InfoHub Logo

● ميعا پايداسى: حولين دارۋمەنى ميدىڭ ماڭىزدى قۇرىلىس ماتەريالى بولىپ تابىلادى. كۇنىنە 2 تاۋىق جۇمىرتقاسىن تۇتىنعاندا، اعزا قورەكتىك زاتتاردىڭ جەتكىلىكتى مولشەرىن الادى. ءحوليننىڭ جەتىسپەۋشىلىگى ەستە ساقتاۋ قابىلەتىنىڭ تومەندەۋىنە الىپ كەلەدى.

● كوزگە پايداسى: جۇمىرتقا ليۋتەيننىڭ كوپ مولشەرىن قامتيدى. بۇل زات كوزدىڭ ايقىن، ءارى وتكىر كورۋىنە جاۋاپتى.

● D دارۋمەنى: D دارۋمەنى كالسيدىڭ جاقسى سىڭۋىنە جانە ادامنىڭ سۇيەگى مەن تىستەرىن قاتايتۋعا كومەكتەسەدى.

● ۆ دارۋمەندەرى كەشەنى: بيوتين، ۆيتامين ۆ12، سونداي-اق قورەكتىك ءسىڭىمدى پروتەين شاشتى جانە تەرىنى نىعايتۋعا كومەكتەسەدى. 

● ارىقتاۋعا پايداسى: امەريكاندىق عالىمدار تومەنگى كالوريالى ديەتامەن، تاڭەرتەڭگى اسقا جۇمىرتقانى بىرگە قولدانۋ ازۋدى ەكى ەسە جىلدامداتاتىندىعى جونىندە قورىتىندىعا كەلدى. مۇنداي تاڭعى اس ۇزاق مەرزىمگە توقتىقتى ساقتايدى.

● قاتەرلى ىسىك ءقاۋپى تومەندەيدى: ميعا قاجەتتى حولين، سونداي-اق، قاتەرلى ىسىك ىقتيمالدىعىن دا ازايتادى. زەرتتەۋ قورىتىندىسى بويىنشا، جەتكىنشەك شاقتارىندا كۇندەلىكتى تاعامعا جۇمىرتقا تۇتىنعانعان ايەلدەر اراسىندا، 18%-عا ءسۇت بەزى قاتەرلى ىسىگىنىڭ دامۋ ءقاۋىپى تومەندەگەن.

● بالالى بولۋدى جوسپارلاعان كەزدە پايدالى: B دارۋمەندەر توبى، سونداي-اق جىنىستىق گورمونداردى قالىپتاستىرۋعا قاتىسادى. ۆ9 دارۋمەنى – «فوليي قىشقىلى» اتالاتىن وزگە دە اتاۋعا يە. ونىڭ كومەگىمەن، قىزىل قان جاسۋشالارى ءتۇزىلىپ، ۇرىقتىڭ جۇيكە تۇتىكشەسى قالىپتاسادى، بالانىڭ كەشەۋىلدەگەن اقىل-وي پسيحيكالىق دامۋ ءقاۋپىن ازايتادى.

● قارتايۋ ۇدەرىسى باياۋلايدى: بۇل جونىندە نيدەرلاند عالىمدارىنىڭ زەرتتەۋلەرى دالەل بولادى. 35-تەن 40 جاس ارالىعىنداعى 87% ايەلدەردە پيگمەنت داقتار جوعالىپ، تەرى تارتىلعان، ال ەركەكتەردەگى كوز اينالاسىنداعى ۇساق سەپكىلدەر ايتارلىقتاي تەگىستەلگەن.

---