋدەمىز. ءبىز ەلىمىزبەن بىرگە ەسەيىپ كەلەمىز.
قازاقستان حالىقتارىنىڭ بىرلىگى مەرەكەسى قۇتتى بولسىن اعايىن!
*** *** *** ***
قازىرگى تاڭداعى بەيبىت تىرلىگىمىز ۇزاعىنان بولعاي. ەڭ باستىسى — كوپ ۇلت مەكەن ەتكەن قازاق جەرىنىڭ كيەلى توپىراعى، قويناۋىنداعى قازىناسى قۇندىلىعىن ايقارا اشقان ءاربىر ءسابيدىڭ بويىندا «تۋعان جەر — وتانىم» دەگەن قاسيەتتى ۇران انا سۇتىمەن بويىنا تارالىپ، اكە ۇنىمەن قايراتتانىپ، ءبىلىم نارىمەن تولىسىپ جاتسا، جەر، ەل ءقادىرىن باعالاۋ ويى مەن ساناسىنىڭ تورىنەن ورىن الىپ، ار-نامىسىنىڭ الدىندا جاۋاپتى بولىپ، ەر جەتىپ جاتسا، كوپ ۇلتتى جەرىمىز، كوپ سالالى، كوپ تىلەۋلى كوپشىلىكتىڭ ءبىرتۇتاس ماقساتى مەن ارمانىن ناعىز جۇزەگە اسىراتىن ءبىر عانا ارنالى «بەيبىت الەمى» كاۋسار بۇلاعى بولارى انىق.
*** *** *** ***
1 مامىر بىرلىك كۇنى دەپ، ىنتىماق كۇنى دەپ مەرەكەلەيمىز. ءبىزدىڭ مەملەكەتىمىزدىڭ ءاربىر بۇرىش-بۇرىشىندا بۇل مەرەكە كۇندەلىكتى تويلانىپ جاتادى. سەبەبى، ەلىمىزدە ەڭ باستىسى — ۇلتقا ءبولىپ ەمەس، ادام دەپ سىيلاۋ، بارلىق ۇلتتىڭ قۇقىقتارىنىڭ بىردەي بولۋى جانە قانداي باستاما، ىزگى ءىس بولسىن باستالۋىنا قولداۋ جاسالىپ جاتقاندىعى، ۇلتىنا قاراپ ەمەس، ىسكەرلىگىنە قاراي باعالانىپ جاتىر. تۋعان جەردىڭ توسىندە، قۇشاعىن جايعان بەيبىت ەلدىڭ ىشىندە ءارقايسىمىز ءوز ۇلەسىمىزدى ەل بىرلىگىنىڭ ساقتالۋىنا، بەيبىت تە مازمۇندى ءومىر كەشۋىمىزگە اتسالىسايىق.
*** *** *** ***
ەل باسىنا كۇن تۋعان قيلى زامانداردا دا حالقىمىزدى ۇلت رەتىندە ساقتاپ قالعان ىنتىماعى مەن بىرلىگى. جاۋگەرشىلىك زاماندا باسى اۋعان جاققا كوشىپ ءجۇرىپ تە بەرەكەسى مەن قازانىن ورتايتپاعان قاسيەتتى قاناعاتشىل اعاش بەسىك پەن جەر بەسىك اراسىنداعى بىرەۋگە ۇزاق، بىرەۋگە شولاق ءومىر جولدارىندا بىرەۋدى وزەككە تەپپەي، وزگەنىڭ قىزىلىنا قىزىقپاي، ۇتىمدى ىسپەن، ورامدى ويمەن، تەرەڭ كەمەڭگەرلىكپەن، ەشقاشاندا تارىلماعان كەڭدىگىمەن ەلىمىزدىڭ تامىرىن جازا، بۇتاعىن جايقالتىپ، قۇشاعىن كەڭەيتىپ كەلەدى. دوستىق پەن ىنتىماق بار جەردە بەرەكە مەن ىرىس بولارى ايدان انىق.
*** *** *** ***
رەسپۋبليكامىزدا تۇراتىن ءتۇرلى ۇلت وكىلدەرىن بىرلىك مەرەكەسىمەن قۇتتىقتايمىز! ەڭ باستىسى، ۇلتارالىق تاتۋلىق ارقاسىندا بۇگىندە ەل تىنىش، جۇرت امان. وسى بەرەكەمىز بۇزىلماعاي. قازاقستاندا تۇراتىن بارشا ۇلت اراسىنداعى اينىماس دوستىققا سىزات تۇسپەسە ەكەن دەپ تىلەيمىز.
*** *** *** ***
قۇرمەتتى ...............!
ءسىزدى 1 مامىر — قازاقستان حالىقتارىنىڭ بىرلىگى مەرەكەسىمەن شىن جۇرەكتەن قۇتتىقتايمىز!
تۋعان وتانىمىز — قازاقستاندى گۇلدەندىرىپ، تۇراقتىلىق پەن بەيبىتشىلىك مەكەنىنە اينالدىرۋ ءۇشىن سىزگە جانە ۇجىمىڭىزعا زور دەنساۋلىق، تاۋسىلماس كۇش-قۋات، مول باقىت، ەڭبەگىڭىزگە جەمىس، ۇزاق عۇمىر، شاڭىراقتارىڭىزعا شاتتىق، قۇت-بەرەكە تىلەيمىز.
ءبىر شاڭىراق استىنداعى حالقىمىزدىڭ ىنتىماقتاستىعى مەن ءوزارا اۋىزبىرلىگىمىز نىعايا ءتۇسىپ، رەسپۋبليكامىزداعى ۇلتارالىق تاتۋلىق ءاردايىم بەرىك بولىپ، دوستىق، بىرلىك ماڭگى جاساي بەرسىن!
*** *** *** ***
سىزدەردى تاتۋلىق پەن كەلىسىمنىڭ نۇرىنا مالىنعان 1 مامىر — قازاقستان حالىقتارىنىڭ بىرلىگى مەرەكەسىمەن شىن جۇرەكتەن قۇتتىقتايمىن. تاۋەلسىزدىگىمىزدىڭ داڭعىل بولاشاعىنا تۇسكەن مەملەكەتىمىزدىڭ ەكونوميكاسى قارقىندى دامۋ ۇستىندە. ءبىزدىڭ ەڭ باستى قۇندىلىعىمىز-تاۋەلسىزدىك دەپ ەلباسىمىز ۇلىقتاعانداي سول قۇندىلىقتى قاستەرلەۋ بارشامىزدىڭ قاسيەتتى پارىزىمىز. تاۋەلسىزدىگىمىزدىڭ 29 جىلدىعىنا العان اسۋلارىمىز بەن جەتكەن جەتىستىكتەرىمىزدە ەلىمىزدە ءومىر ءسۇرۋشى بارشا ۇلت وكىلدەرىنىڭ ەنشىسى بار. وسىنداي مول تابىستارعا قول جەتكىزۋدە اۋدان جۇرتشىلىعىنىڭ دا وزىندىك ۇلەسى بار. سەبەبى وسىنداعى بارلىق ۇلتتاردىڭ تاتۋلىق پەن كەلىسىمدە ءومىر ءسۇرۋىنىڭ ارقاسىندا بارشامىز الاڭسىز ءومىر ءسۇرىپ، ءبىلىم الىپ، ەڭبەك ەتۋدەمىز. بۇل ايتۋلى مەرەكەنى كوتەرىڭكى كوڭىل-كۇيمەن قارسى الۋعا تولىق نەگىزى بار. ەلىمىزدىڭ وركەندەۋىمەن بىرگە اۋدان ەكونوميكاسى دا ىلگەرىلەۋ ۇستىندە. بەيبىتشىلىك پەن تاتۋلىقتىڭ ارقاسىندا ءبىزدى بولاشاقتا بۇدان دا جارقىن، باياندى كۇندەر كۇتىپ تۇرعانىنا سەندىرگىم كەلەدى. ايتۋلى مەرەكەمەن شىن جۇرەكتەن قۇتتىقتاي وتىرىپ، بارشاڭىزعا زور دەنساۋلىق، وتباسىلارىڭىزعا قۇت-بەرەكە، باقىت تىلەيمىن.
*** *** *** ***
«ءدىنى باسقا، ءتىلى باسقا، تىلەگى ءبىر» ءبىر شاڭىراق استىندا جينالعان ۇلت پەن ۇلىس وكىلدەرىنىڭ ىنتىماعى — ىرىسى، بايلىعى — بەرەكەسى بولىپ، تاتۋلىعى جاراسقان ءبىزدىڭ ەلدە ءومىر ءسۇرىپ جاتقانى جۇرەكتەرگە سەنىم، كوڭىلدەرگە قۋانىش ۇيالاتادى.
*** *** *** ***
سىزدەردى 1 مامىر — قازاقستان حالقىنىڭ بىرلىگى كۇنىمەن شىن ءجۇرەكتەن قۇتتىقتايمىن!
شاپاعات پەن شاتتىقتىڭ مەرەكەسى ەلىءمىزگە قۇت، كوڭىلدەرگە قۋانىش سىيلاسىن! دەندەرىڭىزگە ساۋلىق، وتباسىلارىڭىزعا ىرىس پەن ىنتىماق تىلەيمىن.
You Might Also Like
-
ناسىلدەرگە ءناسىل بولسىن نۇرلى كۇن، ىنتىماقتىڭ شەرتسەم دەيمىن ءبىر جىرىن، تاتۋلىعىن جىرعا قوسام ۇلتتاردىڭ ماقتان قىلىپ ۇلىستاردىڭ بىرلىگىن.
-
بيىل پيلوتتىق نەگىزدە ۇلتتىق ءبىرىڭعاي تەستىلەۋ اۋديتوريالارىنان ونلاين-ترانسلياسيا جۇرگىزىلەتىن بولادى. بۇل تۋرالى «ANTIKOR» ورتالىعى الاڭىندا وتكەن ونلاين-ديالوگ بارىسىندا ق ر ءبىلىم جانە...
