اكە كورگەن وق جونار
“اكە كورگەن وق جونار،
شەشە كورگەن تون پىشەر، - دەيدى دانا قازاق. ادام بويىنداعى بارلىق ادامي قاسيەتتەر مەن رۋحاني قۇندىلىقتار وتباسىنان باستالادى. سول سەبەپتەن “اكە، انا” سوزدەرى ادامزات ءۇشىن ەڭ ءقادىرلى سوزدەر بولسا كەرەك. كوپ جەردە انانىڭ ورنى بولەك ەكەنىن، ول بارىنەن بيىك تۇراتىنىن ەستىپ جاتامىز. “اكەنىڭ جاقىندىعى جەزدەدەي اق” دەگەندىدە ەستىپ، كورىپ جۋرگەن بولارسىز. ءبىراق مەن بۇل ماقالمەن كەلىسپەيمىن. سەبەبى، مەن ءۇشىن اسقار تاۋ اكەم بارىنەن بيىك. ءيا، مەن اكەمنىڭ قىزىمىن. جانە مەنىڭ ويىمشا، بارلىق قىز بالاعا، اكەسىنىڭ مەيىرىمى، قامقورلىعى، تاربيەسى ماڭىزدى.
اكەمنىڭ سوزدەرى ماعان قانات بەرەتىن، جىگەرلەندىرەتىن. سول سوزدەردىڭ ارقاسىندا العا ۇمتىلۋدى، بىرەۋدىڭ الا ءجىبىن اتتاماۋدى، سابىر ساقتاۋدى جانە ەڭ باستىسى قۇدايدان كۇدەر ۇزبەۋدى ۇيرەندىم. “ادامعا ايتساڭ كۇلەدى، اللاحقا ايتساڭ بىلەدى” - دەيدى عوي. وسە كەلە وسى سوزدەردىڭ بارىنە ءمان كىرگەندەي بولادى. اكەم ۇنەمى، ”قىزىم ەشكىمگە ءالسىز تۇسىڭدى كورسەتپە”، “قينالىپ تۇرساڭ، اللادان كومەك سۇرا” دەپ ايتىپ وتىراتىن. كىشكەنتاي بولسامدا، قۇدايعا جاقىن بولدىم، ونىڭ بار جانە ءبىر ەكەنىنە سەندىم. بارلىق اۋىرتپاشىلىقتى اللانىڭ سىناعى دەپ سابىرلىقپەن قاراۋدى ۇيرەندىم. مىنە، وسى ءۇشىن مەنىڭ اكەمە ايتار العىسىم شەكسىز. بالالاردىڭ ەر مىنەزدى، نامىسشىل بولۋىنداعى اكە تاربيەسى ۇلكەن ءرول اتقارادى. سول ۇشىندە قازىرگى اكەلەرگە ايتىلار سىن جوعارى. ەلىمىزدەگى ءار ءبىر ادام ءبىزدىڭ بولاشاعىمىزدىڭ ايناسى. بولاشاعىمىز بۇلىڭعىر ەمەس، اشىق ءارى جارقىن بولۋى ءۇشىن، تاربيەنى وزىمىزدەن باستايىق!
تۇرعانبەك قىزى اسەل
You Might Also Like
-
ءدىن ءاربىر حالىق مادەنيەتىنىڭ رۋحاني نەگىزى بولىپ تابىلادى. بۇگىنگى تاڭدا اركىم ءوزىنىڭ دىنىنە، سەنىمىنە بەرىك بولا وتىرا ادامزاتتىق، وركەنيەتتىك سانانى قالىپتاستىرادى. ءقازىر مەملەكەتىمىزدە ءارتۇرلى ك...
-
قايىم مۇحامەدحان ۇلى 1916 جىلى 5 قاڭتاردا سەمەيدە تۋعان. اكەسى مۇحامەدحان سەمەيدە شىعاتىن «سارىارقا» گازەتىنە، «اباي» جۋرنالىنا مەسەناتتىق كومەك جاساپ تۇرعان (وسى جۋرنالدىڭ 7...
