InfoHub Logo

تاعام ازىرلەگەندى ۇناتپايتىن نەمەسە ۇنەمى ۋاقىتى بولمايتىندار ءۇشىن bilim-all.kz قاراپايىم، ءبىراق وتە ءدامدى تاعام تۇرلەرىنىڭ توپتاماسىن دايىندادى.

تاڭعى اس

تاڭەرتەڭ تاعام ازىرلەۋگە ۇنەمى ۋاقىت بولماي جاتادى. الايدا، تاڭعى استى ىشپەۋگە دە بولمايدى. مىنە، كۇننىڭ العاشقى بولىگىنە قاجەتتى كۇشتى تەز جيناۋ ءۇشىن كەرەكتى بىرنەشە ويمەن بولىسپەكشىمىز.

1. كەپتىرىلگەن جەمىس قوسىلعان س ۇلى جارماسى

ورتاشا كولەمدەگى كاسترولدە ½ ليتر ءسۇتتى جىلىتۋ كەرەك. ۇستىنە 6 اس قاسىق س ۇلى جارماسىن سالىپ، ورتاشا وتتا قاتتى قايناعانعا دەيىن قايناتىڭىز. ءبىر شىم-شىم تۇز، ءبىر شاي قاسىق قانت سالىپ، وتتى ازايتىپ، تاعى دا بىرنەشە مينۋت قايناتىڭىز.

سول ۋاقىت ارالىعىندا بىرنەشە قارا ورىك پەن كەپتىرىلگەن ورىكتى جانە ازداعان جاڭعاقتى مايدالاپ قويىڭىز. مايدالاعان سوڭ، دايىن بوتقاعا سارى مايمەن بىرگە سالىڭىز.

2. نانمەن قۋىرىلعان جۇمىرتقا

رومكەنىڭ نەمەسە مەتالل قالىپتى ساقينانىڭ كومەگىمەن ءبىر ءتىلىم اق ناننىڭ ورتاسىنا دوڭگەلەك ساڭىلاۋ جاساڭىز. تابانى سارى مايمەن مايلاپ، ناندى قۋىرىڭىز (ەكى جاعىن كەزەكپەن 30 سەكۋندتان).

سوسىن ناننىڭ ورتاسىنا جۇمىرتقانى جارىڭىز. تۇزداپ، بۇرىش سالىپ، كوكونىستەن سەبىڭىز دە، اقۋىزى پىسكەنشە قۋىرىڭىز. تارەلكەگە سالىپ، ەرەكشە قۋىرىلعان جۇمىرتقانى سۇيسىنە جەڭىز.

3. قىزاناق قوسىلعان وملەت

ەكى ۇلكەن قىزاناقتىڭ باس جاعىن كەسىپ الىپ، قاسىقتىڭ كومەگىمەن وزەگىن الىپ تاستاڭىز. جۇمىرتقانى ۇگىتىلگەن ىرىمشىكپەن، مايدالانعان اقجەلكەن مەن اسكوكپەن ارالاستىرىڭىز. تۇزداپ، بۇرىش سالىپ، قىزاناقتاردىڭ ىشىنە قۇيىڭىز. كەسىپ العان قىزاناقتىڭ باسىن جاۋىپ، قىسقاتولقىندى پەشكە 3–4 مينۋتقا سالىپ الىڭىز.

4. توستاعانداعى وملەت

توستاعاندى سارى مايمەن مايلاپ، ىشىنە ەكى جۇمىرتقا جارىڭىز. تۇز سالىپ، شانىشقىنىڭ كومەگىمەن ارالاستىرىڭىز. پىسكەن شۇجىقتىڭ نەمەسە ىستالعان تاۋىقتىڭ ءبىر بولىگىن ءتورتبۇرىشتى ەتىپ تۋراپ، ونى دا سالىپ، ارالاستىرىڭىز.

ۇگىتىلگەن ىرىمشىك سەۋىپ، قىسقاتولقىندى پەشكە ءبىر مينۋتقا قويىڭىز. سوسىن الىپ، تاعى ارالاستىرىپ، قىسقاتولقىندى پەشكە قايتادان ءبىر مينۋتقا سالامىز.

5. اۆوكادو قوسىلعان سەندۆيچ

قارابيداي نانىن تابادا نەمەسە توستەردە كەپتىرىڭىز. سول ۋاقىت ارالىعىندا قىزاناق پەن شاعىن اۆوكادونى مايدالاڭىز. كوكونىستەرگە ەكى اس قاسىق حۋمۋس پەن ءبىر شىم-شىم ورەگان قوسىڭىز. نانعا جاعىپ، ءسۇيسىنىپ جەي بەرىڭىز.

6. س ۇلى قۇيماقتارى

بلەندەردىڭ ىدىسىنا ½ ستاكان س ۇلى قاۋىزىن، 150 گ گرەك يوگۋرتىن، جۇمىرتقا جانە پىسكەن باناننىڭ جارتىسىن سالىڭىز. ۇستىنە ½ شاي قاسىق ناۋبايحانا ۇنتاعىن مەن ۆانيلين قوسىپ، ارالاستىرىڭىز. ەگەر سۇيىقتاۋ بولسا، 1–2 اس قاسىق س ۇلى قوسىپ، تاعى ارالاستىرىڭىز.

قۇيماقتاردى مايلانعان، جاقسىلاپ قىزدىرىلعان تابادا ءپىسىرىڭىز. دايىن قۇيماقتاردى جاڭا پىسكەن نەمەسە مۇزداتىلعان جەمىستەرمەن ۇسىنىڭىز.

7. ىرىمشىك بوتقاسى

300 گ مايلى قايماقتى ءتۇبى قالىڭ كاسترولگە قۇيىپ، وتقا قايناعانشا قويىڭىز. قايماق قايناعانشا، 200 گ جاقسى وسەتين ىرىمشىگىن شانىشقىمەن ەزىپ، قايناپ تۇرعان قايماققا قوسىڭىز. ۇزدىكسىز ارالاستىرىپ تۇرىپ، تۇز بەن ءبىر ستاكان جۇگەرى ۇنىن قوسىڭىز. ارالاستىرىپ تۇرىپ، كرەم تۇستەس بولعانشا قايناتىڭىز. ىرىمشىك بوتقاسى جابىسقاق ءارى سوزىلمالى بولۋ كەرەك.

8. «كروك-مەسە» فرانسۋز بۋتەربرودى

توستتارعا ارنالعان نانعا (نەمەسە كادىمگى نان) ديجون قىشاسىن جاعىڭىز دا، ءزايتۇن مايى جاعىلعان قاڭىلتىر تاباعا سالىڭىز. ءار تىلىك ناننىڭ ۇستىنە ۇلكەن ۇككىشتەن وتكىزىلگەن ىرىمشىكتەن (دۇرىسى — گريۋيەر) جانە ءبىر ءتىلىم شۇجىقتان قويىڭىز. تاعى دا ىرىمشىك سەۋىپ، ۇستىنە تاعى ءبىر نان قويىڭىز.  

بۋتەربرودتاردىڭ بەتىنە ءزايتۇن مايىن جاعىپ، جاقسى قىزدىرىلعان پەشكە سالىپ، التىن تۇستەس بولعانشا ۇستايمىز. تاعامدى ۇسىنار الدىندا بەشامەل تۇزدىعىن قۇيسا بولادى.  

9. بانان مەن قىشا قوسىلعان توست

توستقا ارنالعان نانعا نەمەسە باتونعا جۇمسارتىلعان سارى ماي جاعىڭىز. ءار تىلىككە ەكى بانان تۇيىرىنەن قويىڭىز. قويىتىلعان سۇتتەن قۇيىپ، قۇراق قانت پەن قىشا سەبىڭىز.  مايى بەتىنە شىعاتىنداي ەتىپ تاعى ءبىر نان تىلىگىن قاباتتاڭىز. قىسقاتولقىندى پەشكە 30 سەكۋندقا سالىڭىز نەمەسە توستتاردى ۆافلي پىسىرگىشكە سالىپ قىزارتىپ الىڭىز.  

10. جەرجاڭعاق پاستاسى مەن جەمىس-جيدەكتى توستتار

اق ناندى نەمەسە باتوندى توستەردە كەپتىرىپ الىڭىز. بەتكى قاباتى كۇتىرلەك بولۋى ءتيىس. ءار تىلىككە جەرجاڭعاق پاستاسىن جاعىپ، ۇستىنە وزىڭىزگە ۇنايتىن كەز كەلگەن جەمىس–جيدەكتى قويىڭىز.  مىسالى، بانان، كيۆي نەمەسە قۇلپىناي. توستتاردى كوفەمەن بىرگە ىستىق كۇيىندە ۇسىنىڭىز.   

11. جەمىس-جيدەكتى سۇزبەلى كرەم

مايلىلىعى 9% 200–300 گ سۇزبەنى 3–4 اس قاسىق مايلى قايماقپەن بىرگە بلەندەر سالىپ، ارالاستىرۋ كەرەك. ۇستىنە 2–3 اس قاسىق قويىتىلعان سۇتتەن قۇيىپ، تاعى دا ارالاستىرۋ قاجەت. ماۋسىمدىق نەمەسە كونسەرۆىلەنگەن جەمىستەرمەن جانە توستتارمەن بىرگە ۇسىنىڭىز.

12. بانان-جيدەكتى سمۋزي

ەكى تال پىسكەن باناندى، ½ ستاكان جاڭا پىسكەن نەمەسە مۇزداتىلعان جيدەكتى (مىسالى، تاڭقۋراي مەن قاراجيدەك)، ءبىر ستاكان جيدەكتى مورستى جانە مايسىزداندىرىلعان ىشەتىن يوگۋرتتى ءبىر ىدىسقا سالىڭىز.  ءبارىن ءبىر قالىپقا كەلگەنشە بلەندەرمەن ارالاستىرامىز. بوكالدارعا قۇيىپ، بىردەن داستارحانعا ۇسىنىڭىز.  

تۇسكى اس

ءبىرىنشى تاعام ءتۇرىن ءبىر اپتاعا الدىن الا جاساپ قويۋعا بولادى. بورشش پەن ششي توڭازىتقىشتا ءبىر اپتا تۇرا بەرەدى. ۇزاق تۇرعان سايىن ءدامى كىرە تۇسەدى. ال ەكىنشى تاعام تۇرىندە ۇنەمى ۋاقىت تا، كۇش تە جەتپەي جاتادى. ءبىراق جىلدامداتىپ بىرنارسە جاساۋعا دا بولادى.

13. توستاعانداعى ىرىمشىك قوسىلعان ماكاروندار

ۇلكەن ىدىستا ½ ستاكان ءسۇتتى جىلىتىڭىز (قىسقاتولقىندى پەشكە ءبىر مينۋتقا قويسا جەتكىلىكتى). جىڭىشكە ماكاروننان 2–3 اس قاسىق سالىپ، قىسقا تولقىندى پەشكە تاعى دا 3 مينۋتقا سالىپ الىڭىز. سوسىن الىپ، ارالاستىرىڭىز دا، ۇگىتىلگەن ىرىمشىكتى سەۋىپ، تاعى بىرنەشە مينۋتقا قالدىرىڭىز.

14. ىرىمشىكتى ۋىزدىق

½ ستاكان س ۇلى قاۋىزىنا ەكى ستاكان قايناعان سۋ قۇيىڭىز. بىرنەشە مينۋتقا قالدىرىڭىز. سول ۋاقىت ارالىعىندا كوزى مايدا ۇككىشتەن ىرىمشىكتى وتكىزىڭىز  (100–200 گ)، كوك پيازدى تۋراڭىز، سارىمساقتى سىعىڭىز. ءبارىن سۇلىعا قوسىپ، تۇزداپ، بۇرىش سالىپ، مۇقيات ارالاستىرىڭىز.

باسقا تابادا بىرنەشە جۇمىرتقانى قۋىرىڭىز. قۋىرىلعان جۇمىرتقانى سۇلى-ىرىمشىكتى تاعامنىڭ ۇستىنە قويۋ كەرەك. ۇستىنە كوكونىس تۋراپ، بۇرىش سەبۋگە بولادى.

15. تاۋىق پەن قىزاناقتى پانيني

ءبىر اس قاسىق مايونەزدى، ءبىر اس قاسىق قىزاناق تۇزدىعىن، ½ ليمون سۋىن جانە تۋرالعان رايحانگۇلدى ارالاستىرىڭىز. وسى قوسپانى پانينيگە ارنالعان توقاشتىڭ استىڭعى بولىگىنە جاعىڭىز. ۇستىنە قايناتىلعان نەمەسە كەپتىرىلگەن تاۋىق سۇبەسى مەن قىزاناقتاردى قويىڭىز. ۇستىنە ۇگىتىلگەن ىرىمشىكتى سەۋىپ، توقاشتىڭ ەكىنشى بولىگىن قويىڭىز.  

اۋزىن قاقپاقپەن نەمەسە باسقا تابامەن باسىپ تۇرىپ ءپانينيدى شويىن تابادا 3–5 مينۋت قۋىرىڭىز. تومەنگى جاعىندا قابىقشا پايدا بولادى، ال، ىرىمشىك ەرىپ كەتەدى.

16. تاۋىق پەن اۆوكادا قوسىلعان كاپرەزە

½ ستاكان بالزامدى سىركە سۋىنا  2 اس قاسىق قۇراق قانتتى قوسىپ، قىسقاتولقىندى پەشكە بىرنەشە مينۋتقا قويۋ كەرەك. قانت ەرۋى كەرەك.

سول ۋاقىت ارالىعىندا ءزايتۇن مايىنا پىسكەن تاۋىق سۇبەسىن قۋىرىڭىز. وسىلايشا قىزدىرساڭىز، قابىقشاسى قىزعىلت تۇسكە اينالادى. شۇڭعىل ىدىسقا تۋرالعان تاۋىقتى، اۆوكادو، موسارەلللالاردى جانە چەرري قىزاناعىن (ورتاسىنان بولۋگە بولادى) سالىڭىز. بالزامدى سىركە سۋىن قۇيىپ، مايدالانعان رايحان گۇلىن سەۋىپ، داستارحانعا ۇسىنساڭىز بولادى.  

17. سارىمساق قوسىلعان ءدامدى اسشاياندار

ۇلكەن شۇڭعىل تاباعا 2–3 اس قاسىق ءزايتۇن مايىن قۇيىپ، قىزدىرىڭىز. ۇستىنە تازالانعان 300–500 گ اسشايان، 2–4 تال مايدالانعان سارىمساق پەن قالاۋىڭىزشا دامدەۋىشتەر سالىڭىز.

اسشايانداردى ءسال قىزارعانشا 3–5 مينۋت قۋىرىڭىز. سوسىن ولاردى ىدىسقا سالىپ، ۇستىنە ءبىر ليمون شىرىنىن قۇيىپ، مايدالانعان كوكونىستەردى سەبىڭىز.

18. قۋىرىلعان كالمارلار

كالمارلاردىڭ ءىشى-سىرتىن تازالاپ، قۇيرىقتارىن كەسىپ، شەمىرشەكتى «ءتىلىن» الىپ تاستاڭىز. جۋىپ، قاعاز مايلىقپەن ءىشى-سىرتىن مۇقيات كەپتىرىڭىز. كالمارلاردى شامامەن 2 سانتيمەتر قالىڭدىقتا ساقينا تارىزدەس ەتىپ كەسىڭىز. ۇن مەن تۇز ارالاسقان سۇيىق قامىرعا اۋناتىپ، شىجىپ تۇرعان مايدا قۋىرىڭىز (ءار جاعىن ءبىر مينۋتتان). ارتىق مايدى قاعاز مايلىقتىڭ كومەگىمەن الىپ تاستاڭىز. 

19. قىزاناق پەن كوكونىس قوسىلعان شۇجىق

ەكى تابا دايىنداپ الىڭىز. بىرەۋىنە وسىمدىك مايىن قۇيىپ، ءتورتبۇرىشتى ەتىپ تۋرالعان 500 گ شۇجىقتى قۋىرىڭىز. ەكىنشىسىنە ۇلكەن ەتىپ تۋرالعان  500 گ قىزاناقتى قۋىرىڭىز. قىزاناقتاردى كەرەگىنشە تۇزداپ، بۇرىش سالىڭىز. سالات جاپىراقتارىنىڭ ۇستىنە شۇجىقتى، سوسىن ۇستىنە تومات تۇزدىعىن قۇيىڭىز. مايدالانعان كوكونىستەردى سەۋىپ، ليمون شىرىنىن قۇيىڭىز. 

20. شۇجىق قوسىلعان لاۆاشتى رۋلەت

مايونەز بەن كەچۋپتى (شامامەن 1–2 اس قاسىقتان) جانە سىعىلعان سارىمساقتى ارالاستىرىڭىز. دايىن قوسپانى جۇقا لاۆاشقا جاعىڭىز. رۋلەت تىعىز بولۋى ءۇشىن سوڭعىسىن ەكى رەت وراعان جاقسى. سالما رەتىندە شۇجىقتى (جىڭىشكە ەتىپ تۋراعان دۇرىس) جانە قاتتى ىرىمشىكتى (ۇككىشتەن وتكىزىلگەن) پايدالانعان دۇرىس. لاۆاشتى رۋلەت تۇرىندە وراپ، قالىڭدىعىن ەكى سانتيمەتر كولەمدە كەسىڭىز.  

21. تاۋىق بۋرريتوسى

سۇرلەنگەن سان ەتىن نەمەسە تاۋىق سۇبەسىن تەكشە پىشىندە تۋراڭىز. تومات تۇزدىعى جاعىلعان تورتيلياعا ەتتى جاڭا پىسكەن قيارمەن، سالات جاپىراقتارىمەن جانە موسارەللامەن بىرگە وراڭىز. قالاساڭىز، تۋرالعان كۇنزە، رايحان نەمەسە باسقا دا كوكونىستى قوسۋعا بولادى.

بۋرريتونى قاتتى قىزعان تابادا قىزدىرىڭىز. سىرتى قابىقشاسى قىزارىپ، ىشىندەگى ىرىمشىك ەرۋى ءتيىس.

22. شۇجىق پەن ىرىمشىك قوسىلعان سوسيسكا

سوسيسكانىڭ سىرتىن تازالاپ، ءارقايسىسىن ءبولىڭىز. قاتتى ىرىمشىكتى ۇزىنشا ەتىپ تۋراڭىز. سوسيسكالاردى ىرىمشىكپەن فارشتاڭىز دا، سىرتىن ءبىر نەمەسە ەكى شۇجىق تىلىمدەرىنە اينالدىرىڭىز. جاقسىلاپ قىزدىرىلعان پەشكە  5–7 مينۋتقا قويىڭىز. داستارحانعا ۇسىنار الدىندا ديجون قىشاسىن نەمەسە ەتكە ارنالعان كەز كەلگەن تۇزدىق جاعىڭىز.  

23. قوزىقۇيرىق قوسىلعان فريكاسە

پىسىرىلگەن قۇس ءتوسىن ۇزىنشا ەتىپ تۋراپ، سىرتى ابدەن قىزارعانشا ءزايتۇن مايىنا قۋىرىڭىز. مايدالانعان كونسەرۆىلەنگەن قوزىقۇيرىقتى نەمەسە تالعامىڭىزعا قاراي باسقا ساڭىراۋقۇلاقتى قوسىڭىز. تاعى ءبىر مينۋت قۋىرىڭىز. ۇستىنە بۇرىشپەن، كارري ۇنتاعىمەن جانە تالعامىڭىزعا ساي باسقا دا دامدەۋىشتەرمەن بىرگە سۋعا ارالاسقان قايماقتى قۇيىڭىز. قايماقتى تۇزدىق قويۋلانعانشا بۇقتىرىڭىز.

24. كىلەگەيدەگى قوزىقۇيرىقتار

كونسەرۆلەنگەن قوزىقۇيرىقتاردى نەمەسە باسقا دا ساڭىراۋقۇلاقتاردى مايدالاپ تۋرالعان پيازبەن بىرگە مايعا قۋىرىڭىز. تۇزداۋدى ۇمىتپاڭىز. ساڭىراۋقۇلاقتىڭ بارلىق سۋى تارتىلعان سوڭ، 100 گ مايلى كىلەگەي قۇيىڭىز. ۇگىتىلگەن تەڭىز جاڭعاعىن سەۋىپ، تاعى دا بىرنەشە مينۋت بۇقتىرىڭىز. كرەم ءتۇستى قويۋلانعان كىلەگەي — تاعامنىڭ دايىن بولدى دەگەنى.

25. باتونداعى پيسسا

سالما ازىرلەڭىز: 200 گر شۇجىقتى ءتورتبۇرىشتاپ تۋراپ، 200 گر قاتتى ىرىمشىكتى ۇككىشتەن وتكىزىپ، تۇزداپ، بۇرىش قوسىپ، ەكى اس قاسىق مايونەز بەن كەچۋپ قوسىڭىز. وسى سالمانى ءبىر ءتىلىم باتوننىڭ ءۇcتىنە قويىپ، مايدالاپ تۋرالعان كوكتاتار سەۋىپ، جاقسى قىزدىرىلعان پەشتە ىرىمشىك ەرىگەنشە ۇستاڭىز.

26. برۋسكەتتا

باتون نەمەسە توستقا ارنالعان نانعا سارىمساق ارالاستىرىلعان سارى ماي جاعىڭىز. سودان كەيىن 1-2 مينۋت پەشتە كەپتىرىڭىز. ونىڭ بەتىنە موسارەللا نەمەسە ءوزىڭىز ۇناتقان باسقا ىرىمشىكتى تۋراپ سالىپ، ونىڭ ۇستىنە مايدالاپ تۋرالعان رايحانگۇل ارالاستىرىپ، ءزايتۇن مايى، تۇز، بۇرىش جانە باسقا دا دامدەۋىشتەرمەن ارالاستىرىلعان قىزاناق بولىكتەرىن قويىڭىز. دايىن برۋسكەتتى بىرنەشە مينۋتقا ىرىمشىك ەرۋ ءۇشىن پەشكە قويىڭىز.  

27. اششى تۇزدىق قوسىلعان جۇمىرتقا پاشوتى

جۇمىرتقا پاشوتىن دايىنداڭىز. بۇل ءۇشىن ەكى ستاقان سۋدى قايناتىپ، وعان تۇز بەن جارتى قاسىق سىركە سۋىن قوسىڭىز. جۇمىرتقانى اي جاعىلعان پاشوت پىسىرگىشكە نەمەسە شۇڭعىل تاباققا جارىپ سالىڭىز. ونى ابايلاپ قايناپ تۇرعان سۋعا سالىپ، 3 مينۋتتاي قايناتىڭىز. جۇمىرتقا پاشوتىن اششى تۇزدىقپەن بىرگە ۇسىنىڭىز: قوسپا قوسىلماعان 200 گر يوگۋرتقا سارىمساق ەزگىشپەن ەزىلگەن سارىمساق، پاپريكا، تۇز جانە بۇرىش قوسىڭىز.  

28. ليمون شىرىنىنداعى سۋكيني

تازالاپ، مايدالانىپ تۋرالعان سۋكينيدى (200-300 گر) ەرىگەن سارى ماي (20-30گر) سالىنعان تاباعا سالىڭىز. دامىنە قاراي تۇزداپ، بۇرىش قوسىڭىز. ءبىر ليموندى سىعىپ، شىرىنىن قوسىپ، 5 مينۋت بويى قاقپاعىن جاۋىپ بۇقتىرىڭىز.

تىسكەباسار

كەلەسى تاعامداردى ءوزىن عانا جەۋگە نەمەسە باسقا تاعامدارعا قوسىپ تۇتىنۋعا بولادى. ولاردىڭ كوبىن جەڭىل كەشكى اس رەتىندە ۇسىنۋعا دا بولادى.

29. كەپتىرىلگەن مايشاباقتان جاسالعان پاشتەت

كەپتىرىلگەن مايشاباقتىڭ ءبىر سۇبەسىن الىڭىز نەمەسە بالىقتى ءوزىڭىز ازىرلەڭىز. ونى 200 گر سارى ماي، قارا ۇنتاقتالعان بۇرىش جانە ءبىر ليموننىڭ جۇمساعىن قوسىپ بلەندردىڭ كومەگىمەن مايدالاڭىز. وسىدان شىققان بىرتەكتى ماسسانى اينەك نەمەسە پلاستيك ىدىسقا سالىپ، بىرنەشە ساعات توڭازىتقىشقا قويۋ كەرەك. مايشاباق پاشتەتىمەن جانە بورودين نانىمەن ءدامدى بۋتەربرود جاساۋعا بولادى.

30. جاڭعاق قوسىلعان قىزىلشا

ءبىر ورتاشا قىزىلشانى ءپىسىرىڭىز. كوكونىس سۋىعان سوڭ، ونى تازالاپ، ورتاشا كوزدى ۇككىشتەن وتكىزىڭىز. تۇزداڭىز. ۇككىشپەن نەمەسە كوفە ۋاتقىشتىڭ كومەگىمەن گرەك جاڭعاعىن مايدالاڭىز. ونى قىزىلشاعا قوسىپ، ءزايتۇن مايىمەن ارالاستىرىپ، داستارحانعا قويىڭىز.

31. ىرىمشىك پەن سارىمساق قوسىلعان قىزاناق

2–3 بالعىن قىزاناقتى ورتاسىنان ءبولىڭىز. شاي قاسىقپەن وزەگىن الىپ تاستاڭىز. ەكى بالقىتىلعان ىرىمشىكتى ۇككىشتەن وتكىزىڭىز. ولار قولىڭىزعا جابىسىپ قالماۋ ءۇشىن الدىن الا توڭازىتقىشقا قويىپ قويىڭىز. ىرىمشىكتى سارىمساقتىڭ ەزىلگەن 2-3 بولىگىمەن ارالاستىرىڭىز. مايونەز قوسىڭىز. الىنعان ىرىمشىكتى ماسسامەن قىزاناقتى تولتىرىڭىز.

32. اششى ءسابىز

2 ورتاشا ءسابىز بەن، سارىمساقتىڭ بىرنەشە بولىگىن تازالاڭىز. بۇل تىسكەباساردىڭ اششىلىعىن ءوز قالاۋىڭىز بويىنشا تاڭداۋعا بولادى. ءسابىزدى ورتاشا كوزدى ۇككىشتەن وتكىزىپ، وعان ەزىلگەن سارىمساقتى قوسىڭىز. تۇزداپ، بۇرىش قوسىپ، مايونەزبەن ارالاستىرىڭىز. بۇل تىسكەباساردى بۋتەربوردىڭ ۇستىنە جاقسا بولادى نەمەسە نەمەسە جۇمىرتقانىڭ ىشىنە سالسا بولادى.

33. قارا ورىك قوسىلعان ءسابىز

100 گ قاراورىككە ىستىق سۋ قۇيىپ، 2-3 مينۋتقا قويىپ قويىڭىز. بۇل ۋاقىتتا 2 ءسابىزدى تازالاپ، ءىرى كوزدى ۇككىشتەن وتكىزىڭىز. قاراورىكتى تۋراپ، سابىزگە قوسىڭىز. وعان 30 گر ۋاتىلعان گرەك جاڭعاعىن قوسىپ، قايماقپەن ارالاستىرىڭىز. ەگەر قاراورىكتىڭ ءدامى قىشقىلداۋ بولسا، وندا ءبىر قاسىق قانت قوسىڭىز.

34. «ستۋدەنت» سالاتى

سالاتتىڭ اتاۋىنىڭ ءوزى ايتىپ تۇرعانداي، بۇعان از قوسپا قوسىلىپ، تەز دايىندالادى، ءارى قۇنارلى بولادى. بۇل سالاتتى تابيعات اياسىنا شىققان كەزدە دە تەز ازىرلەۋگە بولادى.

كونۆەرۆىدەگى جۇگەرى مەن ۇرمە بۇرشاقتىڭ سۋىن توگىپ تاستاڭىز. ۇرمەبۇرىشاقتىڭ قىزاناق تۇزدىعىنداعىسىن العان دۇرىس. ەكەۋىن شۇڭعىل ىدىسقا سالىپ، شۇجىق ءدامى بار كەپكەن نان قوسىپ، مايونەزبەن ارالاستىرىڭىز. قاجەتىنە قاراي تۇز بەن بۇرىش سالىڭىز.

35. المۇرت پەن انار سالاتى

1–2 المۇرتتى جۋىپ، ءتورتبۇرىشتاپ تۋراڭىز. قىزىل ءتاتتى پيازدى تۋراڭىز. وسىنىڭ ءبارىن ءبىر اناردىڭ داندەرىمەن ارالاستىرىڭىز. ونىڭ ۇستىنە مايدالاپ تۋرالعان كۇنزە، دامىنە قاراي تۇز جانە ۇنتاقتالعان قارا بۇرىش قوسىڭىز.  ءزايتۇن مايى مەن ليمون شىرىنىمەن ارالاستىرىڭىز. ديەتالىق سەرگىتكىش سالات دايىن.

36. قىزاناق پەن سۇزبە ىرىمشىك سالاتى

بىرنەشە قىزاناقتى جۋىپ، ءىرى-ىرى ەتىپ تۋراڭىز. سۇزبە ىرىمشىكتى ءتورتبۇرىشتاپ تۋراڭىز. سۇزبە ىرىمشىك ورنىنا فەتا ىرىمشىك نەمەسە موسارەللا قولدانۋعا بولادى. ءتاتتى قىزىل پيازدى ارشىپ، تۋراڭىز. وسى قوسپانىڭ ءبارىن بىرىكتىرىپ، ازداپ تۇز سەۋىپ، ءزايتۇن مايىمەن ارالاستىرىڭىز.

37. شالعام مەن قىزاناق قوسىلعان سالات

2–3 قىزاناق پەن 3-4 شالعامدى تازالاپ، ءىرى-ىرى ەتىپ تۋراڭىز. ءتاتتى قىزىل پيازدى ارشىپ، جارتى ساقينا تۇرىندە تۋراڭىز. وسى قوسپالاردىڭ ءبارىن ارالاستىرىپ، سالاتقا ءبىر اس قاسىق شاراپ سىركە سۋىن، 4 اس قاسىق ءزايتۇن مايىن، ½ شاي قاسىق قۇراق قانتىن، تۇز جانە ۇنتاقتالعان قارا بۇرىش قوسىڭىز.

38. اناناس پەن بالدىركوك قوسىلعان سالات

ءبىر كوك الما مەن 100 گر بالدىركوكتى ءىرى كوزدى ۇككىشتەن وتكىزىڭىز. كونسەرۆىدەگى اناناستىڭ سۋىن توگىپ تاستاپ، ءتورتبۇرىشتاپ تۋراڭىز. بارلىق قوسپانى قوسىپ، دامىنە قاراي تۇزداپ، مايونەزبەن ارالاستىرىڭىز. قالاۋىڭىز بويىنشا ۋاتىلعان كەشيۋ نەمەسە بادام قوسۋعا بولادى.

39. اقسەركە مەن كيۆي قوسىلعان سالات

كيۆيدى، بولگار بۇرىشىن (داندەرىن الىپ تاستاۋدى ۇمىتپاڭىز) جانە از تۇزدالعان اقسەركە سۇبەسىن تازالاپ، ءىرى-ىرى ءتورتبۇرىشتاپ تۋراڭىز. ءبىر ورتاشا باس پيازدى جارتىلاي ساقينالاپ تۋراڭىز.  بارلىق قوسپانى ارالاستىرىپ، ءبىر اس قاسىق ءزايتۇن مايى مەن ءبىر اس قاسىق ليمون سىعىندىسىن قوسىڭىز. ءبىر شىمشىم تۇز، قانت جانە قارا بۇرىش قوسىڭىز. ارالاستىرىڭىز.

40. ىستىق مايداعى قوزىقۇيرىق

200–300 گر قوزىقۇيرىقتى جۇقالاپ، ۇزىنشالاپ تۋراڭىز دا، تۇزداپ بىرنەشە مينۋتقا قويىپ قويىڭىز. وعان دەيىن تاباعا ماي قۇيىپ، قىزدىرىڭىز. قوزىقۇيرىقتىڭ ءار بولىگىن ۇنعا اۋناتىپ، قىزىپ تۇرعان مايعا قۋىرىڭىز. دايىن استى ىستىق كۇيىندە نەمەسە سالقىن كۇيىندە جەي بەرۋگە بولادى.  

41. اقسەركە مەن اۆوكادو جاعىلعان نان

قارا ناندى تۋراڭىز (3 × 3 سم كولەمىندە). ولارعا كىلەگەيلى ىرىمشىكتەن جاعىڭىز. ءار تىلىمگە پىسكەن اۆوكادونىڭ ءبىر تىلىگىنەن جانە از تۇزدالعان اقسەركەنىڭ ءبىر كەسىمىن قويىڭىز. اقسەركەنىڭ ورنىنا البىرت نەمەسە الابالىق تا بولا بەرەدى.

42. تاۋىق ناگگەتسى

تاۋىقتىڭ ءتوس ەتىن ءتورتبۇرىشتاپ تۋراپ، ولاردىڭ ءارقايسىن تۇز قوسىپ ارالاستىرىلعان جۇمىرتقاعا اۋناتىپ الىپ، وسىمدىك مايىنا قۋىرىڭىز. ناگگەتستەردى ىدىستارعا سالىپ، جانىنان قيار مەن قىزاناق تۋراپ قويىڭىز.

دەسەرتتەر

بارلىق دەسەرتتەر ءۇشىن بىرنەشە ساعات پەشتىڭ جانىندا تۇرۋدىڭ كەرەگى جوق. تەز دايىندالىپ، ءدامى جاعىنان باسقالاردان قالىسپايتىن دەسەرت تۇرلەرى دە بار.

43. تاڭقۋراي بالمۇزداعى

500 گر مۇزداتىلعان تاڭقۋرايعا ءبىر ستاقان مايلى سالقىن كىلەگەي، ½ ستاقان قانت ۇلپاسى جانە شاي قاسىق ۆانيل قوسىپ، بلەندەرمەن ارالاستىرىڭىز. بۇدان ەرىگەن بالمۇزداققا ۇقسايتىن قويۋ سالقىن قوسپا شىعادى.  سولاي جەۋگە دە بولادى نەمەسە ءبىراز ۋاقىتقا مۇزداتقىشقا قويىپ قويۋعا دا بولادى. ەگەر توڭازىتقىشىڭىزدا قاتتى توڭازىتۋ قىزمەتى بولسا، ءبارى بۇدان دا تەز بولاى.

44. سۇزبە-قۇلپىناي دەسەرتى

ءبىر قوراپشا سۇزبە مەن 100 گر جاڭا پىسكەن قۇلپىنايدى بلەندەرمەن نەمەسە ميكسەرمەن ارالاستىرىڭىز. ەگەر سۇيىق بولىپ كەتسە، بانان قوسىڭىز. ال ءتاتتىسى از بولسا، بىرنەشە شاي قاسىق قانت ۇلپاسىن قوسىڭىز.

45. شاشكەدەگى شوكولادتى كەكس

تەز دايىندالاتىن شاشكەدەگى دەسەرتتەردىڭ ءتۇرى وتە كوپ. مىنە سولاردىڭ ءبىرى. 2 اس قاسىق سارى مايدى ەرىتىپ (قىسقاتولقىندى پەشتە 20-30 سەكۋند ۇستاساڭىز جەتكىلىكتى) وعان 2 اس قاسىق قانت، ½ شاي قاسىق ۆانيلين جانە شىمشىم تۇز سالىڭىز. شاشكەگە جۇمىرتقانىڭ سارى ۋىزىن قۇيىپ، ءبارىن ارالاستىرىڭىز. وعان ءبىر اس قاسىق كاكاو قوسىپ ارالاستىرىلعان 4 اس قاسىق ۇن قوسىڭىز. قامىردى شوكولادتىڭ بىرنەشە بولىكتەرىمەن ارالاستىرىپ، قىسقاتولقىندى پەشكە 3 مينۋتقا قويىڭىز.

46. جاڭعاق تورتى

3 جۇمىرتقانى ۇنتاقتالعان ورمان جاڭعاعى نەمەسە بادام جاڭعاعىمەن ارالاستىرىڭىز. وعان 100 گر قانت ۇلپاسى مەن ءبىر شاي قاسىق قوپسىتقىش قوسىڭىز. تاعى دا جاقسىلاپ ارالاستىرىڭىز. قىسقاتولقىندى پەشكە ارنالعان شاعىن اينەك ىدىستى مايلاپ، ۇن سەبىڭىز. وعان قامىردى قۇيىپ، قىسقا تولقىندى پەشتە بارلىق قۋاتىمەن 5 مينۋت ءپىسىرىڭىز. دايىن نانعا سارى ماي قوسىلىپ كوپسىتىلگەن قايناتىلعان قويىلتىلعان ءسۇت نەمەسە كەز-كەلگەن باسقا كرەمدى جاعىڭىز. 

47. انار قوسىلعان اپەلسين

2 اس قاسىق قۇراق قانتى قوسىلعان ءبىر ستاقان اپەلسين شىرىنىن قايناتۋعا دەيىن جەتكىزىڭىز. سودان كەيىن الدىن الا سۋىق سۋمەن ارالاستىرىپ قويعان 2 اس قاسىق كراحمال قوسىڭىز. ارشىلعان اپەلسيندى ساقينا ءتارىزدى ەتىپ تۋراپ، شۇڭقىر ىدىسقا اراسىنا انار داندەرىن سەبە وتىرىپ جانە ىستىق اپەلسين شىرىنان قۇيا وتىرىپ قاباتتاپ ورنالاستىرىڭىز.

48. دارشىن مەن بال قوسىلعان گرەيپفرۋت

بىرنەشە گرەيپفرۋتتى جۋىپ، ورتاسىنان ءبولىڭىز. ءار جارتىسىنا قوڭىر قانت، دارشىن (ءبىر شاي قاسىق مولشەرىندە) سەۋىپ، بال قۇيىڭىز. ونى قاعاز توسەلگەن تاباعا ورنالاستىرىپ، 200 گرادۋسقا دەيىن قىزدىرىلعان پەشتە 5 مينۋت ءپىسىرىڭىز.

49. شوكولادتى ماندارين بولىكتەر

ءوزىڭىز ۇناتاتىن سۇيىكتى شوكولادىڭىزدى سۋ بۋىندا نەمەسە قىسقاتولقىندى پەشتە ەرىتىڭىز. ءمانداريندى ارشىپ، بىرنەشە بولىكتەرىن اجىراتىڭىز. ونىڭ ءارقايسىن ەرىگەن شوكولادقا باتىرىپ الىپ ۇساقتالعان جاڭعاققا، مىسالى بادام نەمەسە ورمان جاڭعاعىنا اۋناتىپ الىڭىز. سۋىعان سوڭ، داستارحانعا قويىڭىز.

50. بانان قايىعى

ءبىر ءىرى باناندى تازالاپ، ورتاسىن ازداپ الىپ، كولدەنەڭنەن كەسىڭىز. ونى مارشمەللوۋمەن تولتىرىپ، ۇگىتىلگەن شوكولاد پەن ءدام قابىق قوسىپ، بال قۇيىڭىز. باناندى فولگامەن وراپ، الدىن الا 200 گرادۋسقا دەيىن قىزدىرىلعان پەشكە 5 مينۋتقا قويىپ الىڭىز.

---