InfoHub Logo

سەن عاناسىڭ قۇلىنىم سەن عاناسىڭ،
مەن دە كوپكە بارماسپىن،سەن قالاسىڭ.
ويران بولعان ورداڭنىڭ ورنىنا كەپ
وتاۋ تىگىپ، وتتارىن سەن جاعاسىڭ.

مىنە، ىقىلىم زاماننان بەرى ءبىزدىڭ اتا-بابالارىمىز ءوز ۇرپاقتارىنا وسىلاي سەنىمدەرىن ءبىلدىرىپ، ۇزىلمەس ءۇمىت ارتاتىن.اسىرەسە، جاۋگەرشىلىك زامان كەلبەتىندە،جۇرت ەڭىرەپ، كوش اۋىپ جۇرگەن كەزدە وزىنەن امان قالعان جالعىز تۇياقتارىنىڭ ۋادەسىن الىپ،امانات تاپسىراتىن بولعان.<<ەر ەلى ءۇشىن تۋىپ، ەلى ءۇشىن ولەدى>> دەمەكشى، قورعاسىنداي اۋىر امانات ارقالاعان، ەل ەرتەڭىنە اينالعان تەكتى ۇرپاق وركەنى وسە كەلە، ەلىنە تىرەك بولار ايبىندى باتىر، ەلىنىڭ كەگىن الار، ەلى ءۇشىن جانىن پيدا ەتەر نامىسقوي ۇلان بولىپ شىعادى.اماناتتى قالاي تۇسىنەمىز؟

جالپى، مەن امانات ۇعىمىن قازاق تاريحىنا بايلانىستى ۇشكە ءبولدىم. العاشقى كوش باسى وسى جاۋگەرشىلىك زامانىنداعى حالىق اماناتى بولسا، كوش ورتاسى الاش  زيالىلارى كەزىندەگى ءبىلىم اماناتى. ەلىنىڭ ءبىرتۋار ازاماتتارى بەس ارىستاردىڭ، ءۇش بايتەرەكتەردىڭ، قازاق ءۇشىن  جانى وق قۇشقان تالاي بوزداقتاردىڭ اماناتى. ولار ەندى بىزدەن نە كۇتەدى؟ امانات بۇيىمتايى قانداي؟ مەنىڭ ويىمشا، ءبىز  كوزى اشىق،ءبىلىمدى بولساق، ءوز قۇقىقتارىمىزدى قورعاي الساق، رۋحاني ماڭگۇرتتىكتەن ادا بولىپ،تاريحتا حاتىمىز قالسا، بۇل، اماناتتىڭ ورىندالعانى دەپ بىلەمىن. كوش سوڭىنداعى امانات كوشتىڭ بارلىق بولىگىن قامتيتىن، بۇكىل  قازاق قازاق بولىپ قۇرىلعالى بەرى اڭساعانى-تاۋەلسىزدىك.<<تاۋەلسىزدىك-تاڭىردەن كەلگەن ءتاتتى سىي!>> بۇل كوشتىڭ قاتارى جاستارمەن تولىقتى.جاستارىمىز دا قاراپ قالماي  قازاقتى تەك قازاق بيلەۋىن تۋ ەتىپ شەگەلەدى،كولبينگە قارسى شىقتى،ولار تار جول تايعاق كەشتى،سوندا دا ءوز العان بەتتەرىنەن ەشقايسىسى تايعان جوق،ولار كوز كورمەس ازاپ شەكتى،سوندا دا تاۋەلسىز تاڭدى اڭساۋىن دوعارعان جوق،ولار جاۋىنا دا تىلەمەس كۇندى باستان كەشتى،سوندا دا قايسارلىق تانىتتى،ولاردىڭ ءار كۇنى قورقىنىشپەن باستالدى،سوندادا ەرلەرى ەر،ءور مىنەزىنەن تايعان جوق،قىزدارى ەر مىنەز  قالىپتاستىردى.اقىرى ولار ازاتتىق تاڭىن كورمەسە دە ۇرپاعىنىڭ بولاشاعىن جارقىن قىلىپ،تاۋەلسىزدىك جالاۋىن كوككە سامعاتتى،بىزگە اماناتقا تابىستادى. ال ءبىز نە ىستەيمىز؟ ءمىرجاقىپ دۋلات ۇلى جىرلاعانداي،ويانامىز،  كوزىمىزدى بىلىمگە قاراتامىز،ويىمىزدى  اقىل مەن جۇرەككە  بيلەتەمىز،تىڭ يدەيالارمەن ەلىمىزدى دامىتامىز. تاۋەلسىزدىك،جەر،ءبىلىم اتتى اماناتتارىمىزدى جوعالتپاي، الاقانىمىزدا ساقتاپ،كەلەشەك قانى قازاق ۇرپاقتارىمىزعا امانات ەتىپ تابىستاپ، كەتە بارامىز.

ەڭلىك جۇماش

---