InfoHub Logo

ادامزات دامۋ جولىندا ءاردايىم مەيىرىم مەن ادامگەرشىلىك ۇعىمدارىن ەڭ اسىل قۇندىلىقتار رەتىندە باعالاپ كەلدى. ءبىراق بۇگىنگى جاھاندانۋ داۋىرىندە ادامدار اراسىنداعى قارىم-قاتىناس سالقىنداي ءتۇستى، مەيىرىمدىلىك ورنىن وزىمشىلدىك، نەمقۇرايلىلىق جانە قاتىگەزدىك باسىپ كەلەدى. بۇل وزگەرىستى كوپشىلىك اڭعارىپ وتىر، ءبىراق ونىڭ سەبەپتەرى مەن سالدارىن تەرەڭ ءتۇسىنۋ اركىمنىڭ مىندەتى ەمەس. وسى ماقالادا ءبىز ادامداردىڭ نەگە مەيىرىمسىز بولىپ بارا جاتقانىن سارالاپ، سەبەپ-سالدارىن جانە ونى ەڭسەرۋدىڭ مۇمكىن جولدارىن قاراستىرامىز.

مەيىرىمسىزدىك — باسقا ادامنىڭ سەزىمىن ەلەمەۋ، وعان جاناشىر بولماۋ، قيىن جاعدايىندا قول ۇشىن سوزباۋ سەكىلدى كورىنىستەر ارقىلى بايقالادى. بۇل قاسيەت قوعامدا جايىلعان سايىن ءوزارا سەنىم ازايىپ، ادامدار بىر-بىرىنە جاتىرقاي قاراي باستايدى. مەيىرىمسىزدىك تەك اشىق اگرەسسيا تۇرىندە ەمەس، بەيجايلىق، سۋىق سوزدەر مەن ارەكەتتەر ارقىلى دا بىلىنەدى.

XXI عاسىر — اقپارات پەن تەحنولوگيا عاسىرى. الەۋمەتتىك جەلىلەر، مەسسەندجەرلەر ادامداردىڭ بىر-بىرىمەن شىنايى بايلانىس ورناتۋىنا كەدەرگى كەلتىردى. ەكراننىڭ ار جاعىنداعى ديالوگتاردا ەموسيا تولىق جەتكىزىلمەيدى. ناتيجەسىندە ەمپاتيا قابىلەتى تومەندەپ، ادامنىڭ باسقانىڭ جاعدايىن سەزىنۋى ازايادى. جاساندى ينتەللەكتپەن قارىم-قاتىناس ارتقان سايىن ادام مەن ادام اراسىنداعى جاندى بايلانىس سيرەي تۇسەدى.

قازىرگى ءومىر سالتى — ۇنەمى اسىعىستىق پەن ماقسات قۋعان كۇيزەلىس ۇستىندە ءوتىپ جاتىر. ادامداردا باسقاعا كوڭىل بولۋگە، قايىرىم جاساۋعا ۋاقىت تا، كۇش تە قالمايدى. ءوز ماسەلەلەرىنە كومىلىپ، باسقاعا مەيىرىم تانىتۋ "ارتىق كۇش" بولىپ كورىنەدى. سترەسس – مەيىرىمنىڭ ەڭ ۇلكەن جاۋى.

وتباسىلىق قۇندىلىقتار مەن داستۇرلەردىڭ بوساۋى — مەيىرىمدىلىك داعدىلارىنىڭ ۇمىت بولۋىنا اكەلدى. بۇرىنعى قازاقى تاربيە — ۇلكەندى قۇرمەتتەۋ، كىشىگە قامقور بولۋ، جەتىم مەن جەسىرگە سۇيەۋ بولۋ – بۇگىنگى تاڭدا سيرەك كورىنىس تاپقان قۇبىلىسقا اينالىپ وتىر. بالالار ماتەريالدىق يگىلىكتەرگە ءۇيىر بولىپ وسەدى، ال رۋحاني قۇندىلىقتارعا باسىمدىق بەرىلمەيدى.

ادىلەتسىزدىك پەن تەڭسىزدىك ادامداردىڭ جۇرەگىنە رەنىش پەن اشۋ ۇيالاتادى. بىرەۋ ادىلەتسىزدىك كورگەن سايىن، اينالاعا دەگەن سەنىمى ازايادى، جاناشىرلىق ورنىنا وشپەندىلىك قالىپتاسادى. اسىرەسە كەدەي مەن باي اراسىنداعى الشاقتىق ۇلكەيگەن سايىن، ءوزارا تۇسىنىستىك پەن مەيىرىم سيرەي تۇسەدى.

بۇگىنگى قوعامدا تابىس، اتاق، بيلىك باستى ماقساتتارعا اينالدى. رۋحاني قۇندىلىقتار ەكىنشى ورىنعا ىعىستى. "نەعۇرلىم كوپ السام" دەگەن ۇستانىم — ادامداردىڭ بىر-بىرىنە دەگەن مەيىرىمىن تۇنشىقتىردى. پايداكۇنەمدىك پەن وزىمشىلدىك قالىپتى قۇبىلىس رەتىندە قابىلدانىپ جاتىر.

مەيىرىمدىلىك ازايعان سايىن قوعامدا:

سەنىمسىزدىك كۇشەيەدى،جالعىزدىق ماسەلەسى ارتادى،سۋيسيد پەن پسيحولوگيالىق اۋرۋلار كوبەيەدى،قىلمىس پەن زورلىق-زومبىلىق دەڭگەيى جوعارىلاپ اەۋمەتتىك بايلانىستار السىرەيدى.

بۇل ءوز كەزەگىندە قوعامنىڭ تۇراقسىزدانۋىنا جانە بولاشاقتىڭ بۇلىڭعىرلانۋىنا الىپ كەلەدى.بالالاردى كىشكەنتايىنان مەيىرىمدىلىككە، جاناشىرلىققا باۋلۋ قاجەت. بۇل اتا-انانىڭ باستى مىندەتى. "بىرەۋگە جاقسىلىق جاساۋ — وزىڭە جاقسىلىق" ەكەنىن ۇيرەتۋ ماڭىزدى.

مەديا مەن مادەنيەت سالاسىندا ادامگەرشىلىك پەن قايىرىمدىلىقتى ناسيحاتتايتىن فيلمدەر، باعدارلامالار، جوبالار كوبەيتۋ كەرەك. قوعامدا مەيىرىمدى ادامداردىڭ بەينەسىن يدەال رەتىندە كورسەتۋ ءتيىمدى بولماق.الەۋمەتتىك ادىلەتتىلىكتى قامتاماسىز ەتۋ

بيلىك ورگاندارى حالىقتىڭ ءال-اۋقاتىن كوتەرۋگە، ءادىل مۇمكىندىكتەر جاساۋعا، تەڭدىك ورناتۋعا كۇش سالۋى ءتيىس. ادىلەتسىزدىك جويىلعان جەردە مەيىرىمگە ورىن تابىلادى.

ءار ادام اينالاسىنداعى ادامدارعا جىلى ءسوز ايتۋ، كومەك قولىن سوزۋ، كىشكەنتاي ىزگى ارەكەتتەر جاساۋ — قوعامدى وزگەرتۋ جولىنداعى العاشقى قادام.

ادامزات تابيعاتىنان مەيىرىمدى. ءبىراق قوعامنىڭ جىلدام وزگەرۋى، ماتەريالدىق دۇنيەنىڭ العا شىعۋى سياقتى فاكتورلار جۇرەكتەگى جىلۋدى مۇزداتتى. ەگەر ءبىز وسى وزگەرىستەرگە قارسى تۇرىپ، ءارقايسىمىز ءوز ىشكى مەيىرىمدىلىگىمىزدى ساقتاساق، قوعامدى دا، بولاشاقتى دا جارقىن ەتە الامىز. مەيىرىمدىلىك — ادام بالاسىنىڭ ەڭ ۇلى كۇشى. سول كۇشتى جوعالتپاۋ – ءارقايسىمىزدىڭ بورىشىمىز.

اۆتور: بەردالى وراز عابيت ۇلى(جۋرفاك 3 كۋرس ستۋدەنتى)