22 ناۋرىزعا ارنالعان قۇتتىقتاۋلار، تىلەكتەر
كەڭ بولسىن قازاعىمنىڭ كەرەگەسى، كەتپەسىن اللا بەرگەن بەرەكەسى،
الاشتىڭ بالاسىنا ءناسىپ بولعان، قۇتتى بولسىن ناۋرىز مەرەكەسى!
اقتىڭ مولاياتىن، جارىقتىڭ ۇزاراتىن، نۇردىڭ مولىعاتىن، تىرشىلىكتىڭ جاڭاراتىن، ءومىردىڭ جاڭعىراتىن، پەيىلدىڭ تۇزەلەتىن، كوڭىلدىڭ كەڭيتىن كەزەڭى - ناۋرىز مەيرامى قۇتتى بولسىن!
*** *** *** ***
كوكتىڭ تىنىسىن تىڭداپ، جەردىڭ تامىرىن باسقان، تۇرمىس-تىرشىلىگىن تابيعات-انامەن تىعىز بايلانىستىرعان حالقىمىز ناۋرىزدى جاڭارۋ مەن جاسامپازدىقتىڭ باستاۋى، ىرىc پەن بەرەكەنىڭ ارقاۋى دەپ باعالاعان.
ولاي بولسا، ناۋرىز مەرەكەسى بارشاڭىزعا جاڭا جەتىستىكتەر، مولشىلىق پەن تاتۋلىق اكەلسىن. تىشقان جىلى ەل تىنىش، تۋعان جەر امان بولىپ، ءار وتباسىندا شات كوڭىل، باقىت جانە بەرەكە سالتانات قۇرسىن!
*** *** *** ***
ناۋرىز كوپتەگەن حالىقتاردىڭ ءداستۇرلى مەيرامى رەتىندە باعزى زامانداردان تويلانىپ كەلەدى . بۇل مەرەكەنىڭ دىنگە، نە بولماسا جەكەلەگەن ۇلتتارعا ەش قاتىسى جوق.
ادامزات ءوزىن تابيعاتتىڭ ءتول پەرزەنتى دەپ سانايدى. تابيعاتتان قۇدىرەتتى نە بار دەيسىڭ. ادامدار تابيعاتقا تاۋەلدى. بىزدەرگە جارىق كۇن، كەڭ دالا، اسقار تاۋ، جاسىل ورمان، ايدىن كول... سىيلاعانى ءۇشىن دە ونىڭ الدىندا قارىزدارمىز.
سول جارىقتىق تابيعاتتىڭ تۇلەپ، جاڭاراتىن شاعى – وسى ناۋرىز. جەر-انانىڭ توڭ كەۋدەسى ءجىبىپ، تاس ەمشەگى ءييدى. اسپان دەنەلەرى ەڭ باستاپقى نۇكتەلەرىندە توعىسادى. كۇن مەن ءتۇن تەڭەلەدى. جان-جانۋارلار تولدەرىن ورگىزەدى. جەر ۇستىنە تىلمەن ايتىپ جەتكىزگىسىز كەرەمەت ءبىر شاتتىق ورناي قالادى. ناۋرىز دەپ وتىرعانىمىز، جاڭا كۇن دەپ جار سالاتىن قۋانىشىمىز – وسى.
ءوزىڭىز ويلاڭىزشى، بارشامىزدى باۋىرىنا باسىپ، سۇلۋلىققا، كوركەمدىلىككە، تازالىققا ۇمتىلدىرىپ وتىرعان تابيعاتىمىز جاڭارعان، جايناعان، نۇرلانعان ساتتەن ارتىق ۇلى كۇن، اياۋلى كۇن بار ما ەكەن، ءسىرا؟!
ناۋرىز – جىلدىڭ العاشقى كۇنى. تۇپتەن كەلگەندە، ءبىزدىڭ ناعىز جاڭا جىلىمىز وسى ناۋرىز بولۋى قاجەت... تۇبىندە وسى مەرەكەگە كەلۋىمىز كەرەك. بۇل حالقىمىزدىڭ، تاۋەلسىزدىگىمىزدىڭ ەڭ نەگىزگى تامىرىنىڭ ءبىرى بولىپ سانالادى.
توبەسى كورىنىپ تۇرعان جاقسىلىقتى لايىقتى قارسى الۋ، وسىعان ماز-مەيرام ازىرلەنۋدىڭ ءوزى عانيبەت. تويدىڭ بولعانىنان بولادىسى قىزىق. توي بولعانداي قانداي توي – ناۋرىز تويى!
ساناۋلى كۇندەردەن كەيىن ءاز ناۋرىز دۇنيە ەسىگىن اشادى. تاريح قويناۋىنا تاعى ءبىر جىلىمىز جول تارتىپ، تاعى ءبىر جىل تابالدىرىقتان اتتايدى. جاڭا كۇن توڭىرەككە نۇر-شاپاعاتىن توگەدى. جەر بەتىنە جاقسىلىق ۇيالاعان كۇندى قارسى الايىق.
*** *** *** ***
جەر-جاھاندى سەرى سامالعا وتكىزىپ، جۇرتتىڭ اۋزىن اققا جەتكىزىپ، نۇر تامشىلارىن اياماي توككىزىپ، قيىندىقتىڭ ءبارىن كەلەر جىلعا وتكىزىپ، سامارقاننىڭ كوك تاسىن ەرىتىپ، التىنكۇرەكپەن جەر ءجۇزىن ءجىبىتىپ، تاس جۇرەكتەردى مەيىرىممەن ۇگىتىپ، جەتى قات جەر استىنا دەيىن بالقىتىپ، جىل قۇستارىنىڭ ءانىن شالقىتىپ، جەتىسۋعا جاسىلدان كويلەك كيگىزىپ، سارىارقانى سامال جەلگە سۇيگىزىپ، الاتاۋدىڭ توبەسىنەن كوككە تيگىزىپ، قاراتاۋعا قۇت-بەرەكەنى ۇيگىزىپ، جەتتىڭ بە، ءاز-ناۋرىز!
اق بۇلاقتاردى اقتارتىپ، شىڭ-قۇزداردى شاتتانىپ، تىزبەكتەپ تىرنالاردى، سۇيگىزىپ سىرعالاردى، شورشىتىپ بالىقتاردى، شاپشىتىپ ارىقتاردى، تەربەلتىپ ناز قايىڭداردى، توگىلتىپ جاز جايىندا ءاندى، قازداردى قاڭقىلداتىپ، نايزاعاي جارقىلداتىپ، ايتىپ ەرتەگىڭدى، جايىپ جەلكەنىڭدى، جەتتىڭ بە، ءاز-ناۋرىز!!!
*** *** *** ***
سىزدەردى ۇلىستىڭ ۇلى كۇنى – ناۋرىز مەيرامىمەن شىن جۇرەكتەن قۇتتىقتايمىن!
ناۋرىز – جىلدىڭ باسى، كۇن مەن ءتۇننىڭ تەڭەلەر شاعى. تامىرىن تەرەڭنەن تارتقان وسىناۋ مەيرام – بەرەكە مەن بىرلىكتىڭ. تازالىق پەن تاتۋلىقتىڭ تۇعىرىن نىعايتىپ، رياسىز شاتتىق پەن قۋانىشقا كەنەلتەر ۇلى مەرەكە.
ءار جىل سايىن جاسامپازدىعى مەن قۋاتى ارتىپ كەلە جاتقان ەلوردامىزدىڭ اجارى مەن ايبىنى دا وسىنداي يگى داستۇرلەرىمىزبەن اسقاقتاي بەرمەك. بارشاڭىزدىڭ دەندەرىڭىزگە ساۋلىق، شاڭىراقتارىڭىزعا شاتتىق، وتباسىلىراڭىزعا اماندىق، ىرىس پەن ىنتىماق تىلەيمىن!
*** *** *** ***
بۇل كۇن تىرشىلىكتىڭ، ءداستۇرلى قۇندىلىقتار اياسىندا بىرىگىپ، يگىلىكتى جاڭا باستاۋلارعا نيەت ءبىلدىرۋدىڭ نىشانى. كۇننىڭ العاشقى نۇرى ءاربىر شاڭىراققا ب ا ق بەرەكە، ءوزارا تۇسىنىستىك پەن بولاشاققا دەگەن سەنىمدىلىك اكەلسىن!
قۇرمەتتى قازاقستاندىقتار، دەندەرىڭىزگە ساۋلىق، مول باقىت جانە جاڭا جەڭىستەر تىلەيمىز!
ورتاق ءۇيىمىز – قازاقستان رەسپۋبليكاسى گۇلدەنە بەرسىن!
*** *** *** ***
كۇن مەن ءتۇن تەڭەلىپ، كوكتەم كۇشىن اسىرعان ۇلى كۇننىڭ جەرىمە، كۇنىم كوكتەي جايناعان! ورماندا قۇس سايرادى جالىنداعان جاستىقتاي جاسا ناۋرىز مەيرامى!
اق تىلەك بەيبىتشىلىك امان بولسىن!
ەلىم، جۇرتىم ءقادىرلى امان بولسىن!
تۋعانداي ءبىر انادان جاماعاتتار
دوستىققا بەرىك، مىقتى ادال بولسىن!
ناۋرىز مەيرامى قۇتتى بولسىن!
ۇلىس وڭ بولسىن! اق مول بولسىن!
قايدا بارساق جول بولسىن!
ۇلى حالقىم توق بولسىن!
قايعى ۋايىمى جوق بولسىن!
قۋانىشتارى كوپ بولسىن!
*** *** *** ***
تاۋەلسىز مەملەكەتىمىزدىڭ قالىپتاسۋىمەن بىرگە ناۋرىز مەيرامى بارلىق قازاقستاندىقتار ءۇشىن جالپى حالىقتىق سۇيىكتى مەرەكەسىنە اينالدى. كوكتەمنىڭ وسى ءبىر شاعىندا تابيعات قانا تۇلەپ قويماي، قوعامنىڭ ىنتىماعى مەن بىرلىگىن، بەيبىتشىلىگى مەن تۇسىنىستىگىن نىعايتاتىن ادام دالاسىنىڭ دا جان-دۇنيەسى جاڭعىرا تۇسەدى.
ناۋرىز – بۇل تەك كوكتەمنىڭ عانا ەمەس، بۇل ەڭ اۋەلى ىزگىلىك پەن جاقسىلىقتىڭ مەيرامى. ۇلىستىڭ وسى ءبىر ۇلى كۇنى جەر بەتىندەگى قاندى سوعىستار، داۋ-جانجالدار توقتاتىلىپ، ادامدار بىر-بىرىنە دەگەن وكپە-رەنىشتەرىن ۇمىتىپ، كەشىرىمگە كەلىپ، تاتۋلاسىپ، تابىسا بىلگەن. حالقىمىز مول داستارقانىن جايىپ، اق جارقىن كوڭىلمەن جۇزدەسىپ، ءدام تاتىسىپ، وتكەن-كەتكەننەن سىر تارتىپ، بارشا ادام بالاسىنا جاقسىلىق، امانشىلىق تىلەپ، جاستارعا اق باتالارىن بەرگەن.
قازاقستانداعى جۇزدەگەن ۇلت پەن ۇلىستاردىڭ وكىلدەرى بىر-بىرىمەن ءتاتۋ-تاتتى، بەرەكەلى ءومىر ءسۇرىپ جاتىر. ءاز ناۋرىزدىڭ ادام بالاسىن ىزگىلىك پەن سىيلاستىققا، ىنتىماققا تاربيەلەيتىن تەرەڭنەن تارتار ەجەلگى قاسيەتىن ءبىز بارلىق قازاقستاندىقتاردىڭ بويىنا دارىتۋعا، ونى ءوز ءومىرىمىزدىڭ سالتىنا اينالدىرۋعا مىندەتتىمىز.
ءبارىڭىزدى كوكتەمنىڭ جارقىن مەرەكەسى ناۋرىز مەيرامىمەن شىن جۇرەكتەن قۇتتىقتايمىن. ناۋرىز كۇنى ويعا العان بارلىق ارمان-مۇراتتارىڭىز ورىندالىپ، ۇمىتتەرىڭىز اقتالۋعا جازسىن! ۇلىستىڭ ۇلى كۇنى قۇتتى بولسىن!
*** *** *** ***
كونە زاماننان بەرى ناۋرىز سۇلۋلىق پەن جاسامپازدىقتىڭ، بەيبىتشىلىك پەن كەلىسىمنىڭ سيمۆولى بولىپ تابىلادى.
كوپۇلتتى قازاقستان حالقىنىڭ ءوز مۇمكىندىكتەرىنە دەگەن سەنىمدەرى ارتا ءتۇسىپ، باي رۋحاني مۇرالارى جارقىن بولاشاق جولىنداعى جارقىن ىستەرىنە قۋات بەرسىن.
قازاقستاندىقتار ءۇشىن ناۋرىز – ايرىقشا مەيرام. بۇل كۇن قىستىڭ ءساتى اياقتالىپ، بارشا ەلىمىز جاڭاشا كەيىپكە ەنەتىن كوگىلدىر كوكتەمنىڭ كەلگەنىن بىلدىرەدى.
جاڭارۋ مەن جاسارۋ كۇنى سىزدەرگە باق-بەرەكە، ىرىس-ىنتىماق اكەلسىن! ەلىمىز امان، جۇرتىمىز تىنىش بولىپ، كوركەيە بەرەيىك!
*** *** *** ***
تورلەت، ۇلىستىڭ كۇنى – ءاز-ناۋرىز! ءوزىڭدى اسىعا كۇتكەن بارشا حالىق نيەت-پەيىلىن جاقسىلىققا باعىشتاي وتىرىپ، باقىتتى بولاشاققا نىق قادام باسۋدا. نۇرلى ناۋرىز كەلگەندە سامارقاننىڭ كوك تاسى ەرىپ، كوكتەمنىڭ جىلى شۋاعىمەن تۋعان جەر توسىندە اۋەلەپ ۇشقان قۇستار اۋەنى ۇلىستىڭ ۇلى كۇنىن پاش ەتىپ، جەر دۇنيەگە بەيبىتشىلىك دارىتىپ، قۇت-بەرەكە اكەلەدى. وسىنداي دانالىقتىڭ ۇلى مەيرامى ءاز-ناۋرىز التى الاشتىڭ اق ورداسى – نۇر-سۇلتاندى دا مەرەيلەندىرەدى.
تورلەت، جوعارى شىق، بەيبىتشىلىك پەن دوستىقتىڭ باستاۋى بولعان ءاز-ناۋرىز!
*** *** *** ***
ازاماتتىڭ اق تاڭى اتقاننان بەرى قايمانا قازاقتىڭ قاي بالاسى بولسىن، ناۋرىز مەيرامىنىڭ قادىر-قاسيەتىن جەتە تۇسىنۋدە. جالپى تەپە-تەڭدىك، ىزگىلىك پەن جاڭارۋ ۇيلەسىم تاپقاندا عانا قۇت قونىپ، بەرەكە ورنايدى. سوندىقتان دا ناۋرىز تابيعات پەن قوعامنىڭ، ادام مەن ادامنىڭ، ەل مەن ەلدىڭ ارا-قاتىناسىنداعى تەپە-تەڭدىك زاڭىن ساقتايتىن باستاۋ بۇلاقتار مەن تالانتتاردىڭ قاينار كوزدەرىنىڭ اشىلۋىنا مۇمكىندىك تۋعىزاتىن ءسان-سالتاناتتى ءماندى دە ءساندى جانە ماعىنالى مەرەكە.
تاماشاعا تولتىرىپ تۇنىق ءتوردى،
جەتتى، ناۋرىز، ۇكىلەپ ۇمىتتەردى،
بارشا ۇيگە باقىت بوپ، بەرەكە بوپ،
جانارىنان نۇر شاشىپ كۇلىپ كەلدى.
*** *** *** ***
ادامدارعا ارمان مەن ادالدىق، ال جاستارعا قۇشتارلىق پەن سۇلۋلىق سىيلاعان ناۋرىز مەيرامى، مىنە، ءار ءۇيدىڭ تورىنە باقىت قۇسى بولىپ قوندى.
ناۋرىز – بارشا قازاقستاندىقتاردىڭ ورتاق توي-دۋمانى. ناۋرىز – دوستىق پەن ەركىندىكتىڭ مەرەكەسى. ناۋرىز – سالاۋاتتى ءومىردىڭ سالتاناتى. ناۋرىز – قاڭقىلداپ قازدار كەلەتىن، قىرلاردا قىزعالداق بۇرشىك اتىپ، تابيعات-انا گۇل كورپەگە وراناتىن كوكتەم ايى.
ەندەشە، تورلەت، ەلىمىزگە قۇت دارىتاتىن ۇلىستىڭ ۇلى كۇنى ءاز-ناۋرىز!
*** *** *** ***
شىن جۇرەكتەن ناۋرىز مەيرامىمەن قۇتتىقتايمىز! كوكتەمگى كۇندەر سىزدەرگە دەنساۋلىق، تابىس، قۋانىش، بەرەكە الىپ كەلسىن! ءاربىر ارايلاپ اتقان تاڭ شاپاعات نۇرىن سىيلاسىن! ۇلىس وڭ بولسىن، اق مول بولسىن!
ناۋرىز مەيرام جۇرەكتەرگە نۇر سەپكەن،
ماڭدايىمنان ءسۇيىپ جاتىر كۇن كوكتەم.
جارىعىڭمەن، شۋاعىڭمەن كۇن – انا،
الىپ كەلدىڭ جەر بەتىنە گۇل كوكتەم.
*** *** *** ***
ەجەلدەن جاڭارۋ مەن جاسامپازدىقتىڭ باستاۋى، ىرىس پەن بەرەكەنىڭ ارقاۋى بولعان ءاز-ناۋرىز قاجىرلى ەڭبەكتەرىڭىزگە تولاعاي تابىستار اكەلسىن. ەل تىنىش، تۋعان جەر امان بولىپ، ارايلاپ اتقان ءاربىر تاڭ شات كوڭىل، باقىت جانە بەرەكە سىيلاسىن. اق مول، جىل ىرىستى بولسىن!
*** *** *** ***
كوكتەم مەن جاڭارۋدى ايشىقتايتىن، ىرىس پەن ىنتىماقتىڭ مەرەكەسى ناۋرىز قۇتتى بولسىن! سىزدەرگە جانە وتباستارىڭىزعا ۇلىس ب ا ق اكەلسىن، اق مول بولىپ، جىل بەرەكەلى بولسىن!
*** *** *** ***
ارايلاپ جەتكەن ءاز ناۋرىز مەيرامىمىز قۇتتى بولسىن! اق مول بولسىن، اقتارىلعان اق تىلەكتەر وڭعارىلسىن. سيىر جىلى قازىنالى، مەرەكەلى، بەرەكەلى جىل بولسىن. ورتا تولسىن، قويىن قۋانىشقا كەنەلسىن، ىنتىماق، بىرلىك اجىراماسىن. دەندەرىڭىزگە ساۋلىق، ومىردە اسقارالى تابىستار، يگلىك، باقىت تىلەيمىن!
*** *** *** ***
ءسىزدى جانە ءسىز باسقارىپ وتىرعان ۇجىمدى ۇلىستىڭ ۇلى كۇنى – ناۋرىز مەرەكەسىمەن شىن جۇرەكتەن قۇتتىقتايمىز. ەلىمىزدى وركەندەتۋگە، حالقىمىزدىڭ ءال-اۋقاتىن جاقسارتۋعا باعىتتالعان القىمدى شارالاردى جۇزەگە اسىرۋداعى قاجىرلى قىزمەتىڭىز ءار دايىم تابىستى بولىپ، ويعا العان بارلىق ارمان، جوسپارلارىڭىز ورىندالسىن.
*** *** *** ***
ۇلتىمىزدىڭ مەرەيىن ءوسىرىپ، بار بولمىسىمىزدى ايشىقتايتىن قاسيەتتى – ناۋرىز مەرەكەسى ەلىمىزگە، ءاربىر وتباسىنا بىرلىك پەن قۋانىش، قۇت-بەرەكە، باقىت پەن مولشىلىق اكەلسىن! ۇلىس وڭ بولسىن، اق مول بولسىن!
سىزدەرگە دەگەن شىن جۇرەكتەن باقىت پەن قۇت-بەرەكە، بەيبىت ءومىر تىلەكتەرىمىزدى قابىل الىڭىز. ءبىز ءار كۇنىمىز ءوسۋ مەن دامۋ ءۇشىن مۇمكىندىك تۋعىزاتىن، ىرىس-بەرەكەمىز نىعايعان ەلدە ءومىر ءسۇرىپ وتىرمىز. بارلىق يگىلىكتى ىستەر تابىسپەن اياقتالىپ، جەمىستى ەڭبەك تەك قانا قۋانىش اكەلسىن.
*** *** *** ***
ۇلىستىڭ ۇلى كۇنى – ناۋرىز مەرەكەسى بارشامىزعا قۇتتى بولسىن، باقىت اكەلسىن!
تاريحي تامىرى تەرەڭگە بويلاعان ءاز-ناۋرىز دانا حالقىمىزدا قاي كەزدە دە ەڭسەسى بيىك ەلدىكتىڭ ىرگەسى سوگىلمەس بىرلىكتىڭ، ىرىس پەن ىنتىماقتىڭ مەرەكەسى بولىپ كەلگەن.
قازاقستان حالقى ءۇشىن ناۋرىز مەيرامى – كوكتەم مەن جاڭارۋدى ايشىقتايتىن مەرەيى تاسىعان ۇلى مەرەكە. ناۋرىز - كوكتەمگى جاڭارۋدىڭ، ماحابباتتىڭ، اق پەيىل مەن تاتۋلىقتىڭ مەرەكەسى. ول - وتكەندى سارالاپ، بولاشاعىمىزدى بولجايتىن ەرەكشە كەزەڭ.
اق نيەتپەن وتكەنگە سالاۋات ايتىپ، اق تىلەكپەن جاڭا ناۋرىزدى قارسى الايىق! وتانىمىزعا – بەرەكە، حالقىمىزعا – يگىلىك، مەملەكەتىمىزگە – مولشىلىق، ال ءار شاڭىراققا باقىت پەن شاتتىق تىلەيمىز.
ەلىمىز وركەن جايىپ، ناۋرىز بارشامىزعا ىنتىماق پەن ساتتىلىك الىپ كەلسىن!
*** *** *** ***
شىعىس حالىقتارىنا ورتاق ۇلكەن مەيرام ناۋرىز – بىرلىكتىڭ، تاتۋلىقتىڭ، ىزگىلىكتىڭ، باقىتتىڭ مەرەكەسى سانالادى. ولاي بولسا قۇرمەتتى قاۋىم، بارلىقتارىڭىزعا تاتۋلىق، بەرەكە-بىرلىك تىلەيمىن. ۇلىستىڭ ۇلى كۇنى ەلىمىزگە، جەرىمىزگە قۇت-بەرەكە الا كەلسىن. ۇلىس وڭ بولىپ، ءاربىر كۇنىمىز ناۋرىز كۇنىندەي شۋاقتى بولسىن!
*** *** *** ***
كونە پارسى تىلىنەن قازاقشا اۋدارعاندا «جاڭا كۇن» دەگەن ماعىنا بەرەتىن ناۋرىز – جىل باسى. قىستىڭ كوبەسى سوگىلىپ، تىرشىلىك اتاۋلىعا جان ءبىتىپ، جاسارىپ، جاڭاراتىن، تابيعات-الەم كوگەرىپ، كوكتەيتىن شاق.
قىستىڭ قىسپاعىنان قۇتىلىپ، ارقا-باس كەڭەيەتىن، مەيرام-شاتتىققا كەنەلەتىن وسىناۋ جايدارمان شاققا جەتكەن ءاربىر جاندى شىعىستىڭ جاڭا جىلىمەن قۇتتىقتايمىن!
ناۋرىزدىڭ وزىنە ءتان سالتىنا باعىنا وتىرىپ، ءاربىرىمىز وتكەن جىلعى وكپەمىزدى ۇمىتىپ، تاتۋلاسايىق. ۇلكەندەردىڭ اق باتاسىن الىپ، بىر-بىرىمىزگە ىزگى تىلەك ايتايىق. ناۋرىزدا ايتىلعان بارلىق جاقسى تىلەك ورىندالادى دەپ جاتادى عوي، ناۋرىز بارلىعىڭىزعا قۇت اكەلسىن!
*** *** *** ***
تابيعات، جەر-دۇنيەنىڭ جاڭارىپ، جاساناتىن كوكتەم مەزگىلىنىڭ ۇلى مەرەكەسى – ناۋرىز قۇتتى بولسىن!
ۇلىس وڭ بولسىن،
اق مول بولسىن،
پالە – جالا جەرگە ەنىپ،
قايدا بارسا جول بولسىن! – دەپ بۇرىنعى اتا-بابالارىمىز باتا جاساپ بەت سيپايدى ەكەن. بۇدان ارتىق قانداي اق تىلەۋ بولۋى مۇمكىن! ءار وتباسىنا تىنىشتىق، تاتۋلىق، بەرەكە-بىرلىك، باقىت تىلەيمىن!
*** *** *** ***
سىزدەردى كەلە جاتقان ۇلىستىڭ ۇلى كۇنى – ناۋرىز مەيرامىمەن شىن جۇرەكتەن قۇتتىقتايمىن! تەك ادامزات قانا ەمەس، تابيعاتتىڭ دا جاسارىپ، بوي تۇزەيتىن شاعى – ۇلىستىڭ ۇلى كۇنىنىڭ بارشامىز ءۇشىن جولى دا، ءجونى دە بولەك. «تۋعان اي – تۋراعان ەتپەن تەڭ»، انە-مىنە دەگەنشە قار ەرىپ، جىلعالاردان سۋ اعىپ، تابيعات جاسارىپ، كوكتەمنىڭ ساۋمال سامالىنا ىلەسىپ ناۋرىز دا جەتتى. اماندىق-ساۋلىق، اق تىلەك، مەيماندوستىق، ادالدىق، مولشىلىق، جالپى ۇلتىمىزعا ءتان تاماشا سالت-داستۇرىمەن پاش ەتىلەتىن ناۋرىز مەيرامىن وزىندىك سان-سالتاناتىمەن، دۋماندى تويىمەن، ان-جىرىمەن قارسى الىڭىزدار. جاستارىڭىز ۇزاق، كوڭىلدەرىنىز كوتەرىڭكى، اسپاندارىڭىز اشىق بولسىن.
*** *** *** ***
بارشاڭىزدى حالقىمىزدىڭ ەڭ ۇلى مەيرامى، ادام بالاسى مەن تابيعات انا قايتا جاڭعىرىپ، تۇلەيتىن - ءاز ناۋرىزبەن شىن جۇرەگىمنەن قۇتتىقتايمىن!
كۇللى شىعىس جۇرتىنا ورتاق مەرەكە - ناۋرىزدىڭ تاريحى تىم تەرەڭدە جاتىر. كۇن مەن ءتۇن تەڭەلەتىن، ىرىسى مول مەرەكە ءبىزدىڭ جان-دۇنيەمىزدى شۋاققا بولەيدى، وي-نيەتىمىزدى تازا ارناعا بۇرادى. بۇل كەشىرىم مەن مەيىرىمنىڭ، ءۇمىت پەن سەنىمنىڭ، ىزگىلىك پەن تۇسىنىستىكتىڭ مەرەكەسى. بۇل كۇنى ءبىز وتكەن جىلى جاساعان جۇمىسىمىزعا ەسەپ بەرىپ، كەلەشەككە جوسپار قۇرامىز، تاۋەلسىز ەلىمىزدىڭ وركەندەپ، ءوسۋى جولىندا جاڭا باستامالارعا نەگىز قالايمىز. ناۋرىزدا ايتىلعان بارلىق تىلەك قابىل بولادى دەگەن دە نانىم بار.
قازىرگى ۋاقىتتا ناۋرىز جاڭا سيپاتقا يە بولدى، ۇلتىنا، ءدىني سەنىمىنە قاراماستان قازاقستاندى مەكەندەيتىن بارلىق ۇلتتار مەن ۇلىستاردىڭ ورتاق مەرەكەسىنە اينالدى. حالىقتار اراسىنداعى دوستىقتى بەكىتۋگە، باۋىرلاستىق قارىم-قاتىناستاردىڭ نىعايۋىنا، ءار ۇلتتىڭ ءسالت-داستۇرىنىڭ قايتا جاڭعىرۋىنا وسى مەيرام ۇلكەن ۇلەسىن قوسىپ وتىر.
ناۋرىز مەيرامى تۋعان جەر توپىراعىنا قۇت-بەرەكە اكەلسىن. بارشاڭىزعا اماندىق، ساۋلىق، داستارحاندارىڭىزعا مولشىلىق تىلەيمىن!
*** *** *** ***
ناۋرىز قۇتتى بولسىن! ءبىزدىڭ كونە جاڭا جىلىمىز باق-بەرەكە اكەلسىن! ۇلىس وڭ بولسىن! اق مول بولسىن! قايدا بارسا جول بولسىن! قىزىر اتا قولداسىن!
*** *** *** ***
ۇلىستىڭ ۇلى كۇنى قۇتتى بولسىن! تەرەزەڭنەن تەڭگە، ەسىگىڭنەن ەۆرو كىرىپ، جىل بويى ءۇيىڭ دوللارعا تولا بەرسىن! باسىڭنان باقىت، ويىڭنان شابىت كەتپەسىن!
*** *** *** ***
ناۋرىز اماندىق، قۋانىش، جاقسىلىق اكەلسىن! كوكتەم جىلۋى مەن ءومىر قۋانىشىن تىلەيمىن! مىقتى دەنساۋلىق پەن ۇزاق ءومىر، قۇشاق تولعان گۇل مەن ىقىلاس تىلەيمىز!
*** *** *** ***
ناۋرىز – بۇل ەجەلگى ءداستۇر بويىنشا جاڭا جىلدىڭ باستالۋى عانا ەمەس، بۇل سونىمەن بىرگە تاڭعاجايىپ كوكتەم مەرەكەسى، تابيعاتتىڭ قايتا تۇلەپ، قايتا جاڭعىرۋى. وسى ءبىر تابيعات انا كوگىلدىر كوكتەمنىڭ جىپ-جىلى شاپاعاتىمەن جايناپ تۇرعان ساتتە ءسىز دە زور قۋانىشتارعا بولەنگەيسىز! جانىڭىز كۇن نۇرىنداي جارقىراپ، ال كوڭىلىڭىز مەيىرىمدىلىك پەن ماحاببات سەزىمدەرىنە تولا بەرسىن!
*** *** *** ***
ناۋرىزدى دا اماندىقپەن قارسى الايىق. ۇلىس وڭ بولسىن، اق مول بولسىن، قايدا بارساڭ، جول بولسىن!
*** *** *** ***
قۇرمەتتى دوستار!
سىزدەردى 22 ناۋرىز ۇلىستىڭ ۇلى كۇنى ناۋرىز مەرەكەمىزبەن بارشاڭىزدى قۇتتىقتايمىز!!! جاڭا جىل وت باسىمىزعا جاقسىلىق، داستارحانىمىزعا قۇت-بەرەكە الىپ كەلسىن!!! جان ۇيانىزگا تىنىشتىك جانە باكىت تىلەيمىز تابىستارىڭىزگا جۇمىستارىڭىزگا جەمىس تىلەيمىز!
*** *** *** ***
ناۋرىز – جاڭارۋ مەن تازارۋ، ماحاببات پەن ءسۇلۇلىق مەرەكەسى! ءارقاشان جانىڭىز ىزگى، كوڭىلىڭىز كوتەرىڭقى بولسىن!
*** *** *** ***
كەلەسى ناۋرىزدى دا اماندىقپەن قارسى الايىق. ۇلىس وڭ بولسىن، اق مول بولسىن، قايدا بارساڭ، جول بولسىن!
*** *** *** ***
ناۋرىز كوكتەمدە كەلەدى. تابيعات وزگەشە تۇرگە ەنەدى. بۇل مەرەكە ومىرىڭىزگە جاقسى وزگەرىس اكەلسىن!
*** *** *** ***
قۇرمەتتى ___________ !
جەر-دۇنيەنى جاڭارتىپ، كوكتەمدى ەرتە كەلەتىن ۇلىستىڭ ۇلى كۇنى — ناۋرىز مەرەكەسى قۇتتى بولسىن! سىزگە جانە ءسىزدىڭ جانۇيانىزعا شىنايى كوڭىلمەن باقىت-بەرەكە، اشىق اسپان، يگىلىك جانە الداعى جۇمىسىڭىزدا تەك شىعارماشىلىق تابىس تىلەيمىز.
*** *** *** ***
شىعىس حالىقتارىڭا ورتاق ۇلكەن مەيرام ناۋرىز — بىرلىكتىڭ، تاتۋلىقتىڭ، ىزگىلىكتىڭ، باققىتتىڭ مەرەكەسى سانالادى. ولاي بولسا قۇرمەتتى قاۋىم، بارلىقتارىڭىزعا تاتۋلىق، بەرەكە - بىرلىك تىلەيمىن. ۇلىستىڭ ۇلى كۇنى ەلىمىزگە، جەرىمىزگە قۇت-بەرەكە الا كەلسىن. ۇلىس وڭ بولىپ، ءاربىر كۇنىمىز ناۋرىز كۇنىندەي شۋاقتى بولسىن! ۇلىستىڭ ۇلى كۇنى قۇتتى بولسىن!
*** *** *** ***
بارلىق قازاقستاندىقتاردى كەلە جاتىرعان ۇلىستىڭ ۇلى كۇنى — ناۋرىز مەيرامىمەن قۇتتىقتايمىن! جارقىن ءومىردىڭ باستاماسى بولىپ سانالاتىن وسى كوكتەم مەرەكەسى سىزدەرگە مول قۋانىش پەن باقىت الىپ كەلسىن! ناۋرىز ءار وتباسىندا كەلىسىمنىڭ، سىيلاستىقتىڭ، قۇرمەتپەن سۇيىسپەنشىلىكتىڭ دانەكەرى بولسىن!
You Might Also Like
-
ابىلاي جوڭعار شاپقىنشىلارىمەن سوعىسىپ جۇرگەندە، ون سەگىز جاسار جانىبەك قولدى ارتىنان قۋا كەلەدى. كەلسە، قازاقتار بىتىراپ، اتى بارلىققان ابىلايعا شاپقىنشىلار جاقىنداپ قالعان ەكەن. جانىبەك اتىنان ءتۇس...
-
ناۋرىز كوجە نەگە جەتى ءتۇرلى دامنەن جاسالعان؟
