InfoHub Logo

2017 جىلدان باستاپ ۇلتتىق ءبىرىڭعاي تەستىلەۋ مەكتەپتىك جانە جوو بولىپ ەكىگە بولىنەدى. بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم  ەتتى.

«ۇلتتىق ءبىرىڭعاي تەستىلەۋدى بيىل 2 مارتە تاپسىرۋعا بولادى. ەشبىر مەملەكەتتە مۇنشالىقتى جوعارى الەۋمەتتىك باعاعا يە ەمتيحان جوق شىعار. سوندىقتان، ءبىز ۇبت-نى قايتا تاپسىرۋ الەمۋەتتىك كۇيزەلىستى باسۋعا مۇمكىندىك بەرەدى. ەكىنشىدەن، كوللەدجدەر تۇلەكتەرى دە ۇبت-نى قايتا تاپسىرا الادى. ءقازىر ونى شىلدە-تامىزدا تاپسىرىپ ءجۇر، ەندى ءبىز ولارعا ونى كەلەسى جىلدىڭ قاڭتارىندا - 2017 جىلى قايتا تاپسىرۋعا مۇمكىندىك بەرەمىز»، - دەدى مينيستر. ونىڭ ايتۋىنشا، كوللەدج تۇلەگى شارتتى تۇردە جوعارى وقۋ ورنىنا قابىلدانۋعا قۇقىلى بولادى.

«ءقازىر ءبىز وسىنداي ەرەجەلەردى دايىنداپ جاتىرمىز جانە جوو اياسىندا قاڭتارعا ارنالعان كەشەندى تەستىلەۋ ازىرلەنۋدە. ەگەر ول وسى كەشەندى تەستىلەۋدەن وتسە، سايكەسىنشە ونىڭ قىركۇيەكتەن باستاپ قاڭتارعا دەيىن وتكەن كرەديتتەرى، وعان ەسەپتەلىپ، بىلايشا ايتقاندا ول ءبىرىنشى كۋرستىڭ ورتاسىنا تۇسەدى، جانە مۇنى ءبىز ادىلەتتى دەپ ەسەپتەيمىز»، - دەدى ە. ساعادييەۆ.

مينيستر سونداي-اق كەلەسى جىلدان باستاپ ۇلتتىق ءبىرىڭعاي تەستىلەۋدى ەكىگە ءبولۋ جوسپارلانعانىن اتاپ ءوتتى. «مەكتەپ ءبىتىرۋ ەمتيحاندارى مەكتەپكە ورالادى، ال ۇبت SIT (ينتەگراسيالىق تەستتەر (System Integration Test) قاراي اۋىسادى. بۇل ادىلەتتى، سەبەبى جوو-لارى تۇلەكتىڭ زياتكەرلىك دەڭگەيى مەن جوو باعدارلاماسىن مەڭگەرۋ الەۋەتىن ءبىلۋى قاجەت. ال SIT  مۇنى انىقتاي الادى. سول سەبەپتى ءبىز ءۇبت-نىڭ جاڭا باعدارلاماسىن ازىرلەپ جاتىرمىز. ونى ەنگىزگەن سوڭ بارلىعى، وليمپيادا جۇلدەگەرلەرى، نازاربايەۆ زياتكەرلىك مەكتەپتەرىنىڭ تۇلەكتەرى - ءبارى وسى ەمتيحاندى تاپسىرادى. العاش رەت ونى تەگىن تاپسىرۋ جوسپارلانۋدا. سوسىن ونى بىرنەشە ەرت قايتا تاپسىرۋعا بولادى. كەزەڭ-كەزەڭمەن ەىدۇ ستاندارتتارىنا كوشەمىز. مۇنى كەلەسى جىلدان باستاپ ەنگىزەمىز»، - دەدى ۆەدومستۆو باسشىسى.

---