InfoHub Logo

بيىل پيلوتتىق نەگىزدە ۇلتتىق ءبىرىڭعاي تەستىلەۋ اۋديتوريالارىنان ونلاين-ترانسلياسيا جۇرگىزىلەتىن بولادى. بۇل تۋرالى «ANTIKOR» ورتالىعى الاڭىندا وتكەن ونلاين-ديالوگ بارىسىندا ق ر ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ ايتتى.

ناقتىراق ايتقاندا، «Adal Kómek» جوباسى اياسىندا ق ر ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ اكادەميالىق ادىلدىكتى نىعايتۋ جانە ۇبت كەزىندە قوعامدىق باقىلاۋدى كۇشەيتۋ ماقساتىندا ونلاين-ديالوگقا قاتىستى. ءمالىم ەتىلگەندەي، بيىل ۇبت ماۋسىم ايىنىڭ سوڭى مەن 5 شىلدە ارالىعىندا وتەدى. بيىل شامامەن 120 مىڭ تۇلەك جانە ورتا ارناۋلى ءبىلىمى بار 15–20 مىڭ ازامات ۇبت تاپسىرادى.

قازىرگى ۇلتتىق تەستىلەۋ ورتالىعى قۇجاتتاردى قابىلداۋ جۇمىستارىن اتقارۋدا. بيىل العاش رەت ۇبت-عا قاتىسۋعا وتىنىشتەر Ent2020.testcenter.kz سايتىندا (10 مامىرعا دەيىن) ونلاين رەجيمدە قابىلدانادى. ءبىلىم جانە عىلىم مينيسترلىگى ۇبت-نى ءداستۇرلى فورماتتا قاعاز تۇرىندە وتكىزۋدى جوسپارلاپ وتىر.

ديدار سماعۇلوۆتىڭ ايتۋىنشا، كورونوۆيرۋستىڭ تارالۋىنا بايلانىستى قوسىمشا سانيتارلىق شەكتەۋ شارالارى قابىلدانادى. مىسالى، ەگەر بۇرىن اۋديتوريالاردا 150-گە جۋىق ادام بولسا، ءقازىر ولار الدەقايدا از بولماق. ولاردىڭ اراسىنداعى قاشىقتىق ۇزارتىلىپ، جەكە قورعانىس قۇرالدارىن (ماسكالار، قولعاپتار، انتيسەپتيكتەر) پايدالانۋ مىندەتتەلەدى. بۇل شارالار ءبىلىم الۋشىلاردىڭ قاۋىپسىزدىگى ءۇشىن ق ر دەنساۋلىق ساقتاۋ مينيسترلىگىمەن بىرلەسىپ قابىلدانعان.

«ۇبت-عا دايىنداۋ ءۇشىن Ent2020.testcenter.kz سايتى ءار ءپان بويىنشا تەگىن تەستىلەۋدىڭ 70 نۇسقاسىن ورنالاستىردى. ورتالىقتىڭ باستاماسىمەن سىبايلاس جەمقورلىققا قارسى ءىس-قيمىل اگەنتتىگى ارنايى مونيتورينگ توبىنىڭ مۇشەلەرىمەن بىرلەسە وتىرىپ، ءبىلىم بەرۋ ۇيىمدارىنىڭ تەستىلەۋگە دايىندىعى مەن ونى وتكىزۋدەگى قىزمەتىن باقىلاۋ، سونداي-اق ۇيالى تەلەفوندارمەن كىرۋدى بولدىرماۋ ماقساتىندا وتكەن جىلدان باستاپ باقىلاۋ جۇرگىزەدى»، — دەلىنگەن سىبايلاس جەمقورلىققا قارسى ءىس-قيمىل اگەنتتىگى نۇر-سۇلتان قالاسى بويىنشا دەپارتامەنتى پاراساتتىلىق باسقارماسى تاراتقان باسپا ءسوز بايانىندا.

سونىمەن قاتار سپيكەر تەستىلەۋ وتەتىن بارلىق اۋديتوريادان ونلاين ترانسلياسيا جۇرگىزۋ پيلوتتىق جوباسى تۋرالى ايتتى. وسىلايشا، كەز كەلگەن ادام پروسەستى باقىلاپ، تەستىلەۋ كەزىندە ەرەجە بۇزۋ فاكتىلەرىن باقىلاي الادى. ال انىقتالعان جاعدايدا ورتالىققا حابارلاۋعا بولادى. بۇل جۇيە اۆتوماتتى رەجيمدە سمارتفونداردى پايدالانۋ فاكتىلەرىن انىقتايدى.

---