6،2 مىڭ اقتوبەلىك وقۋشى قازاقستاننىڭ كيەلى جەرلەرىنە ساياحات جاسايدى
6 200 اقتوبەلىك وقۋشى قازاقستاننىڭ كيەلى جەرلەرىنە ساياحات جاسايدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا اقتوبە وبلىسىنىڭ اكىمى بەردىبەك ساپاربايەۆ ايتتى.
ونىڭ ايتۋىنشا، اقتوبە وبلىسىندا ق ر پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ» باعدارلامالىق ماقالاسىندا ۇسىنىلعان «قازاقستاننىڭ كيەلى جەرلەرىنىڭ گەوگرافياسى» جوباسىن ىلگەرىلەتۋدىڭ جۇمىستارى بەلسەندى جۇرگىزىلۋدە. جوبا اياسىندا نەگىزگى كورىكتى جەرلەردى، تاريحي نىساندار مەن وبلىستىڭ مادەنيەتىن سيپاتتايتىن كارتالار، كىتاپشالار، جولنۇسقاسى جاسالدى. سونىڭ نەگىزىندە جاڭا تۋريستىك مارشرۋتتار قۇرىلدى، ولاردىڭ ىشىندە قازاقستاننىڭ ءجۇز جالپىۇلتتىق كيەلى جەرلەرى مەن كەشەندەرى تىزىمىنە كىرگەن نىساندارىمەن جۇرەتىن «تۋعان جەر» مارشرۋتى بار.
«باستى نازار بالالاردى ۇلت تاريحى مەن مادەنيەتىنە تارتۋعا اۋدارىلۋدا. وتكەن جىلى 5 مىڭ اقتوبەلىك وقۋشىلار استانا، الماتى، جامبىل، وڭتۇستىك قازاقستان، قىزىلوردا وبلىستارى مەن تۋعان ولكەلەرىندەگى قاسيەتتى جانە كيەلى جەرلەرگە ەكسكۋرسيالىق ساياحات جاساپ قايتتى. بيىلعى جىلدىڭ باسىنان بەرى وسىنداي ەكسكۋرسيالاردىڭ ارقاسىندا 2 300 بالاعا تاريحي-مادەني مۇرالار تانىستىرىلدى، جىل سوڭىنا دەيىن تاعى 3 900 وقۋشىعا جولدامالار بەرىلەدى»، - دەدى ءوڭىر باسشىسى.
ول تەگىن جولدامالاردىڭ از قامتىلعان وتباسىلاردىڭ جانە وقۋدا، ءتۇرلى ينتەللەكتۋالدىق، سپورتتىق جانە شىعارماشىلىق بايقاۋلاردا جەتىستىككە جەتكەن بالالارعا بەرىلەتىندىگىن ناقتىلادى. سونىمەن قاتار «قازاقستاننىڭ كيەلى جەرلەرىنىڭ گەوگرافياسى» جوباسىنىڭ جەرگىلىكتى جانە حالىقارالىق دەڭگەيدەگى الاڭداردا وبلىستىڭ تۋريستىك الەۋەتىن ىلگەرىلەتۋدىڭ، سونىمەن قاتار تاريحي جانە مادەني مۇرا نىساندارىن ساقتاۋ مەن دامىتۋدىڭ مىقتى قۇرالىنا اينالعانىن اتاپ ءوتتى.
«بيىل ەجەلگى قورعانداردى ودان ءارى زەرتتەۋ ءۇشىن شالقار جانە بايعانين اۋداندارىنداعى ارحەولوگيالىق قازبالار جالعاسادى. سونداي-اق، «رۋحاني جاڭعىرۋ» باعدارلاماسى اياسىندا جاستاردىڭ «حان قورىعى» تۋريستىك فەستيۆالى وتەدى»، - دەدى وبلىس اكىمى.
قازاقپارات
You Might Also Like
-
بال اشتىرام دەپ كەمپىردى ءولتىرىپ العان باياعى حان، نە ىستەرىن بىلمەي، قازى-بيلەرى بولىپ جينالىپ، اقىل تابا الماي، سول كۇنگە دەيىن داعدارىپ وتىر ەكەن دەسەدى. اقىرىندا ءبىر قازىسى:
