InfoHub Logo

1958 جىلى  21 مامىردا  كسرو جوعارى ءبىلىم مينيسترلىگىنىڭ جارلىعى نەگىزىندە  قازاق سسر تاريحى  كافەدراسى  سول كەزدەگى قازاق مەملەكەتتىك ۋنيۆەرسيتەتىنىڭ رەكتورى ت. دارقانبايەۆتىڭ جارلىعىمەن 1958 جىلى 30 قىركۇيەكتە قۇرىلدى. كافەدرا قۇرىلعان 1958 جىلدان باستاپ 1966 جىلعا دەيىن كورنەكتى تاريحشى قازسسر عىلىم اكادەمياسىنىڭ كوررەسپوندەنت مۇشەسى، تاريح عىلىمدارىنىڭ دوكتور، پروفەسسور ەرمۇحان بەكماحان ۇلى بەكماحانوۆ باسقارىپ، كافەدرانىڭ دامۋىنا زور ەڭبەك سىڭىرگەن.  سول كەزدەن بەرى كافەدرانى باسقارعان بىرنەشە باسشىلار بولدى. اتاپ ايتساق، 1967-1970 جىلدارى تاريح عىلىمدارىنىڭ كانديداتى، دوسەنت حابييەۆ حاكىم، 1971-1980 جىلدارى تاريح عىلىمدارىنىڭ دوكتورى، پروفەسسور كەنجەبايەۆ ساكەن ماماجانوۆيچ، 1981 جىلدان كافەدرا مەڭگەرۋشىلىگىنە تاريح عىلىمدارىنىڭ دوكتورى، پروفەسسور قادىر جامانبايەۆيچ جامانبايەۆ، 1987-2001 جىلدارى تاريح عىلىمدارىنىڭ دوكتورى، پروفەسسور د.ي. دۋلاتوۆا. 2001 جىلدان باستاپ تاريح عىلىمدارىنىڭ دوكتورى، پروفەسسور تالاس وماربەك ۇلى وماربەكوۆ قولىنا الادى. ال، 1997-2003 جىلدار ارالىعىندا «قازاقستاننىڭ جاڭا جانە قازىرگى زامان تاريحى» كافەدراسىن تاريح عىلىمدارىنىڭ دوكتورى، پروفەسسور مامبەت قۇلجاباي ۇلى قويگەلدييەۆ باسقارادى. 2003 جىلى كافەدرا مەڭگەرۋشىلىگىنە تاريح عىلىمدارىنىڭ دوكتورى، پروفەسسور قۋانىش سۇلەيمەن ۇلى قاراجان كەلەدى. 2011-2016 جىلدار ارالىعىندا پروفەسسور ت.وماربەكوۆ باسقاردى. 2016 جىلدان  كافەدرا مەڭگەرۋشىسى قىزمەتىن تاريح عىلىمدارىنىڭ دوكتورى، پروفەسسور، ق ر ۇعا كوررەسپوندەنت-مۇشەسى بەرەكەت باحىتجان ۇلى كارىبايەۆ اتقارىپ كەلەدى.

تاريح، ارحەولوگيا جانە ەتنولوگيا فاكۋلتەتى قۇرىلىمىندا جەتەكشى ورىن الاتىن قازاقستان تاريحى كافەدراسى 1993 جىلى تاريحي حرونولوگيالىق كەزەڭدەرگە سايكەس بىرنەشە كافەدرالارعا ءبولىنىپ كەتتى. ولار 2017 جىلدان باستاپ قازاقستاننىڭ ەجەلگى جانە ورتاعاسىرلار تاريحى، قازاقستاننىڭ جاڭا جانە قازاقستان رەسپۋبليكاسىنىڭ تاريحى كافەدرالارىن بىرىكتىرۋ نەگىزىندە قازاقستان تاريحى كافەدراسى بولىپ قايتا قۇرىلدى.

2013 جىلدىڭ تامىز ايىنان كافەدرا جانىندا ورتالىق ازياداعى ءداستۇرلى وركەنيەتتەردى زەردەلەيتىن رەسپۋبليكالىق ورتالىق عىلىمي-زەرتتەۋ جۇمىسىن جۇرگىزۋدە.

بۇگىنگى كۇندەرى كافەدرا تۇركيا، جۇڭگو، جاپونيا، پولشا، گەرمانيا، رەسەي ت.ب مەملەكەتتەردىڭ الدىڭعى قاتارلى جوعارعى وقۋ ورىندارىمەن بايلانىس ورناتىپ، ءبىلىم بەرۋدىڭ عىلىم سالاسىنداعى زاماناۋي ۇدەرىستەرگە ءوز ۇلەسىن قوسۋدا.

ب. س. سايلان  ت.ع.دوكتورى.، ءال-فارابي اتىنداعى ءقازۇۋ-نىڭ تاريح، ارحەولوگيا جانە ەتنوگرافيا فاكۋلتەتىنىڭ  پروفەسسورى،

گ. د. چابدەنوۆا ماگيسترانت، ءال-فارابي اتىنداعى ءقازۇۋ-نىڭ تاريح، ارحەولوگيا جانە ەتنوگرافيا فاكۋلتەتى

---