جوو-لاردىڭ ءبىرىنشى كۋرسى مەكتەپتىڭ 12-سىنىبىنا اينالىپ كەتتى - ە. ساعادييەۆ
قازاقستانداعى جوعارۋ وقۋ ورىندارىنىڭ ءبىرىنشى كۋرسى بەلگىلى ءبىر دەڭگەيدە مەكتەپتىڭ 12-سىنىبىنا اينالىپ كەتتى. بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم ەتتى.
«ەلىمىزدىڭ جەتەكشى جوعارۋ وقۋ ورىندارىنىڭ باسشىلارىمەن تىلدەسسەڭىزدەر، ولاردىڭ ءبارى «ءبىرىنشى كۋرس مەكتەپتەگى باعدارلامانى قايتالاۋ» دەپ ءبارى ايتادى. ياعني، مەكتەپتەن كەلگەن بالا ءبىر جىلىن تەككە، بوسقا وتكىزەدى. ەكى ۋنيۆەرسيتەتتىڭ بۇرىنعى پرەزيدەنتى رەتىندە مەن بۇل ماسەلەنى جاقسى بىلەمىن: ءبىز جوو-لاردىڭ ءبىرىنشى كۋرسىن بەلگىلى ءبىر دەڭگەيدە مەكتەپتىڭ 12-سىنىبىنا اينالدىرىپ جىبەردىك»، -دەدى ە. ساعادييەۆ.
وسىعان بايلانىستى مينيستر جالپى ءبىلىم بەرەتىن مەكتەپتەردە بۇل ماسەلە رەتكە كەلتىرىلەتىنىن مالىمدەدى. ونىڭ ايتۋىنشا، جوو-لاردا حالىقارلىق دەڭگەيدە ءوزىنىڭ جەكە باعدارلامالارىن دايىنداۋ ءۇشىن اكادەميالىق ەركىندىك بەرىلەدى.
«تۇيىندەي ايتقاندا، بالانى التى جاستان بەرۋ، جوو باعدارلامالارىن رەتكە كەلتىرۋ ماقساتىندا 12 جىلدىق ءبىلىم بەرۋ ەنگىزىلەدى. ياعني، بالا مەكتەپكە ەرتە بارادى، ونىڭ جوو-داعى جالپى ءبىلىم باعدارلاماسى قىسقارتىلادى. سوعان سايكەس، جوو باعدارلاماسى دا وزگەرىستەرگە ۇشىرايدى، ولار حالىقارالىق دەڭگەيگە سايكەستەندىرىلەدى»، - دەدى ە. ساعادييەۆ.
اۆتور: قانات مامەتقازى ۇلى
You Might Also Like
-
ەلىمىزدە قازاق تىلىنە ۇيرەتەتىن بىردە-بىر دۇرىس ادىستەمە جوق. بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمال...
-
«بالاعا كۇشتەپ ءبىلىم بەرۋدەن گورى، بالانىڭ بىلىمگە دەگەن قۇشتارلىعىن وياتۋ - ەڭ ماڭىزدى ماقسات»
