الداعى ءتورت جىل ىشىندە 70 مىڭعا تارتا باستاۋىش سىنىپتىڭ مۇعالىمدەرى دايىندىقتان وتەدى
قازاقپارات - «نازاربايەۆ زياتكەرلىك مەكتەپتەرى» بازاسىندا الداعى ءتورت جىل ىشىندە 70 مىڭعا تارتا باستاۋىش سىنىپتىڭ مۇعالىمدەرى دايىندىقتان وتەدى. بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە «نازاربايەۆ زياتكەرلىك مەكتەپتەرى» اق باسقارما ءتورايىمى كۇلاش ءشامشيدينوۆا وسىلاي ءمالىم ەتتى.
«ءبىلىم سالاسىندا، پەداگوگيكادا جاڭا تۇسىنىك پايدا بولدى، وعان سايكەس، بالا اناليز، سينتەز جاساي الۋى كەرەك. باعالاي ءبىلىپ، العان ءبىلىمىن پايدالانا الۋى كەرەك. وسىنىڭ ءوزى ءبىز ءبىلىم ساپاسىنىڭ مازمۇنىنا قاتىستى ەنگىزگەلى وتىرعان فۋنكسيونالدىق بىلىكتىلىككە الىپ كەلەدى»، - دەيدى ك. شامشيدەنوۆا.
ونىڭ ايتۋىنشا، جاڭا مازمۇندى ەنگىزۋ ماقساتىندا 2011 جىلدان باستاپ مۇعالىمدەردىڭ بىلىكتىلىگىن ارتتىرۋعا باعىتتالعان كوپتەگەن جۇمىستار اتقارىلعان. ال 2012 جىلدان باستاپ «نازاربايەۆ زياتكەرلىك مەكتەپتەرى» بازاسىندا دايىندالعان جاڭا ادىستەمەلىك تەحنولوگيالارعا بايلانىستى وقۋ باعدارلامالارىنا ەلۋ ەكى مىڭنان استام ۇستاز قايتا دايارلىقتان ءوتتى. جەتى جۇزدەن استام ترەنەرلەر دايارلانىپ، ءبىر جارىم مىڭنان استام مەكتەپ ديرەكتورلارى دا دايارلىقتان وتكەن.
«ءبىلىم سالاسىنداعى جاڭا مازمۇنعا بايلانىستى الداعى ءتورت جىل ىشىندە 70 مىڭعا تارتا باستاۋىش سىنىپتىڭ مۇعالىمدەر مەن وسى سىنىپتاردا جۇمىس ىستەيتىن 200 مىڭعا جۋىق مۇعالىمدەر دايىندىقتان وتەدى. بۇل ءار جىلدار بويىنشا بەكىتىلدى، قاي وڭىردەن قاي جەردە وتەتىنى دە بەلگىلەندى»، - دەدى ك. ءشامشيدينوۆا.
You Might Also Like
-
ەۋروپاداعى سەكىلدى قازاقستاندا دا بالا التى جاستان مەكتەپ پارتاسىنا وتىرۋى كەرەك. بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان...
-
ءبىلىم سالاسىنداعى باستامالار جان-جاقتى تالقىلاۋدان كەيىن عانا مەكتەپ باعدارلاماسىنا ەنگىزىلۋى ءتيىس. بۇگىن «تاۋەلسىزدىك. كەلىسىم. بولاشاعى ءبىرتۇتاس ۇلت» كۇن تارتىبىمەن ءوتىپ جاتقان قازاقس...
