InfoHub Logo

ۇستىمىزدەگى جىلى جوعارى وقۋ ورىندارىنا قۇجات تاپسىرۋ ەلەكتروندىق نۇسقادا بولادى. بۇعان قوسا، ءبىلىم گرانتتارىنا قاتىسۋ كونكۋرسى دا جەڭىلدەمەك. تولىقتاي قاعازباستىلىقتان ارىلىپ، سيفرلىق جۇيەگە كوشۋ 2019 جىلى جۇزەگە اساتىن بولادى. بۇل تۋرالى ق ر ءبىلىم جانە عىلىم  ۆيسە-مينيسترى اسحات ايتماعامبەتوۆ حابارلادى.

ۆيسە-مينيستردىڭ ايتۋىنشا، قازىرگى جاعداي قۇجاتتاردىڭ كوپتىگىنەن قولايسىزدىققا اكەلۋدە. اسىرەسە، قۇجاتتاردى ارحيۆتە ساقتاۋ مەن دوكۋمەنت تاپسىرۋ ءۇشىن كەزەككە تۇرۋ ىڭعايسىز بولىپ وتىر. وسى جاعدايلاردا كوپ جاۋاپكەرشىلىك قۇجات قابىلداۋشى تەحنيكالىق حاتشىلاردىڭ موينىنا ارتىلۋدا.

«جاقىن ۋاقىتتا بۇل جۇيە تولىقتاي سيفرلىق فورماتقا كوشەتىن بولادى. ءوتىنىش بەرۋشىلەر تۋرالى بارلىق مالىمەتتەردى مەملەكەتتىك ورگانداردىڭ ءتيىستى اقپاراتتىق جۇيەلەرىنەن الۋدى جوسپارلاپ وتىرمىز. وسىنىڭ ارقاسىندا تالاپكەرلەر ينتەرنەت ارقىلى الىس شالعايدان ءوتىنىش بەرە الماق. سونداي-اق ونلاين رەجيمدە ءبىرىڭعاي ۇلتتىق تەستىلەۋ جانە كەشەندى تەستىلەۋدەن وتۋگە بولادى. ناتيجەسىندە ۇبت-عا قاشىقتىقتان كىرۋ مەكتەپ كورسەتكىشىنىڭ تومەندەۋىنە جول بەرمەي، وقۋ ۇلگەرىمى تومەن وقۋشىلاردى سىناقتان وتكىزۋ بويىنشا ماسەلەنى شەشەدى»، — دەدى ا. ايتماعامبەتوۆ.

بۇدان وزگە، ۇبت-نى تاپسىرۋ جانە گرانتتار الۋ ءۇشىن ونلاين-تىركەۋدى ەنگىزۋ جۇيەسى ۋنيۆەرسيتەتتى وبەكتيۆتى تاڭداۋعا سەپتىگىن تيگىزەدى.
«مينيسترلىكتىڭ ۇبت قورىتىندىسى بويىنشا ايماقتارداعى كورسەتكىشتى باقىلاۋدى كەيىنگە قالدىرۋى ءالى بۇل ماسەلەنى شەشپەدى. وكىنىشكە وراي، بۇل پروسەسس قالا جانە اۋدان اكىمدىكتەرىنىڭ ستاتيستيكانىڭ سوڭىنان ءجۇرۋىن توقتاتپاي وتىر»، — دەدى ۆيسە-مينيستر.

ايتماعامبەتوۆتىڭ ايتۋىنشا، اتالعان ماسەلەنى شەشۋدىڭ باسقا دا جولدارى بار. ونىڭ بارلىعى تامىز ايىندا وتەتىن كونفەرەنسيادا تالقىلاناتىن بولادى. تاعى دا ايتا كەتەتىن جايت، بيىل ءبىلىم گرانتتارى 20 مىڭعا وسكەن.

«اعىمداعى جىلى گرانتتار سانى 20 مىڭعا ءوستى. باكالاۆرعا بولىنگەن گرانتتىڭ جالپى كولەمى 53،5 مىڭ ورىندى قۇرادى»، – دەدى ول.
ايتا كەتەيىك، ەلىمىزدە ءبىلىم گرانتتارىنا يە بولۋ كونكۋرستارى 16-26 شىلدە ارالىعىندا وتكەن بولاتىن. وعان ءوتىنىش بىلدىرگەن تالاپكەرلەردىڭ سانى 75،5 مىڭ. 2018-2019 وقۋ جىلىنا جوعارى ءبىلىمى بار مامانداردى دايارلاۋعا 53 594 گرانت ءبولىندى. ونىڭ 20 مىڭنان استامى مەملەكەت باسشىنىڭ تاپسىرماسىنا سايكەس تەحنيكالىق ماماندىقتارعا ۇلەستىرىلگەن.

ال، ماگيسترلەردى دايارلاۋعا 12 504 گرانت،  PhD دوكتورلارىنا 2 240 گرانت ارنالعان.

2018 جىلى قازاقستان مەكتەپتەرىندە 147 مىڭنان استام وقۋشى مەكتەپ ءبىتىرىپ، ونىڭ 102 مىڭى ۇبت تاپسىرۋعا باردى. بيىلعى ورتاشا بال 82،6 قۇرادى. تۇلەكتەردىڭ 85 پروسەنتتەن استامى شەكتى بالدى جيناعان.

---