ءال-فارابي اتىنداعى قازۇۋ ستۋدەنتتەرى "ۇلاعاتتى ۇستاز" اتتى تالقىلاۋ شاراسىن وتكىزدى
ءال-فارابي اتىنداعى ءقازۇۋ-نىڭ پروفەسسورى ت.ح. عابيتوۆتىڭ شىعارماشىلىعىن تالداۋ ماقساتىندا، 2ء-شى كۋرس "مادەنيەتتانۋ" ماماندىعىنىڭ ستۋدەنتتەرى "ۇلاعاتتى ۇستاز" اتتى تالقىلاۋ شاراسىن وتكىزدى. شارا بارىسىندا ستۋدەنتتەر پروفەسسور ت.ح. عابيتوۆتىڭ ەڭبەكتەرىن تالقىلاپ، پروفەسسور ومىربايانىمەن تانىسىپ شىقتى.
ت.ح. عابيتوۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى، فيلوسوفيا عىلىمىنىڭ دوكتورى، ق ر عا اكادەميگى، مادەنيەتتانۋ پروفەسسورى، قازاقستان فيلوسوفيالىق كونگرەسىنىڭ ۆيسە-پرەزيدەنتى. تۇرسىن حافيز ۇلى قازاقستاننىڭ جوعارى ءبىلىمى مەن عىلىم سالاسىنا سىڭىرگەن ەڭبەگى ءۇشىن 2009 جىلى «قۇرمەت» وردەنىمەن ماراپاتتالدى. عالىم «جوعارى وقۋ ورنىنىڭ ۇزدىك وقىتۋشىسى» مەملەكەتتىك گرانتىنىڭ (2007 ج.)، قازاقستاننىڭ ءبىلىم مەن عىلىم سالاسىنا قوسقان كورنەكتى ۇلەسى ءۇشىن مەملەكەتتىك عىلىمي ستيپەندياسىنىڭ يەگەرى، قازاقستان رەسپۋبليكاسى جوعارى وقۋ ورىندارى قاۋىمداستىعىنىڭ «ۇزدىك اۆتور» بايقاۋىنىڭ، «قازاقستان عالىمدارى وداعىنىڭ» رەسپۋبليكانىڭ عىلىم، تەحنيكا جانە ءبىلىم سالاسىن دامىتۋعا قوسقان زور ۇلەسى ءۇشىن بايقاۋىنىڭ لاۋرەاتى. تۇرسىن عابيتوۆتىڭ «مادەنيەتتانۋ» وقۋلىعى 2001 جىلى وتكەن ق ر مادەنيەت جانە اقپارات مينيسترلىگىنىڭ بايقاۋىندا «قازاقستان ون جىلدىعىنىڭ ۇزدىك كىتابى»، 2006 جىلى «ۇلى جىبەك جولى» حالىقارالىق كىتاپ جارمەڭكەسىنىڭ لاۋرەاتى اتاندى. ق ر جوعارعى وقۋ ورىندارى قاۋىمداستىعىنىڭ شەشىمىمەن اۆتوردىڭ وقۋلىقتارى قازاقستاننىڭ ەڭ تانىمال وقۋلىقتارىنىڭ قاتارىنا ەنگەن بولاتىن. تۇرسىن عابيتوۆتىڭ ەسىمى قازاقستاندىق مادەنيەتتانۋشىلار مەكتەبىنىڭ نەگىزىن قالاۋشىلاردىڭ ءبىرى رەتىندە شەتەلدە دە تانىمال. عالىم كوپتەگەن حالىقارالىق كونگرەستەردىڭ، سيمپوزيۋمداردىڭ، كونفەرەنسيالاردىڭ جۇمىسىنا بەلسەنە قاتىسىپ، مازمۇندى باياندامالار جاسادى. عالىم 200-دەن استام عىلىمي كىتاپتىڭ، ونىڭ ىشىندە 50-دەن استام جەكە جانە ۇجىمدىق مونوگرافيالاردىڭ، كوپتەگەن وقۋلىقتار مەن وقۋ قۇرالدارىنىڭ، ەنسيكلوپەديالاردىڭ، سوزدىكتەردىڭ، جالپى سانى 600-دەن اساتىن جاريالانىمداردىڭ اۆتورى. اۆتوردىڭ فيلوسوفيا جانە ەتيكا تاريحى بويىنشا ەڭبەكتەرى اۋعانستان، يران، ءازىربايجان جانە تۇركيادا جارىق كوردى. پروفەسسوردىڭ عىلىمي جەتەكشىلىگىمەن 40-تان استام عىلىم كانديداتى مەن 6 عىلىم دوكتورى، 5 فيلوسوفيا دوكتورى (PhD) دايىندالدى. تۇرسىن عابيتوۆ «ۇلتتىق يدەيا ‒ قازاقستاننىڭ 2007-2009 جىلدارعا ارنالعان تۇراقتى دامۋىنىڭ نەگىزى» مەملەكەتتىك باعدارلاماسىن ىسكە اسىرۋعا اتسالىستى، قازاقستان رەسپۋبليكاسى ءبىلىم جانە عىلىم مينيسترلىگىنىڭ ىرگەلى زەرتتەۋلەردى گرانتتىق قارجىلاندىرۋى اياسىندا «شىعىس پەن باتىس مادەنيەتتەرىنىڭ ديالوگى كونتەكستىندەگى قازاقستاندىق ۇلتتىق يدەيا» جوباسىنىڭ جەتەكشىسى بولدى. پروفەسسور تۇرسىن عابيتوۆ «مادەني مۇرا» مەملەكەتتىك باعدارلاماسىن جۇزەگە اسىرۋ ىسىنە بەلسەندى قاتىسىپ، «الەمدىك فيلوسوفيالىق مۇرا» جانە «قازاق حالقىنىڭ فيلوسوفيالىق مۇراسى» سەكسيالارىنىڭ مۇشەسى، كوپتومدىق اۆتورلارىنىڭ، عىلىمي رەداكتورلارىنىڭ ءبىرى رەتىندە 40 تومنان تۇراتىن دانالىق جاۋھارلارىنىڭ قازاق تىلىندە جارىق كورۋىنە، جيناقتالۋىنا زور ۇلەس قوستى.
عالىمنىڭ قاتىسۋىمەن باتىس ويشىلدارى، دجون لوكك، شارل مونتەسكە، جان-جاك رۋسسو، كارل پوپپەردىڭ شىعارمالارى مەن فيلوسوفيا تاريحشىلارى دجوۆانني رەالە مەن داريو انتيسەريدىڭ ەڭبەكتەرى قازاق تىلىنە اۋدارىلدى.
تۇرسىن عابيتوۆتىڭ «مادەنيەتتانۋ»، «فيلوسوفيا»، «ەتيكا» اتتى وقۋلىقتارى، «قازاق مادەنيەتىنىڭ تيپولوگياسى»، «قازاق فيلوسوفياسىنىڭ تاريحى»، «قازاق مادەنيەتىنىڭ تاريحى مەن تەورياسى» مونوگرافيالارى رەسپۋبليكامىزدا كەڭىنەن تانىمال. تۇرسىن عابيتوۆتىڭ «قازاق فيلوسوفياسى» جانە «قازاق مادەنيەتىنىڭ تەورياسى مەن تاريحى» ەڭبەكتەرى مادەني فيلوسوفيالىق كلاسسيكاعا اينالعان.
ءدىنتانۋ جانە مادەنيەتتانۋ كافەدراسىنىڭ اعا وقىتۋشىسى - اليكبايەۆا مارجان
"مادەنيەتتانۋ" ماماندىعىنىڭ 1 كۋرس ماگيسترانتى - ساتىبالدينا ارۋجان
You Might Also Like
-
مادەنيەتارالىق بايلانىس پەن تاجىريبە جەكە ادامعا اقىل-وي قۇرىلىمدارىن قايتا قاراۋعا، ءوز كوزقاراسىن اشۋعا جانە بايىتۋعا، ينتەللەكتۋالدى قاراپايىمدىلىق، جەكە جانە كاسىبي ينۆەستيسيالار ارقىلى مۇمكىندى...
-
قازاق مادەنيەتىندەگى تەاتر ونەرىنىڭ ديناميكاسى تاقىرىبىنداعى ماقالامدى باستاماس بۇرىن، سىزدەرگە جالپى تەاتر قۇبىلىسىنىڭ پايدا بولۋى مەن تاريحىن سيپاتتاپ وتكىم كەلىپ تۇر.
