ابىلايدىڭ ىزدەتتىرۋى
ابىلاي دا ەسكەلدىنى ەس تۇتقان. بىردە قالماق باسقىنشىلارى جاۋىنگەرلەرىنىڭ جويقىندىعىن، ءدۇبىرلى ەكەندىگىن سەزگەن ابىلاي ساربازدارىنا:
— قىسپاققا تۇسكەلى تۇرمىز-اۋ، باس كوتەرەر ەر ازاماتتى تۇگەل جيناڭدار. وسى ماڭدا ءوزى باتىر، ءوزى مەرگەن، اقىلى العىر، سوزگە شەشەن، ەلگە كوسەم، ۇلى ءجۇز جالايىرىنىڭ ەسكەلدى اتتى ازاماتى بار. سول باتىردى الدىرىپ، ءبىر جاساققا قولباسى جاساڭدار، — دەپ نۇسقاۋ بەرەدى.
ەسكەلدىنىڭ دە تەپسە تەمىر ۇزەتىن، ايبىندانسا، وردا بۇزاتىن كەزى ەكەن. ابىلاي حان قولقا سالعان سوڭ، ەسكەلدى قاپتاعان جاۋ جاساعىنا تويتارىس بەرۋگە بىردەن اتتانادى. قالماقتاردىڭ العى توبىنىڭ قالىڭ شەبىنە قىرعيداي ءتيىپ، بەكىنىستەرىن تالقانداپ، جەڭىسكە جەتەدى.
ەسكەلدى باستاعان ەل قورعاۋشىلار ىلە، باقاناس بويىندا دا جوڭعارلاردىڭ جويقىن كۇشىنە قارسى شىعىپ، قاسكويلەردى كەيىن ىعىستىرىپ، ەلى مەن جەرىن ازات ەتكەن. قابانباي باتىردىڭ جاۋىنگەر توبىنا قوسىلىپ، جوڭعارلاردىڭ ەسىن جيعىزباي قاتتى سوققى بەرىپ، شەكارادان اسىرا قۋعان. ىلە وزەنىنىڭ سولتۇستىك جاعالاۋى مەن بالقاش كولىنىڭ بويىنداعى، تەكەلى تاۋى مەن قاپال قىرىنداعى جوڭعار شاپقىنشىلارىن تالقانداۋدا دا ەسكەلدى باستاعان ساربازدار ەرلىگىمەن تانىلعانى ەستە ساقتالعان شەجىرەلەردىڭ ارقاۋىنا اينالعان.
وقۋعا كەڭەس بەرەمىز:
You Might Also Like
-
بۇكىل كىشى ءجۇز جاڭا قونىسقا قازىرگى قازالى وڭىرىنە كو ءشىپ كەلىپ ورنالاسا باستاعاندا ايتەكە بي وزىنە قاراستى اعايىن-تۋىس، تۋمالارىمەن بۇقارانىڭ ماڭىن قىستاپ قالادى. ول جەردە قالۋىنىڭ ءمانىسى: ءبىر شەت...
-
امەريكاندىق الەۋمەتتانۋدا 1920 جىلدارى دۇنيەگە كەلگەن مارگينالدىق كونسەپسياسى 80 جىلدان استام ۋاقىت بويى بۇل عىلىمدا ءوزىنىڭ ماڭىزىن ساقتاپ قانا قويماي، فيلوسوفتاردىڭ، مادەنيەتتانۋشىلاردىڭ، ەكونوميس...
