قاراعاندىدا 342 مىڭ تەڭگەگە جوعارى ءبىلىم الۋعا بولادى
قازاقستاننىڭ ەڭ ءىرى ۋنيۆەرسيتتەرىنىڭ ءبىرى - اكادەميك ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتى ءتورت جىلدىق كۋرس وقىپ، 342 مىڭ تەڭگەگە جوعارى ءبىلىم الۋدى ۇسىنادى.
«زاڭ، ەكونوميكا جانە گۋمانيتارلىق ماماندىقتار بويىنشا كۇندىزگى وقۋ اقىسى وتكەن جىلى دا، بيىل دا وزگەرگەن جوق. سومانىڭ ۇلعايۋى دا مۇمكىن. ءبىراق، ازىرگە وعان ەش نەگىز جوق»، - دەپ حابارلادى ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ قابىلداۋ كوميسسياسى.
سىرتتاي وقۋ اقىسى ارزانىراق - 198 مىڭ تەڭگە. دايارلاۋ جۇمىستارى باكلاۆارياتتا 75 ماماندىق بويىنشا، ماگيستراتۋرادا - 51، PhD دوكتورانتۋراسىندا - 12 ماماندىق بويىنشا جۇرگىزىلەدى. بۇگىندە وقۋ ورنىنىڭ 12 فاكۋلتەتىندە 10 مىڭنان استام ستۋدەنت، ماگيسترانتتار جانە دوكتورانتتار وقيدى.
قابىلداۋ كوميسسياسىنىڭ جاۋاپتى حاتشىسى سايات قۇرىمبايەۆتىڭ ايتۋىنشا، ستۋدەنتتەردى تارتۋ ءۇشىن 15 ءساۋىر كۇنى جوو رەكتوراتى مەكتەپ جانە كوللەدج تۇلەكتەرىن، اتا-انالار مەن مۇعالىمدەردى اشىق ەسىك كۇنىنە شاقىرادى.
قاراعاندىنىڭ تاعى ءبىر بەدەلدى وقۋ ورنى - مەملەكەتتىك تەحنيكالىق ۋنيۆەرسيتەتتە كۇندىزگى وقۋ اقىسى 346 مىڭ تەڭگەنى قۇرايدى. سىرتتاي تەحنيكالىق ماماندىقتى 246 مىڭ تەڭگەگە الۋعا بولادى.
You Might Also Like
-
مالىمەتتەر بازاسى كەيبىر قولدانبالى اقپاراتتىق جۇيەدە قولدانىلاتىن دەرەكتەردى قامتيدى. مىسالى: ’سيرەنا’ نەمەسە ’ەكسپرەسس’ اۆيا جانە تەمىرجول بيلەتتەرىن ساتۋ سيستەماسى. ءمالىم...
-
وڭتۇستىك قازاقستان وبلىسى، ماقتاارال اۋدانى №121 جالپى ورتا مەكتەبىنىڭ 6-سىنىپ وقۋشىسى: تولەبايەۆ باقداۋلەت جەتەكشىسى: كوسكارايەۆا گۋلنار نابييەۆنا
