InfoHub Logo

اتىراۋ قالاسى
№4 وبلىستىق شيپاجايلى مەكتەپ-ينتەرناتىنىڭ
6 "ا" سىنىپ وقۋشىسى: يرساينوۆا ايجان  ەرلان قىزى
تەحنولوگيا ءپانىنىڭ ءمۇعالىمى
جەتەكشىسى: رىسقالييەۆا ايگۇل باعىتجان قىزى

 

 

نوميناسياسى: ماتادان جاسالعان جۇمىس.

بۇيىمنىڭ اتالۋى: ىدىس استىنا توسەنىش.

بايقاۋ جۇمىسىنىڭ جاسالعان ۋاقىتى: 5 - كۇن.

                

ماقساتى: وسكەلەڭ ۇرپاقتىڭ جەكە شىعارماشىلىعىن دامىتا وتىرىپ، قازاقي ناقىشقا باۋلۋ، ۇلتتىق قولونەر قۇندىلىعىن ۇعىندىرا وتىرىپ، سۇيىسپەنشىلىك پەن پاتريوتتىلىققا تاربيەلەۋگە جول اشۋ ارقىلى بابالار مۇراسىن ناسيحاتتاۋ.

قاۋىپسىزدىك ەرەجەسى:  جۇمىسقا كىرىسپەس بۇرىن، وقۋشى مەن جەتەكشىنىڭ فورماسىن كيۋى، ياعني، شاشىن ءورىپ باس كيىم كيۋ، الجاپقىش تاعۋ، قۇرال-جابدىقتارىن سايلاپ رەتتەستىرۋى؛

قايشىمەن دۇرىس جۇمىس، ينەنى مۇقيات تياناقتى ۇستاۋ، ءىس ماشيناسىمەن ەركىن، قالىپتى جۇمىس جاساۋ، جەلىم، قاعازداردى ۇنەمدى جانە ۇقىپتى پايدالانۋ؛

قولدانىلعان شيكى زات پەن قۇرال-جابدىقتار: №40 ماشينا شارعى ءجىبى، پۆح جەلىمى، قاتتى قاتىرما قاعاز، قالام، قايشى جانە ماتالار بارقىت جانە ءبوز، جىبەك لەنتاسى؛

 

ورىندالعان جۇمىستىڭ ماتىندىك سيپاتى:

جۇمىسقا كىرىسۋ ىس-ارەكەتى:

1. جۇمىسقا كەرەكتى قۇرال-جابدىقتاردى سايلاپ الۋ.

2. بارقىت ماتا مەن ءبوز ماتانى 3 ءتۇرلى كولەمدە ولمەش ءتۇسىرىپ دوڭگەلەك قالىپقا ساي قيىپ الدىم. مەيلىنشە بۇيىمنىڭ بەتكى بەدەرىن ايشىقتاپ ءساندى كورسەتۋ ماقساتىندا التىن تۇستەس ماتاعا قازاقتىڭ ۇلتتىق ويۋ-ورنەگى – قوشقار ءمۇيىزدىڭ شەكسىزدىككە ۇلاسقان كومپازيسيالىق سۋرەتىمەن قاعازدى 3 بۇكتەۋ ارقىلى قيىلىپ الىنىپ، التىن تۇستەس ماتاعا ىشكى بولىگى جاعىنان قالام ارقىلى باستىرىلدى. باستىرىلعان كومپازيسيالىق ورنەكتى لەزدە قايشىمەن قيىپ الۋعا جۇمىستاندىم.

3. قيىلعان بەدەردى بارقىت ماتەريالىمىزدىڭ ۇستىنە ءتورت قۇلاعىن تەڭ ورنالاستىرا وتىرىپ، قول ينەمەن كوكتەپ، تىگىن ماشيناسىمەن يرەك تىگىسى ارقىلى كوركەمدەپ تىگۋگە كىرىستىم.

4. بەدەر تۇسكەن بارقىت ماتانى ارتقى بولىگى ءبوز ماتامەن بەتتەستىرە وتىرىپ، جيەكتەمەسىنە ارنايى سايلانعان جىبەك لەنتاسىن سالىپ، تاعى دا قول ينەمەن كوكتەۋ ارقىلى ورنىقتىرىپ، ماشينا تىگىسىنە سالۋدى ءجون كوردىم. البەتتە، بۇل جولى دا يرەك تىگىسىن قولدانۋ ارقىلى تىگىس جۇرگىزدىم. ويتكەنى بۇيىمنىڭ جيەكتەمەسى ەرتەڭگى كۇنى سوگىلىپ جارامسىز بولىپ قالماس ءۇشىن. سونىمەن قاتار بۇل بۇيىمدى اشىق كوڭىلدى تۇستەردەن جاساپ جاتقانىمنىڭ سەبەبى ءار قىز-كەلىنشەكتىڭ اس بولمەسىنىڭ اجارىن اشىپ، ءسانىن كەلتىرىپ تۇرار – ساندىك بۇيىمى بولسىن دەگەن نيەتپەن. سوندىقتان ارنايى سورەدە ءىلىنىپ تۇرۋعا ارنالعان ىلمەشەگىن دە دايىنداپ ءوتتىم.

5. وسى رەتتەن ەش جاڭىلماستان باستاپقىدا كورسەتىلگەن 3 بولىكتەن تۇراتىن ۇلكەندى-كىشىلى قيىلعان دوڭگەلەك بارقىت ماتالارعا بەدەردى ورناتا وتىرىپ، تىگىن ماشيناسىمەن تىگىپ، ارتىنشا كولەمىنە بايلانىستى الىنعان ماتالاردى جيەكتەمە لەنتاسىن اراسىنا سالىپ، تىگىپ ءوتتىم. دايىن بولعان ىدىس استىنا توسەنىش بۇيىمى ياعني، قۇمان، شاينيك، اس تاباعىنىڭ استىنا سالىناتىن ءساندى بۇيىم دايىن بولدى.

قورىتىندى:

وقۋشى شىعارماشىلىعىن شىڭداۋ بۇل – ۇلتتىق قولونەرگە باۋلۋدان باستاۋ السا، ول بىزبەن ءسىزدىڭ جەتكەن ۇلكەن جەتىستىكتەرىمىز بولارى ءسوزسىز. سوندىقتان جاسالۋ جولى از ۋاقىت السىن مەيلى الماسىن سوندا دا ەڭبەكپەن جاسالعان وقۋشى قولتاڭباسى قالعان ءار بۇيىم كوزىنىڭ قاراشىعىنداي ساقتالىپ، بۇگىنگى ۇرپاقتان كەلەشەك ۇرپاققا جالعاسارى حاق. ۇلتىمىزدىڭ ماقتانىش مۇرالارى – قازاقتىڭ مادەنيەتى دەگىم كەلەدى.

---